হিন্দু মুছলমানৰ সম্প্ৰীতিৰ স্বাক্ষৰ বহন কৰি অহা নগাঁৱৰ পুৰণিগুডামৰ বৰমজিদৰ দুমহলীয়া মিনাৰটো সুকলমে স্থানান্তৰিত হৈছে।১৯০৯ চনতে নিৰ্মাণ হোৱা মিনাৰটো মাটি দাইল, হাঁহ কণী, চূণেৰে নিৰ্মাণ কৰা হৈছিল ।মিনাৰটোৰ সমীপৱৰ্তী ঠাইখিনি চাৰিলেনযুক্ত পথলৈ সম্প্ৰসাৰণ হোৱাৰ পৰিপ্ৰেক্ষিতত বৰ্তমানে স্থানান্তৰ কৰা হৈছে ।জানিব পৰা ১৫ দিনৰ ভিতৰত স্থানান্তৰ প্ৰক্ৰিয়া সম্পূৰ্ণ হৈ উঠিব।ইতিমধ্যে মিনাৰটো স্থানান্তৰ কৰাৰ সময়ত দুটা কেৰাহী সদৃশ বাচন উদ্ধাৰ হৈছে ।উদ্ধাৰ হোৱা সামগ্ৰী সমূহ চাবলৈ বহু লোকৰ সমাগম হৈছে ।উল্লেখযোগ্য যে চলিত বৰ্ষৰ প্ৰচণ্ড শীতৰ দিনত নৈশভাগত ১০০জন হিন্দু তীৰ্থযাত্ৰীয়ে এই মিনাৰটোক আশ্ৰয়স্থল হিচাপে ব্যৱহাৰ কৰিছিল ।হিন্দু মুছলমানৰ সম্প্ৰীতিৰ স্বাক্ষৰ হৈ জিলিকি উঠা মিনাৰটো অক্ষত অৱস্থাত স্থানান্তৰ কৰা কাৰ্য্যই স্থানীয় ৰাইজক উৎসাহিত কৰি তুলিছে ।সহযোগ কৰিলে নগাঁৱৰ পৰা ৰাহুল দেৱ বৰদলৈয়ে..