শিৱসাগৰ জিলাৰ বৃহত্তৰ বাকচুবাসী ৰাইজৰ উদ্যোগত অহা ৮মাৰ্চৰ পৰা১০মাৰ্চলৈ তিনিদিনীয়া কাৰ্য্যসূচীৰে আয়োজন কৰা হৈছে ভাগৱত বাখ্যা মহোৎসৱ।প্ৰথমদিনা ৮মাৰ্চত পুৱা সাত বজাত সাউদকুছি সত্ৰৰ পুতুল মহন্তই আসন প্ৰতিষ্ঠা কৰা পিছতেই বন্তি প্ৰজ্বলন সমূহীয়া প্ৰাৰ্থনা,বৃক্ষৰোপণ কৰা হ’ব।উদযাপন সমিতিৰ কাৰ্যকৰী সভাপতি অনিল মহন্তই উদ্বোধন তোৰণ উদ্বোধন কৰাৰ পিছতেই ধৰ্মধ্বজা উত্তোলন কৰিব উদযাপন সমিতিৰ সভাপতি ইন্দ্ৰেশ্বৰ বৰাই।পুৱা ৯বজাত ভাগৱত ভ্ৰমণ উদ্বোধন কৰিব শিৱসাগৰ জিলাৰ অতিৰিক্ত আৰক্ষী অধীক্ষক বলীন দেউৰীয়ে।নামপ্ৰসংগৰ পিছতেই এঘাৰ বজাৰ পৰা আৰম্ভ হ’বলগীয়া ভাগৱত বাখ্যা মহোৎসৱ উদ্বোধন কৰিব আউনীআটী সত্ৰৰ ডেকা অধিকাৰ দেৱানন্দ দেৱগোস্বামীয়ে।দ্বিতীয়া দিনা পুৱা চাফাই অভিযানৰ পিছতেই পুনৰ ভাগৱত বাখ্যা অনুষ্ঠান আৰম্ভ হ’ব।ইয়াৰ পিছতেই উন্মোচন কৰা হ’ব এখনি স্মৃতিগ্ৰন্থ,উন্মোচন কৰিব দক্ষিণপাট সত্ৰৰ সত্ৰাধিকাৰ ননীগোপাল দেৱগোস্বামীয়ে।তৃতীয় দিনা অৰ্থাৎ শেষৰ দিনা দিনৰ এক বজাৰ পৰা অনুষ্ঠিত হ’বলগীয়া ধৰ্মালোচনী সভাত মুখ্য অতিথি হিচাপে ভাগৱত ৰস সিন্ধু শ্ৰীমন্ত শংকৰদেৱ যুৱ সমাজৰ সভাপতি ৰিজু পাঠক,শিখ পুৰোহিত জ্ঞানী জজবীৰ সিং,গীতা মিছনৰ অধ্যক্ষ ড°মণি কাশ্যপে অংশ গ্ৰহণ কৰিব।আৰু সেইদিনাই ভাগৱত বাখ্যা মহোৎসৱত উপস্থিত থকা সমূহ ভক্তপ্ৰাণ ৰাইজক একোখনকৈ গীতা দান কৰা হ’ব।সন্ধিয়ালৈ স্থানীয় শিল্পীসকলৰ দ্বাৰা “দ্বিবিদৰ মুক্তি লাভ,বলোৰাম হস্তিনা উদ্ধাৰ”ভাওনা প্ৰদৰ্শন কৰিব।তিনিদিনীয়া ভাগৱত মহোৎসৱত সমূহ ভক্তপ্ৰাণ ৰাইজৰ উপস্থিতি,সহায় সহযোগিতা কামনা কৰিছে উদযাপন সমিতিৰ মুখ্যব্যৱস্থাপক পাৰ্থপ্ৰতিম বৰা আৰু মণ্টু গগৈয়ে।খবৰ যুগুতালে শিৱসাগৰৰ পৰা দিল্লিস্তান খানে..
Trending
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন
- কটন বিশ্ববিদ্যালয়ত সবল গণতন্ত্ৰৰ হকে ভোটদানৰ বাবে সজাগতা অনুষ্ঠান
- ধুবুৰী জিলাত মুখ্য নিৰ্বাচনী বিষয়া উপস্থিত
- দীনজ্যোতি ফাউণ্ডেশ্যনৰ উদ্যোগত শ্ৰমিক দিৱস উদযাপন
- পাটাছাৰকুছি প্ৰেছ ক্লাৱৰ প্ৰতিষ্ঠা দিৱস উদযাপন
- শ্ৰমিক দিৱসত ব্যতিক্ৰমী কৰ্মেৰে উদ্ভাসিত ঢকুৱাখনাৰ পাপু দত্ত
- Experience Trial voting through Virtual Reality in Kamrup election district
- গুৱাহাটী লোকসভা নিৰ্বাচনৰ সাধাৰণ পৰ্যবেক্ষকৰ পৰ্যালোচনা সভা
- আজাৰা সাহিত্য সভাৰ ফেচবুক পৃষ্ঠা উন্মোচন