সোণাৰাম নাথ, দ্রোণ ভূঞালৈ বিষ্ণু ৰাভা বঁটা

প্রতিবছৰৰ দৰে এইবাৰো বিষ্ণু ৰাভা বঁটা দুগৰাকী শিল্পীলৈ আগবঢ়াইছে।বিশিষ্ট ভাস্কর্য শিল্পী সোণাৰাম নাথ আৰু লোকশিল্পী দ্রোণ ভূঞালৈ আগবঢ়োৱা হৈছে ২০২১ বর্ষৰ বিষ্ণু ৰাভা বঁটা আগবঢ়োৱা হৈছে। ছিপাঝাৰৰ পশ্চিম প্রান্তৰ বোনমাঝাৰ সন্তান সোণাৰাম নাথ এগৰাকী চিত্ৰ ভাস্কৰ্য শিল্পী। তেখেতৰ ভাস্কৰ্য শিল্পৰ স্বাক্ষৰ হ’ল শিৱসাগৰ পিয়লি ফুকন, ভোগেশ্বৰ বৰুৱা, পদ্মনাথ গোহাঞিবৰুৱা প্রতিমূর্তি৷তেখেতে বিভিন্ন প্রদর্শনীত উচ্চ প্রশংসিত হৈছে। ২০০৫ চনত অৱসৰ গ্রহণ কৰা শিল্পীজন আর্টিষ্ট গীল্ডৰ লগতো জড়িত হৈ আছিল।আনহাতে দ্রোণ ভূঞাকো অসম চৰকাৰৰ বিষ্ণু ৰাভাৰ বঁটাৰে সন্মানিত কৰা হয়। দৰঙী কলা–কৃষ্টি উন্নয়ন সংঘকে ধৰি বিভিন্ন সাংস্কৃতিক অনুষ্ঠানৰে জডিত গুৰু দ্রোণ ভূঞালৈ অভিনন্দন জ্ঞাপন কৰিছে ভিন্ন ব্যক্তিবিশেষ তথা বিভিন্ন অনুষ্ঠান–প্রতিষ্ঠানে৷