অবিৰতভাৱে পদপথৰ কুকুৰক আহাৰ যোগান ধৰি আহিছে দুই প্ৰকৃতিপ্ৰেমীয়ে

মৰিগাঁও চহৰৰ এজন নিদিষ্ট ব্যক্তিক দেখিলেই মৰিগাঁও চহৰৰ পদপথৰ কুকুৰসমূহৰ তৎপৰতাই দৃষ্টি আকৰ্ষণ কৰে পথাচাৰীৰ।নেজ জোকাৰি জোকাৰি ব্যক্তিজনৰ কাষ চাপি আহে ব্যক্তিজনৰ।

 

কিয়নো ব্যক্তিজন মৰিগাঁও চহৰৰ প্ৰতিটো কুকুৰৰ চিনাকী৷ সেইবাবে তেওঁক দেখা মাত্ৰকে কুকুৰজাক দৌৰি যায় ওচৰলৈ।ব্যক্তিজন হৈছে মৰিগাঁও চহৰৰ উচ্চ শিক্ষিত ঠিকাদাৰ, সমাজকৰ্মী মৃনাল গোঁহাই।

 

আনহাতে লকডাউনৰ সময়ত নিজৰ বিভাগীয় কাম কাজ নিষ্ঠা আৰু দক্ষতাৰে পালন কৰাৰ উপৰিও পদপথৰ কুকুৰ তথা পশুকুলৰ প্ৰতি দেখুওৱা দায়বদ্ধতাৰ বাবে মৰিগাঁও চহৰবাসীৰ দৃষ্টি আকৰ্ষণ হৈছে  পশুচিকিৎসকৰ । তেওঁৰ নাম হৈছে ডা: নীলোৎপল কাকতি। মৰিগাঁও জিলা পশুপালন আৰু পশুচিকিৎসা বিভাগৰ পশু চিকিৎসক ডা: নীলোৎপল কাকতিৰ ঘৰ মৰিগাঁও চহৰত। মৰিগঁঞা সমাজ জীৱনৰ এগৰাকী এৰাব নোৱাৰা ব্যক্তি।

 

 

এই দুগৰাকী প্ৰচাৰবিমুখ ব্যক্তিয়ে লকডাউনৰ সময়চোৱাত মহাপুৰুষ শ্ৰীমন্তশঙ্কৰদেৱৰ আমোঘবানী ” কুকুৰ শৃগাল গদৰ্ভৰো আত্মাৰাম . .”বাণীৰ সাৰ্থক দিশটোক প্ৰতিফলন ঘটোৱাৰ বাবে প্ৰশংসিত হৈছে মৰিগাঁও চহৰবাসীৰ পৰা। লকডাউনৰ সময়ছোৱাত সকলো হোটেল, ৰেষ্টুৰেন্ট,দোকান-পোহাৰ বন্ধৰ হোৱাৰ ফলত গভীৰ খাদ্য সংকটৰ সন্মুখীন হোৱা মৰিগাঁও চহৰৰ অৰ্ধশতাধিক পদপথৰ কুকুৰক নিয়মিতভাবে আহাৰ যোগান ধৰি আহিছে।

 

যোৱা ২৪ মাৰ্চৰ পৰাই অবিৰতভাবে মৰিগাঁও চহৰৰ অলিয়ে গলিয়ে গৈ প্ৰতিদিনে খাদ্যৰ যোগান ধৰি আহিছে দুই পশুপ্ৰেমী ডাঃ নীলোৎপল কাকতি আৰু মৃনাল গোহাঁইয়ে।জানিব পৰা অনুসৰি দুয়োগৰাকী মহানুভৱ ব্যক্তিয়ে পদপথৰ কুকুৰ ,জীৱজন্তুৰ বাবে নিতৌ ঘৰতে প্ৰস্তুত কৰা আহাৰত কণী, দৈ,বিস্কুট আদি দি পুষ্টিকৰ খাদ্য প্ৰদান কৰি আহিছে।

 

তাৰবাবে তেওঁলোকে নিজ ঘৰতে ৰন্ধনশালা তৈয়াৰ কৰা লগতে বাচন-বৰ্তন ক্ৰয় কৰি লৈছে। উল্লেখযোগ্য যে লকডাউনৰ সময়তে নহয় সাধাৰণ অৱস্থাতো সৰুৰে পৰা জীৱজন্তুৰ  প্ৰতি দুৰ্বলতা থকা  মৃনাল গোহাঁইয়ে নিতৌ সন্ধিয়া পদপথৰ কুকুৰক বিস্কুট যোগান ধৰাৰ সমান্তৰালভাৱে  পশুচিকিৎসক ডাঃ নীলোৎপল কাকতিয়ে বাটে-পথে অসুস্থ,আহত জীৱজন্তুক চিকিৎসা প্ৰদান কৰি আহিছে।

 

আনহাতে সাধাৰণতে বস্তুবাদী যান্ত্ৰিকতাৰ যুগত ভোটাধিকাৰ নথকা বা লাভালাভৰ অংক নথকা জীৱজন্তুৰ প্ৰতি চিন্তা কৰাৰ কাৰোৱে আহৰি নথকা মানসিকতাকে প্ৰত্যক্ষ কৰা বিপৰীতে জীৱজন্তৰ প্ৰতি থকা দুৰ্বাৰ প্ৰেমৰ বাবে প্ৰচাৰ বিমুখ এই দুই মহানুভৱী ব্যক্তি ডাঃ নীলোৎপল কাকতি আৰু মৃনাল গোহাঁইয়ে  মৰিগাঁও চহৰৰ পদপথৰ কুকুৰকে ধৰি গৰাকীবিহীন জীৱ-জন্তুক আহাৰ যোগান ধৰা ব্যতিক্ৰমী পদক্ষেপক সচেতন মৰিগাঁওবাসীয়ে কেৱল শলাগ লোৱাই নহয় সহায় সহযোগিতাৰে অংশীদাৰ হৈছে ।

 

তেওঁলোকে প্ৰকাশ কৰা অনুসৰি তেওঁলোকৰ প্ৰচাৰবিহীন এই কৰ্মযাত্ৰাত মৰিগাও জিলাৰ উপায়ুক্ত ঋতুৰাজ বৰা, মৰিগাঁও জিলা আৰক্ষী অধীক্ষক স্বপ্ননীল ডেকা,মৰিগাঁও জিলা পৰিষদৰ মুখ্য কাৰ্য্যবাহী বিষয়া কিশোৰ ঠাকুৰীয়া ,মৰিগাঁৱৰ সুসন্তান বিশিষ্ট চলচ্চিত্ৰ পৰিচালক বাণী দাস, ব্যৱসায়ী -সমাজকৰ্মী অমলেশ্বৰ শৰ্ম্মা,মুকুল হাজৰিকা, জয়দীপ বৰুৱা,দীপক ডেকা, ববী জৈন, ৰাজু লাহতি , সাংবাদিক প্ৰাঞ্জল দাস,বৰঙাবাৰী সমবায় সমিতিৰ সভাপতি ইন্দ্ৰেশ্বৰ বৰা,মৰিগাঁও টাউন লাট মণ্ডল দিলীপ কলিতা,মৰিগাঁও পাইকাৰী সমবায় সমিতি ,সমাজকৰ্মী মহেশ ভোলা ডায়েৰীৰ লগতে মৰিগাঁৱৰ একাংশ সংবাদকৰ্মী, ডাঃ কাকতি আৰু গোহাঁইৰ পৰিয়ালবৰ্গই সহায়- সহযোগিতা আগবঢ়াই জীৱ জন্তুৰ প্ৰতি থকা  এই মৰম প্ৰতিফলন ঘটাইছে।

এইদৰে লকভাউনৰ সময়ত চিত্ৰিত হোৱা মানৱীয়তাক মৰিগাঁৱৰ সচেতন মহলে শলাগ লৈছে।

খবৰ যুগুতালে মৰিগাঁৱৰ পৰা ৰিতুমনি মহন্তই..

Share on whatsapp
WhatsApp
Share on facebook
Facebook
Share on twitter
Twitter
Share on email
Email

বৃষ্টিক সহায়ৰ হাত আগবঢ়াইছে বিশাল ভাৰত পৰিবাৰে

এগৰাকী কণমানি।কণমানি গৰাকী নাম বৃষ্টি কাশ্যপ।দেখাত মৰমলগা কণমানি জনীৰ জীৱনলৈ আহিল হঠাতে অমানিশা।বৰ্তমানে তাই চিকিৎসালয়ৰ বিচনাত শয্যাগত হৈ আছে।

 

 

এই সময়তে বৃষ্টি কাশ্যপৰ বিষয়ে চ’চিয়েল মেডিয়াৰ জৰিয়তে জানিব পাৰি সহায়ৰ বাবে আগবাঢ়ি আহিছে বিশাল ভাৰত পৰিবাৰ নামৰ এটা প্ৰতিষ্ঠান।উল্লেখযোগ্য যে বিশাল ভাৰত পৰিবাৰৰ তৰফৰ পৰা বৃষ্টি কাশ্যপলৈ বিনামূলীয়াকৈ আগবঢ়ালে হেল্থ কাৰ্ড ।এই কাৰ্ড ইতিমধ্যে গ্ৰহণ কৰিছে বৃষ্টি কাশ্যপৰ মোমায়েক দানিচ গগৈয়ে।

 

উল্লেখযোগ্য যে  কাৰ্ডখনৰ জৰিয়তে ১৫ ৰ পৰা ২০ শতাংশ ৰেহাইকে মহানগৰীৰ ১৭ খন চিকিৎসালয়ত চিকিৎসা গ্ৰহণ কৰিব পাৰিব। সম্প্ৰতি বৃষ্টি কাশ্যপ মহানগৰী এক্সেল কেয়াৰ হাস্পতালত চিকিৎসাধীন হৈ আছে।বিশাল ভাৰত পৰিবাৰৰ এই পদক্ষেপক সচেতন মহলে শলাগ লৈছে।

চাৰি জনগোষ্ঠীৰ উন্নয়নৰ বাবে অসম চৰকাৰৰ বিশেষ পেকেজ

অসম চৰকাৰে শেহতীয়াকৈ জাৰি কৰা এক অধিসূচনা মৰ্মে ৰাজ্যখনৰ চাৰিটা জনগোষ্ঠীৰ উন্নয়নৰ বাবে অসম চৰকাৰৰ বিশেষ পেকেজ সন্দৰ্ভত আলোচনা কৰাৰ উদ্দেশ্যে আজি শিৱসাগৰ জিলাৰ উপায়ুক্ত কাৰ্য্যালয়ৰ চুকাফা সভাকক্ষত আহোম জনগোষ্ঠীৰ দল সংগঠনৰ প্ৰতিনিধিৰ সৈতে এক বৈঠকত মিলিত হয়।

 

 

বৈঠকত অংশগ্ৰহণ কৰি যোৰহাট লোকসভা সমষ্টিৰ সাংসদ তপন কুমাৰ গগৈয়ে অসম চৰকাৰে ৰাজ্যৰ চাৰিটা জনগোষ্ঠীৰ উন্নয়নৰ বাবে আগবঢ়োৱা এই বিশেষ পুঁজিৰ বাবে মুখ্যমন্ত্ৰী সৰ্বানন্দ সোনোৱাল আৰু বিত্তমন্ত্ৰী ডঃ হিমন্ত বিশ্ব শৰ্মাক কৃতজ্ঞতা জ্ঞাপন কৰে। তেওঁ এই বিশেষ পেকেজৰ অধীনত পৰিকল্পনা প্ৰস্তুত কৰাৰ ক্ষেত্ৰত নতুন প্ৰজন্মৰ যুৱক.যুৱতীৰ স্বাৱলম্বীতাৰ ওপৰত গুৰুত্ব প্ৰদান কৰে। লগতে পুৰণি কীৰ্তিচিহ্ন সমূহৰ সংৰক্ষণৰ লগতে অগ্ৰাধিকাৰ ভিত্তিত অন্যান্য খণ্ডকো আঁচনি আওতাত অনাৰ পোষকতা কৰে। সুদূৰ প্ৰসাৰী প্ৰভাৱ বিস্তাৰ কৰিব পৰা কাৰ্যসূচী সমূহকলৈ পৰিকল্পনা প্ৰস্তুত কৰিবলৈ আহ্বান জনায়।

 

 

ইতিমধ্যে কেন্দ্ৰীয় চৰকাৰে শিৱসাগৰ জিলাক আইকনিক ছাইট হিচাপে গণ্য কৰি ৫০০ কোটি টকা পুঁজি ঘোষণা কৰিছে। লগতে জনতা ভৱনৰ সন্মুখত স্বৰ্গদেউ চাওলুং চুকাফাৰ প্ৰতিমূৰ্তি স্থাপনৰ বাবে ৰাজ্য চৰকাৰে ব্যৱস্থা গ্রহণ কৰিছে বুলিও সদৰি কৰে।

 

 

বৈঠকত উপস্থিত থাকি অসম চৰকাৰৰ ৰাজহ আৰু দুৰ্যোগ ব্যৱস্থাপনা বিভাগৰ মন্ত্ৰী যোগেন মহনে অসম চৰকাৰে চাৰি জনগোষ্ঠীৰ উন্নয়নৰ বাবে আগবঢ়োৱা বিশেষ পেকেজৰ পুঁজিৰ সদব্যৱহাৰৰ ওপৰত গুৰুত্ব আৰোপ কৰে। আঁচনি সমূহ চয়নৰ সময়ত অগ্ৰাধিকাৰ ভিত্তিত কাম-কাজ সমুহ নিৰ্দিষ্ট কৰিবলৈ তেওঁ আহ্বান জনায়। তেওঁ পৰবৰ্তী বৈঠকত উপস্থিত দল সংগঠনৰ প্ৰতিনিধি সকলক তেওঁলোকৰ পৰামৰ্শৱলী লিখিত ৰূপত দাখিল কৰিবলৈ কয়।পৰিকল্পনা প্ৰস্তুত কৰোতে ঐতিহাসিক দৌল-দেৱালয়, যমুনা, পুখুৰী সমূহৰ সংৰক্ষণ আৰু সৌন্দৰ্যবৰ্ধন আদি কামৰ লগতে নিবনুৱা সমস্যা সমাধান, দক্ষতা বিকাশ, ক্ৰীড়া ক্ষেত্ৰৰ উন্নয়ন আদিৰ ওপৰত গুৰুত্ব দিব লাগিব বুলি উল্লেখ কৰে।

 

বৈঠকত জিলা উপায়ুক্ত লক্ষ্মীনন্দন গগৈয়ে আদৰণি ভাষণ প্ৰদান কৰাৰ লগতে বৈঠকৰ উদ্দেশ্য বাখ্যা কৰে। নিজ বক্তব্যত তেওঁ এই পেকেজ ৰূপায়নৰ সন্দৰ্ভত অসম চৰকাৰে আহোম জনগোষ্ঠীৰ বাবে শিৱসাগৰ জিলাত ন’ডেল জিলা হিচাপে ঘোষণা কৰিছে বুলি অৱগত কৰে। এই পেকেজৰ অধীনত ৰূপায়ণ কৰিবলগীয়া আঁচনি আৰু কাম-কাজৰ ক্ষেত্ৰত ঐতিহাসিক কীৰ্তিচিহ্ন সমুহৰ সংৰক্ষণৰ লগতে যুৱক-যুৱতী সকলৰ দক্ষতা বিকাশ, স্বনিয়োজন, ক্ৰীড়া খণ্ডৰ উন্নয়ন আদি বিষয় সমূহত গুৰুত্ব আৰোপ কৰে। তেওঁ লগতে উল্লেখ কৰে যে জিলা প্ৰশাসনে জিলাখনৰ ঐতিহাসিক কীৰ্তিচিহ্ন সমূহৰ বেদখলমুক্ত কৰাৰ প্ৰক্ৰিয়া চলাই আছে। ৰূপহী পথাৰত ১৫ বিঘা মাটি আইকনিক যাদুঘৰ নির্মাণৰ বাবে প্ৰদান কৰাৰ কথাও তেওঁ উল্লেখ কৰে। তেওঁ বিভিন্ন জিলাৰ পৰা অহা আহোম জনগোষ্ঠীৰ দল সংগঠন সমূহৰ প্ৰতিনিধি সকলক সংশ্লিষ্ট জিলা সমূহত টাই-আহোমৰ কলা-সাহিত্য-সংস্কৃতিৰ প্ৰতিফলিত হোৱাকৈ একোখনকৈ আদর্শ গাঁও প্ৰতিষ্ঠা কৰিবলৈ যত্নপৰ হ’বলৈ আহ্বান জনায়। পেকেজৰ অধীনত ৰূপায়ন হ’বলগীয়া কাম কাজৰ বিষয়ে আলোচনা কৰাৰ বাবে পৰৱৰ্তী বৈঠক অহা ১৩ নৱেম্বৰত অনুষ্ঠিত কৰা হ’ব বুলি সদৰি কৰে।

 

সভাত জিলা উন্নয়ন আয়ুক্ত নৱাব আল আজহাৰ আলিয়ে চাৰি জনগোষ্ঠীৰ উন্নয়নৰ বাবে অসম চৰকাৰৰ বিশেষ পেকেজ ৰূপায়ণ সন্দৰ্ভত পালন কৰিবলগীয়া নীতি নিৰ্দেশনা সম্পৰ্কে বিশদভাৱে অৱগত কৰে। তেওঁ উল্লেখ কৰে যে, এই পেকেজৰ অধীনত আহোম, চুতীয়া, মৰাণ আৰু মটক জনগোষ্ঠীৰ উন্নয়নৰ বাবে অসম চৰকাৰে ৫০০ কোটি টকাৰ বিত্তীয় অনুদান ঘোষণা কৰিছে আৰু ইয়াৰে প্ৰতিটো জনগোষ্ঠীৰ বাবে ১২৫ কোটি টকা ধাৰ্য কৰা হৈছে।

 

বৈঠকত বিভিন্ন জিলাৰ পৰা অহা আহোম জনগোষ্ঠীৰ দল-সংগঠনৰ প্ৰতিনিধি সকলে বিভিন্ন পৰামৰ্শ আগবঢ়ায়।আজিৰ বৈঠকত নাজিৰাৰ বিধায়ক দেৱব্রত শইকীয়া, জিলা পৰিষদৰ মুখ্য কাৰ্যবাহী বিষয়া বিপুল শইকীয়া, অতিৰিক্ত উপায়ুক্ত জুনুমণি সোনোৱাল, সহকাৰী আয়ুক্ত মনালী প্ৰসাদ ৰজক, বিশিষ্ট সমাজ সেৱিকা সুৰভি ৰাজকোঁৱৰী, সংশ্লিষ্ট বিভাগ সমূহৰ মুৰব্বী বিষয়া সকলৰ লগতে যোৰহাট, ডিব্ৰুগড়, লখিমপুৰ, তিনিচুকীয়া, কাৰ্বি আংলং, বিশ্বনাথ আৰু চৰাইদেউ জিলাৰ পৰা অহা আহোম জনগোষ্ঠীৰ দল-সংগঠনৰ প্ৰতিনিধি সকল উপস্থিত থাকে।

খবৰ যুগুতালে শিৱসাগৰৰ পৰা দিলিস্তান খানে..

ভি আই পিত থলুৱা উদ্যমী যুৱকে নিৰ্মাণ কৰা ভলগা হোম উদ্ধোধন

গুৱাহাটীৰ পশ্চিম প্ৰান্তৰ বৰঝাৰ বিমান বন্দৰৰ কাষৰীয়া ভি আই পিৰ যোগীপৰাত অঞ্চলটোৰ উদ্যমী যুৱক শংকৰ ঠাকুৰীয়াই নিৰ্মাণ কৰা ভলগা হোম নামৰ এখন হোটেল মঙ্গলবাৰে সন্ধিয়া আনুষ্ঠানিকভাৱে শুভ উদ্ধোধন কৰা হয়। বহু সংখ্যক বিশিষ্ট ব্যক্তিৰ উপস্থিতিত ভলগা হোম উদ্ধোধন কৰে পশ্চিম গুৱাহাটীৰ বিধায়ক ৰমেন্দ্ৰ নাৰায়ণ কলিতা আৰু ভাৰতীয় বিমানবন্দৰ প্ৰাধিকৰণৰ বৰঝাৰস্থিত উত্তৰ পূব মাণ্ডলিক ক্ষেত্ৰীয় কাৰ্যবাহী সঞ্চালক এম সুৰেশে।

 

 

এই উপলক্ষে অনুষ্ঠিত চমু অনুষ্ঠানত বিধায়ক ৰমেন্দ্ৰ নাৰায়ণ কলিতাই ক’ভিড কেন্দ্ৰীক পৰিস্থিতিৰ মাজতো শংকৰ ঠাকুৰীয়াই নিবনুৱা যুৱক যুৱতীক উদগনি দিয়াৰ লক্ষ্যৰে এনে ধৰণৰ পদক্ষেপ গ্ৰহণ কৰা কাৰ্য্যৰ শলাগ লয়। অনুষ্ঠানত ভাৰতীয় বিমানবন্দৰ প্ৰাধিকৰণৰ উত্তৰ-পূব মণ্ডলৰ মহা প্ৰবন্ধকত্ৰয় ক্ৰমে ৰবি কান্ত, এছ ৰাধাকৃষ্ণণ, এছ. কে জৈন, উপ মহা প্ৰবন্ধক জগদীশ বৈশ্যকে ধৰি কেইবাজনো বিষয়া, অগপৰ কেন্দ্ৰীয় সাংগঠনিক সম্পাদক সুভাষ শৰ্মা, পশ্চিম গুৱাহাটী সমষ্টি সমিতিৰ সাধাৰণ সম্পাদক ৰবীন দৈমাৰী, কাহিকুছি গাঁও পঞ্চায়তৰ সভাপতি জগন্নাথ ঠাকুৰীয়া, লোক নিৰ্মাণ বিভাগৰ পশ্চিম গুৱাহাটী ক্ষেত্ৰীয় পথ সংমণ্ডলৰ সহকাৰী কাৰ্যাবাহী অভিযন্তা বুলু ৰঞ্জন ডেকাকে ধৰি কেইবাজনো বিশিষ্ট লোক উপস্থিত থাকে। অনুষ্ঠানত উদ্যমী যুৱক শংকৰ ঠাকুৰীয়াই ভলগা হোম নিৰ্মাণ সন্দৰ্ভত নিজৰ অনুভৱ ব্যক্ত কৰে।

ভাৰতীয় বায়ুসেনাত উইং কামাণ্ডাৰ হিচাপে নিযুক্তি লাভ কৰিছে অসমৰ প্ৰথম গৰাকী মহিলাই

ভাৰতীয় বায়ুসেনাত উইং কামাণ্ডাৰ নিযুক্তি হিচাপে লাভ কৰিছে অসমৰ প্ৰথমগৰাকী মহিলাই। মহিলাগৰাকীৰ নাম বৰ্ণালী গগৈ।লখিমপুৰ নকাৰীৰ ২নং ৱাৰ্ডৰ নিবাসী প্ৰয়াত প্ৰেমধৰ গগৈ আৰু অঞ্জলি গগৈ কন্যা।

 

উল্লেখযোগ্য যে ১৯৯৬ চনৰ ২৭ মে’ত বৰ্ণালীয়ে পাইলট অফিচাৰ হিচাপে বায়ুসেনাত যোগদান কৰিছিল।ইয়াৰ পিছত ফ্লায়িং অফিচাৰ আৰু পৰৱৰ্তী ফ্লায়িং লেফটেনেণ্টে হিচাপে পদোন্নতি লাভ কৰে।

 

১৯৮৬ চনতে বৰ্ণালীয়ে অসমৰ ভিতৰত ১৬নং স্থান দখল কৰি বিজ্ঞান শাখাত কটন কলেজৰ পৰা উত্তীৰ্ণ হৈছিল।ইয়াৰ পৰৱৰ্তী সময়ত অসম অভিযান্ত্ৰিক মহাবিদ্যালয়ৰ পৰা ইলেকট্ৰনিকছ টেলি কমিউনিকেশ্যনত প্রথম শ্ৰেণীৰ প্ৰথম স্থান দখল কৰিছিল। ইয়াৰ পিছতে বিৰলা ইনষ্টিটিউট অফ টেকন’লজি এণ্ড ছায়েন্সৰ পৰা এম টেক ডিগ্ৰী কৰিছিল। তেওঁ ২০২০ বৰ্ষৰ ৰাষ্ট্ৰপতি বঁটাৰেও সন্মানিত হৈছিল।

জ্যেষ্ঠ সাংবাদিক নৱ ঠাকুৰীয়ালৈ বিশেষ সন্মান

জ্যেষ্ঠ সাংবাদিক নৱ ঠাকুৰীয়াক প্ৰেছ এমব্লেম কেম্পেইন নামৰ আন্তৰ্জাতিক সংস্থাৰ ভাৰতৰ প্ৰতিনিধি হিচাপে বাছনি কৰা হৈছে। উল্লেখযোগ্য যে চুইজাৰলেণ্ডৰ জেনেভাস্থিত সংস্থাটোৱে সমগ্ৰ পৃথিৱীতে ঘটি থকা সাংবাদিক হত্যা, সংবাদকৰ্মীৰ ওপৰত হোৱা নিগ্ৰহ আৰু শেহতীয়াকৈ ক’ভিডত মৃত্যু হোৱা সাংবাদিকৰ তালিকা প্ৰস্তুত কৰি আহিছে।

 

 

কেইবাখনো দেশৰ জ্যেষ্ঠ সাংবাদিকৰ উদ্যোগত ২০০৪ চনত জন্ম লাভ কৰা সংস্থাটোৰ সম্পাদক-প্ৰধান ব্লেইজ লেম্পেনে ঠাকুৰীয়াক এই দায়িত্ব অৰ্পনৰ বিষয়ে অৱগত কৰায়।লগতে সংস্থাটোৱে জাৰ্নেলিষ্ট ফ’ৰাম অসম সভাপতি ৰূপম বৰুৱাক ইয়াৰ সহযোগী সংগঠন হিচাপে মান্যতা প্ৰদান কৰিছে।

 

 

২০১০ চনৰ পৰা ৰাষ্ট্ৰসংঘত নিজৰ বক্তব্য উপস্থাপন কৰি অহা সংস্থাটোৱে ভাৰতবৰ্ষৰ বিভিন্ন প্ৰান্তৰ কৰ্মৰত সাংবাদিক আৰ্থিক অৱস্থা সম্পৰ্কটো অধ্যয়ন কৰিব।আজিৰ পৰা তিনিদশক পূৰ্বে অসম অভিযান্ত্ৰিক মহাবিদ্যালয়ৰ পৰা স্নাতক ডিগ্ৰী লাভ কৰা ঠাকুৰীয়াই অসমীয়া কাকতৰ জৰিয়তে সাংবাদিকতা জীৱন আৰম্ভ কৰে।

 

সম্প্ৰতি তেওঁ বহুকেইখন ৰাষ্ট্ৰীয় আৰু আন্ত:ৰাষ্ট্ৰীয় পৰ্যায়ৰ কাকতত সাংবাদিকতা আৰু সাংবাদিকৰ বিভিন্ন সমস্যা ওপৰত প্ৰবন্ধ লিখি আহিছে।

আন্ত:ৰাষ্ট্ৰীয় চলচিত্ৰ মহোৎসৱত প্ৰদৰ্শিত হ’ব মিছিং ছবি

Li:len The Ray of Hope আশাৰ ৰেঙনি এই চিনেমাখন আন্ত:ৰাষ্ট্ৰীয় ঢাকা চিনে মেকিং ইন্টাৰনেশ্যনেল ফ্লিম এৰ্ৱাডত প্ৰদৰ্শিত হ’ব।মিছিং জনজাতিৰ বাস্তৱ কাহিনীৰ ওপৰত নিৰ্মিত এই ছবিখনত এটা বংশগত ৰোগৰ অন্ধবিশ্বাস আৰু বাস্তৱ কাহিনীৰ প্ৰতিচ্ছবি প্ৰতিফলিত হৈছে।

 

 

এই চিনেমাখন পৰিচালনা কৰিছে নাৰায়ণ শীলে।চিনেমাখনৰ দৃশ্যায়ন হৈছে ধেমাজি চিলাপথাৰত। বহু গৰাকী নৱাগত শিল্পীৰ লগতে আন্ত:ৰাষ্ট্ৰীয় পৰ্য্যায়ৰ অভিনেতাই চিনেমাখনত অংশগ্ৰহণ কৰিছে।