প্ৰতি বছৰৰ দৰে এইবাৰো গণৰাজ্য দিৱসত ২০১৯ বৰ্ষৰ ৰাষ্ট্ৰীয় সাহসিকতা বঁটা প্ৰদান কৰিব।এই বঁটাৰ বাবে কেন্দ্রীয় শিশু কল্যাণ পৰিষদে অসমৰ সাহসী কিশোৰ কমলকৃষ্ণ দাসৰ নাম ঘোষণা কৰিছে।উল্লেখ্য যে ২০১৮ চনত গুৱাহাটীত কোবাল ব্ৰহ্মপুত্ৰৰ বুকুত সংঘটিত হোৱা ফেৰী দুৰ্ঘটনাত নিজৰ মাতৃ,পেহীয়েক আৰু এগৰাকী মহিলাক সাঁতুৰি প্ৰাণ ৰক্ষা কৰি ১১ বছৰীয়া কমলকৃষ্ণই নিজৰ সাহসিকতাৰ পৰিচয় দাঙি ধৰিছিল।তথ্য অনুসৰি কমলকৃষ্ণৰ ঘৰ উত্তৰ গুৱাহাটীত।কিশোৰ গৰাকীৰ পিতৃ ধনঞ্জয় দাস পানবজাৰৰ এখন চিকিৎসালয়ত কৰ্মৰত আৰু মাতৃ জিতুমণি দাস এগৰাকী গৃহিনী।গুৱাহাটীৰ ছেইণ্ট এন্থনীজ স্কুলৰ ছাত্ৰ কমলকৃষ্ণই সাতোঁৰ প্ৰশিক্ষণো গ্রহণ কৰি আছে।উল্লেখযোগ্য যে ১৯৫৭ চনৰ পৰা প্ৰদান কৰি অহা ৰাষ্ট্ৰীয় সাহসিকতা বঁটা এইবাৰ ১২ খন ৰাজ্যৰ মুঠ ১২ জন ল’ৰা আৰু ১০ জনী ছোৱালীক প্ৰদান কৰা হ’ব।আৰু ইয়াৰে এটি শিশুক মৰণোত্তৰভাৱে এই বঁটা আগবঢ়োৱা হৈছে।খবৰ যুগুতালে গীতাঞ্জলি গগৈয়ে..