হেলমেট পৰিধান নকৰাকৈ দুচকীয়া বাহন চালক সকলৰ বাবে এতিয়াৰে পৰা দুঃখবৰ। কিয়নো এতিয়াৰে পৰা গুৱাহাটী মহানগৰীৰ তেল ডিপো সমূহত যিসকল দুচকীয়া বাহনৰ চালকে হেলমেট পৰিধান নকৰাকৈ ডিপোলৈ তেল ভৰাবলৈ আহে তেওঁলোকে তেল নাপাব । কিয়নো পথ সুৰক্ষা আৰু জীৱন ৰক্ষাৰ স্বাৰ্থত কামৰূপ মহানগৰ জিলা পথ সুৰক্ষা সমিতিয়ে মহানগৰীৰ ডিপো সমূহত হেলমেট পৰিধান নকৰা দুচকীয়া বাহনৰ চালকক পেট্ৰল নিদিবলৈ তেল ডিপোৰ গৰাকী আৰু কৰ্মচাৰী সকলক আহ্বান জনাইছে । এই সন্দৰ্ভত জিলা পথ সুৰক্ষা সমিতিৰ সদস্য সচিব আৰু কামৰূপ মহানগৰ জিলাৰ জিলা পৰিবহন বিষয়া গৌতম দাসে জানিবলৈ দিয়া মতে ২৫ জুনত কামৰূপ মহানগৰ জিলাৰ উপায়ুক্ত আৰু জিলা পথ সুৰক্ষা সমিতিৰ অধ্যক্ষ বিশ্বজিৎ পেগুৰ সভাপতিত্বত উপায়ুক্ত কাৰ্যালয়ৰ সভাগৃহত অনুষ্ঠিত পথ সুৰক্ষা সমিতিৰ এখন সভাত “ন’ হেলমেট ন’ পেট্ৰল” নীতি কাৰ্যকৰী কৰিবলৈ সিদ্ধান্ত গ্ৰহণ কৰা হয় । এই নীতিৰ অধীনত হেলমেট পৰিধি নকৰা দুচকীয়া বাহন চালকক পেট্ৰল ডিপোট পেট্ৰল নিদিবলৈ ডিপো সমূহলৈ আহ্বান জনোৱা হৈছে । ইতিমধ্যে জিলা উপায়ুক্তই এই নীতি যাতে সঠিকভাবে কাৰ্যকৰী হয় তাৰ বাবে পেট্ৰল ডিপোৰ তদাৰকৰ দায়িত্বত থকা জিলা যোগান বিভাগক নিৰ্দেশনা দিছে । আনহাতে জিলা পৰিবহন বিষয়া গৌতম দাসে জনোৱা দিয়া মতে দুচকীয়া বাহনৰ দুৰ্ঘটনাৰ ক্ষেত্ৰত কেৱল হেলমেট পৰিধান নকৰা বাবে বহু চালকে মূৰত আঘাট পাই অকালতে মৃত্যুক আঁকোৱালি লবলগীয়া হয় । ইয়াৰ বেছিভাগেই ১৮ ৰ পৰা ২৫ বছৰ বয়সৰ । স্বাভাবিকতে দেশ গঢ়াৰ বয়সত অকাল মৃত্যুক সাৱটি লবলগীয়া হোৱাটো দেশখনৰ বাবেও বৃহৎ ক্ষতি বুলি জিলা পৰিবহন বিষয়া গৰাকীয়ে সদৰি কৰিছে ।
Trending
- গুৱাহাটীত আই এছ ভি আই আৰৰ উত্তৰ পূব অধ্যায়ৰ মধ্য কালীন অধিবেশন ২০২৫ মুকলি কৰে স্বাস্থ্য আৰু পৰিয়াল কল্যাণ মন্ত্ৰী অশোক সিংহলে
- ২০০ খন বিছনাযুক্ত ওদালগুৰি জিলা অসামৰিক চিকিৎসালয় পৰিদৰ্শন- মন্ত্ৰী অশোক সিংহলৰ
- শাওণ মাহৰ প্ৰথমটো সোমবাৰত বোলবোম উপলক্ষে ভীমাশংকৰত হাজাৰ হাজাৰ ভক্তৰ সমাগম
- ইণ্ডিয়া-এআই মিছন : অসমৰ ৫ শিক্ষানুষ্ঠানত স্থাপন হ’ব কৃত্ৰিম বুদ্ধিমত্তাৰ ডাটা লেব
- ফৰ্টিফাইড চাউলৰ সজাগতামূলক সংবাদ মাধ্যমৰ কৰ্মশালা
- অসম সাংস্কৃতিক ন্যাসৰ পাঁচদিনীয়া গ্ৰীষ্মকালীন কৰ্মশালাৰ সামৰণি
- চিন্তাবিদ – সমালোচক ডঃ হীৰেন গোঁহাইসহ চাৰিগৰাকী সাহিত্যিক- শিল্পীলৈ সাহিত্য সাধনা মঞ্চ অসমৰ সন্মান
- চিত্ৰশিল্পী-কবি ৱাহিদা আহমেদৰ কাব্যগ্ৰন্থ এশ বিয়োগ এক উন্মোচন
- জ্ঞানমালিনী সাহিত্য সভাৰ আজীৱন সভ্য ভৰ্ত্তি অভিযান
- এয়াৰটেলৰ গ্ৰাহকৰ বাবে বিশেষ সুবিধা