ক’ৰবাত গান শুনিলেই ছোৱালীজনীয়ে নাচি উঠিছিল ।স্থান, কাল নাচায় সংগীতৰ তালত মত্ত হৈ পৰিছিল ।এদিন মাকে ছোৱালীজনীক সুধিছিল -তুমি নৃত্য শিকিবা নেকি? ছোৱালী জনীয়ে কৈছিল -ওম শিকিম।তাৰ পিছৰপৰা আৰম্ভ হৈছিল নৃত্যৰ প্ৰশিক্ষণ ।এয়া বৃষ্টি সৰকাৰৰ মাকৰ মন্তব্য ।উল্লেখযোগ্য যে মুম্বাইত ৬ জানুৱাৰীত অনুষ্ঠিত হোৱা ইণ্ডিয়া ডাঞ্চিং চুপাৰ ষ্টাৰত গুৱাহাটী ৰাণীৰ বৃষ্টি সৰকাৰে প্ৰথম ৰাণাৰ্ছআপ খিতাপ দখল কৰিবলৈ সক্ষম হয়।ব্লু’বেৰি কোম্পানীয়ে আয়োজন কৰা প্ৰতিযোগিতা খনত ভাৰতৰ ৩০ৰাজ্যৰ প্ৰতিযোগিতায়ে অংশগ্ৰহণ কৰিছিল ।জানিব পৰা মতে বৃষ্টিয়ে নৃত্যৰ লগতে সুন্দৰকৈ ছবিও আঁকে।সম্প্ৰতি বৃষ্টি চতুৰ্থ শ্ৰেণীত অধ্যয়ন কৰি আছে।বৃষ্টিৰ সাফল্যৰ বাবে এন ই ফ’কাচ ডট কমৰ ফালৰ পৰা অলেখ অভিনন্দন জ্ঞাপন কৰিলো ।