ৰাণী সাহিত্য সভাৰ দিনযোৰা কাৰ্যসূচীৰে দ্বি-বাৰ্ষিক অধিৱেশন সম্পন্ন

অসম সাহিত্য সভাৰ স্বীকৃত স্বৰ্ণশাখা ৰাণী সাহিত্য সভাৰ ত্ৰয়োদশ দ্বিবাৰ্ষিক অধিৱেশনখন ১৩ জুলাইত ৰাণী ৰূপকোঁৱৰ কলা পৰিষদৰ প্ৰেক্ষাগৃহত দিনজোৰা কাৰ্যসূচীৰে অনুষ্ঠিত হয়। সভাৰ আৰম্ভণিতে পতাকা উত্তোলন কৰে ৰাণী সাহিত্য সভাৰ সভাপতি প্ৰভাত দাসে আৰু স্মৃতি তৰ্পণ কৰে ৰাণী সাহিত্য সভাৰ সভাৰ কাৰ্যনিৰ্বাহ সদস্য বন্তিৰাম তালুকদাৰে। ইয়াৰ পিছতে অনুষ্ঠিত কবিতা পাঠৰ অনুষ্ঠানত পৰ্যালোচক হিচাপে উপস্থিত থাকে বিশিষ্ট কবি ৰোহিনী কুমাৰ।ৰাণী সাহিত্য সভাৰ মুখপত্ৰ ৰাজ্ঞী উন্মোচন কৰে প্ৰাক্তন আন্তজাৰ্তিক খ্যাতি সম্পন্ন বন বিষয়া বিশিষ্ট কবি ধৰণীধৰ বড়োয়ে। অনুষ্ঠানত মুখ্য অতিথি ৰূপে উপস্থিত থাকে কামৰূপ জিলা সাহিত্য সভাৰ সভাপতি গণেশ্বৰ চহৰীয়া আৰু নিৰ্দিষ্ট বক্তা ৰূপে উপস্থিত থাকে কামৰূপ জিলা সাহিত্য সভাৰ প্ৰতিনিধি তথা দিছপুৰ মহাবিদ্যালয়ৰ মুৰব্বী অধ্যাপক অজিত প্ৰসাদ শৰ্মা। অনুষ্ঠানত বিশিষ্ট কবি চবিন চন্দ্ৰ নাথ, তাৰিণী কুমাৰ দাস, বন্তিৰাম তালুকদাৰ , ৰজনীকান্ত দাস,হেমেন হাজৰিকা, পবিত্ৰ দাস,শংকৰ দাস,প্ৰভাত দাস, দ্বিজেন দাস,আনোৱাৰ হুছেইন, ৰাকেশ তালুকদাৰ,ভূপেন দাস, প্ৰিয়ংকা ৰাভা,পৰাগ দাস কৃষ্ণকান্ত দাস, বিশ্বজিত দাস সুশীল‌ মালী,মৰজিনা খাতুন,দিপিকা মালাকাৰ, আদিকে ধৰি কেবাগৰাকী কবিয়ে কবিতা পাঠ কৰে।শেষত ৰাণী সাহিত্য সভা (স্বৰ্ণ শাখা)ৰ নতুন কাৰ্যকালৰ বাবে দ্বিজেন দাসক সভাপতি আৰু চবিন চন্দ্ৰ নাথক সম্পাদক হিচাপেলৈ ২৫ জনীয়া এখন নতুন সমিতি গঠন কৰা হয়।