গুৱাহাটী মহানগৰীৰ মালিগাঁওৰ কাষৰীয়া আদেংগিৰী মাধৱদেৱ নগৰ ৰাজহুৱা নামঘৰৰ উদ্যোগত কাতি মাহ উপলক্ষে সমগ্ৰ মাহজুৰি পৱিত্ৰ গীতা পাঠ আয়োজন কৰা হয়। এমহীয়া কাতি বিহুৰ গীতাপাঠৰ সামৰণি উপলক্ষে ২২ নৱেম্বৰৰ সন্ধিয়া নামঘৰ প্ৰাংগণত এখন সভা অনুষ্ঠিত হয় । নামঘৰ পৰিচালনা সমিতিৰ সভাপতি কুশল চন্দ্ৰ ডেকাৰ সভাপতিত্বত অনুষ্ঠিত সভাৰ আঁতধৰে সম্পাদক নয়ন ডেকাই । সভাত মুখ্য অতিথি হিচাপে ভাগ লৈ পশ্চিম গুৱাহাটীৰ বিধায়ক ৰমেন্দ্ৰ নাৰায়ণ কলিতাই এমহীয়া কাতি বিহুৰ গীতাপাঠৰ দৰে আধ্যাত্মিক অনুষ্ঠানৰ আয়োজন কৰা বাবে আয়োজক সকলৰ শলাগ লয় । সভাত বিশিষ্ট অতিথি হিচাপে ভাগ লৈ কামৰূপ জিলাৰ জিলা পৰিবহন বিষয়া গৌতম দাসে ভাষণত এনে ধৰণৰ পৱিত্ৰ গীতাপাঠৰ দ্বাৰা অপায় অমংগল দূৰ হৈ সকলোৰে মাজত শান্তি সম্প্ৰীতি আৰু ভাতৃত্ববোধৰ এখন সমাজ প্ৰতিষ্ঠা হ’ব বুলি আশা ব্যক্ত কৰে ।সভাত ৰাষ্ট্ৰীয় স্বয়ংসেৱক সংঘৰ ক্ষেত্ৰীয় প্ৰচাৰক কূটলেশ কুলকাৰণী , সেৱা ভাৰতী পূৰ্বাঞ্চলৰ উলাৰ্জী কুলকাৰণী , গুৱাহাটী মহানগৰ উন্নয়ন প্ৰাধিকৰণৰ জনসম্পৰ্কৰক্ষী বিষয়া সনাতন দাস , শিল্পী এছ কে শৰ্মাকে ধৰি কেইবাজনো বিশিষ্ট লোক উপস্থিত থাকে।
Trending
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন
- কটন বিশ্ববিদ্যালয়ত সবল গণতন্ত্ৰৰ হকে ভোটদানৰ বাবে সজাগতা অনুষ্ঠান
- ধুবুৰী জিলাত মুখ্য নিৰ্বাচনী বিষয়া উপস্থিত
- দীনজ্যোতি ফাউণ্ডেশ্যনৰ উদ্যোগত শ্ৰমিক দিৱস উদযাপন
- পাটাছাৰকুছি প্ৰেছ ক্লাৱৰ প্ৰতিষ্ঠা দিৱস উদযাপন
- শ্ৰমিক দিৱসত ব্যতিক্ৰমী কৰ্মেৰে উদ্ভাসিত ঢকুৱাখনাৰ পাপু দত্ত
- Experience Trial voting through Virtual Reality in Kamrup election district
- গুৱাহাটী লোকসভা নিৰ্বাচনৰ সাধাৰণ পৰ্যবেক্ষকৰ পৰ্যালোচনা সভা