বুধবাৰে পাটাছাৰকুছি প্ৰেছ ক্লাবৰ ২৩ সংখ্যক প্ৰতিষ্ঠা দিৱস উদযাপন হয়। লগতে পঞ্চম বিশেষ বাৰ্ষিক অধিৱেশনখন প্ৰেছ ক্লাবৰ স্থায়ী কাৰ্যালয়ত অনুষ্ঠিত হয়৷
আজি মে’ দিৱসৰ লগত সংগতি ৰাখি পাটাছাৰকুছিৰ দুগৰাকী আজীৱন শ্ৰমিক উৎসৱ ৰয় আৰু বাপধন ডেকাক বিশেষভাবে সম্বৰ্ধনা জ্ঞাপন কৰা হয়৷আজি পুৱা পতাকা উত্তোলন কৰে ক্লাবৰ সভাপতি নৱকান্ত কলিতাই, স্মৃতি তৰ্পণ কৰে ক্লাবৰ উপদেষ্টা দিলীপ কুমাৰ ৰয়ে৷ ইয়াৰ পিচতে শ্ৰমিক সম্বৰ্ধনা আৰু সাধাৰণ সভা অনুষ্ঠিত কৰা হয়৷ সাধাৰণ সভাত বিগত বৰ্ষৰ সম্পাদকৰ প্ৰতিবেদন পাঠ কৰে সম্পাদক বিৰাজ কলিতাই আৰু হিচাপ পৰীক্ষাৰ প্ৰতিবেদন পাঠ কৰে কিশোৰ শৰ্মাই৷
