স্বপ্ৰতিভাৰে উজ্বলি উঠা এজন কিশোৰ।সৰুৰে পৰাই নৃত্য,চিত্ৰকলা,দেৱ দেৱীৰ সাধুকথাৰ প্ৰতি আকৃষ্ট কিশোৰজনে দেৱ দেৱীৰ মূৰ্তি কাঠ পেঞ্চিল,ৰং তুলিকাৰে অংকন কৰি আহিছে।তাৰোপৰি কিশোৰজনে খেৰ,মাটিৰে মূৰ্তি,প্ৰতিমাও নিৰ্মাণ কৰিব পাৰে।মঙ্গলদৈৰ ঔতলা উচ্চতৰ মাধ্যমিক বিদ্যালয়ত অধ্যয়নৰত এই প্ৰতিভাসম্পন্ন কিশোৰ জনৰ নাম মানসজ্যোতি ডেকা।অষ্টম শ্ৰেণীৰ ছাত্ৰ মানসে এইবাৰ খেৰ,চিমেণ্ট,মাটি ব্যৱহাৰ কৰি সৰস্বতী দেৱীৰ মূৰ্তি নিৰ্মাণ কৰি উলিয়াইছে।নিজ বিদ্যালয়ত মৃন্ময় প্ৰতিমা দান কৰিব কিশোৰজনে।বিদ্যালয়ৰ শিক্ষক হিতেশ কাকতিৰ মতে পঢ়া শুনাৰ লগতে মানসে অংকন কৰা চিত্ৰকলা,মৃৎকলাৰ কাৰুকাৰ্য্য শলাগিবলগীয়া।ঔতলাৰ বেচিমাৰী গাঁৱৰ বুলেন ডেকাৰ একমাত্র পুত্ৰ মানসে দৰিদ্ৰতাকো নেওচি কোনো ধৰণৰ প্ৰশিক্ষণ গ্ৰহণ নকৰাকৈ নিজা ধ্যান ধাৰণাৰে এই কাম কৰি আহিছে।সম্প্রতি অহকা গাঁৱত মোমায়েকৰ ঘৰত থাকি প্ৰতিমা নিৰ্মাণ কৰি থকা কিশোৰজনে এই কথা প্ৰমাণ কৰিলে যে প্ৰতিভাৰ মৰণ নাই।দৰিদ্ৰতা কেতিয়াও প্ৰতিভাৰ হেঙাৰ হ’ব নোৱাৰে।পিতৃয়ে কয় মাত্ৰ আঢ়ৈ বছৰ বয়সতে মানসৰ হৃদযন্ত্রত ফুটা থকাৰ বাবে এইমছত চিকিৎসা কৰোৱা হৈছিল।এতিয়াও সম্পূৰ্ণ আৰোগ্য হৈ উঠা নাই।সেয়ে তাৰ মন ভালে থাকিবৰ বাবে সি কৰা কোনো কামতে আমি হকা বাধা কৰা নাই। মানস এই কাৰ্য্যৰ বাবে বহুজনৰ প্ৰেৰণা হৈ পৰিছে।
জেৰেঙা পথাৰৰ সমাৱেশত মোদীয়ে কি ক`লে
ঐতিহাসিক শিৱসাগৰৰ জেৰেঙা পথাৰত আজি উপস্থিত হয় দেশৰ প্ৰধানমন্ত্ৰী নৰেন্দ্ৰ মোদী ৷ অসমীয়াতে অসমবাসীক ইংৰাজী নৱবৰ্ষ আৰু ভোগালী বিহুৰ শুভেচ্ছা জনাই প্ৰধানমন্ত্ৰীগৰাকীয়ে কয়, “মই অসমবাসীক নৱবৰ্ষ আৰু ভোগালীৰ শুভেচ্ছা জনাইছো আহিবলগীয়া দিনবোৰ সৌভাগ্যপূৰ্ণ হওক । অসমৰ প্ৰতি থকা মৰমে মোক বাবে বাৰে অসমলৈ টানি আনে । যোৱাবাৰ বড়ো সমস্যা সমাধানৰ সময়ত অসমলৈ অহাৰ পাছত এতিয়া ভূমিপুত্ৰ সকলৰ অধিকাৰ সুৰক্ষিত হোৱাৰ সময়ত আহিছো । আজিৰ দিন স্বাভিমান, স্বাধীনতা আৰু সুৰক্ষাৰ সমন্বয় । আনহাতে এই অনুষ্ঠান হৈছে ঐতিহাসিক জেৰেঙাত, যি জেৰেঙা জয়মতীৰ সাহস আৰু ত্যাগৰ কাৰণে জনাজাত ।
ইয়াৰোপৰি ভাষণ প্ৰসংগত মোদীয়ে কয়, “অসমৰ দ্ৰুত গতিৰ বিকাশ আমাৰ বাবে অতি গুৰুত্বপূৰ্ণ। ‘আত্মনিৰ্ভৰ অসম’ সফল হৈছে ইয়াত বসবাস কৰা লোকসকলৰ মাজত ‘আত্মবিশ্বাস’ৰ জৰিয়তে। ৰাজ্যৰ ৪০ শতাংশ জনসংখ্যাই কেন্দ্ৰীয় চৰকাৰৰ ‘আয়ুষ্মান ভাৰত’ (Ayushmaan Bharat’) আঁচনিৰ দ্বাৰা লাভান্বিত হৈছে।”
প্ৰধানমন্ত্ৰীগৰাকীয়ে লগতে কয়, “নেতাজীৰ স্মৰণ আমাৰ বাবে আজিও সাহস । এই দিনটোত ৰাষ্ট্ৰীয় সংকল্প সমূহ পূৰণৰ অন্য এক দিন । আমাৰ সংস্কৃতিত মাটি নিৰ্জীৱ হয় । মাটি আমাৰ মাতৃ। ভূপেন হাজৰিকাই কোৱাৰ দৰে অ’ মোৰ ধৰিত্ৰী আই চৰণতে দিবা ঠাই, খেতিয়কৰ নিস্তাৰ নাই মাটি বিনে অসহায় এই গানৰ পংক্তি কৈ তেওঁ কয় আজিৰ দিনটোত এই ভূমিপুত্ৰ সকলক আইনী মৰ্যাদা প্ৰদান কৰা হৈছে । ২০১৬ চনত বিজেপি চৰকাৰ গঠন হওঁতে অসমৰ প্ৰায় ৬ লাখ থলুৱা লোকৰ পট্টা নাছিল । কিন্তু বিজেপি চৰকাৰে এই সকলৰ হিতৰ বাবে চিন্তা কৰি ভূমি আইন সংশোধনৰ জৰিয়তে লৈ লাখৰ ঘৰত মাটিপট্টা প্ৰদান কৰা হৈছে । এই মাটিৰ পট্টা কেৱল এখন কাগজ নহয়, কিন্তু এই পট্টাৰ দ্বাৰা এই সকল ভাৰত চৰকাৰৰ বিভিন্ন আঁচনিৰ অংশ হ’ব পাৰিব। ব্যৱসায়ৰ বাবে ঋণ পোৱা সহজ হ’ব।”
চাহ জনগোষ্ঠীৰ প্ৰসংগত মোদীয়ে কয়, “চাহ জনগোষ্ঠীৰ বিগত দিনত অৱস্থা শোচনীয় আছিল । এতিয়া ঘৰ, পানী, অনাময় আদি সকলো সুবিধা চাহ জনগোষ্ঠীয়ে লাভ কৰিছে । বেংকৰ সৈতে চাহ বনুৱা সকলক পোনপটীয়াকৈ সংলগ্ন কৰা হৈ গৈছে । বড়ো সকলৰ আতংকৰ সমস্যা ইতিমধ্যে চৰকাৰে শেষ কৰিছে । এতিয়া এই বৃহৎ অংশ উন্নয়নৰ পথত যাব । আজি অসম আৰু উত্তৰ পূৱৰ বিকাশ হৈছে । অসম লুক ইষ্ট পলিচিৰ অংশ হৈ পৰিছে । অসমক পূৱৰ সৈতে সাঙুৰি যাতায়তৰ উন্নয়ন হৈছে । দলং-পথ নিৰ্মাণ হৈছে । পূৱৰ দেশ সমূহৰ সৈতে সম্পৰ্ক স্থাপন হৈছে । যাতায়তৰ উন্নয়নৰ বাবে ঔদ্যোগিক বিকাশৰ পথ খোল খাইছে । আকাশী পথৰ জৰিত উন্নয়নৰ ফলত নতুন পথ খোল খাইছে । অসমত তেল-গেছ ক্ষেত্ৰত ৪০ হাজাৰ কোটি বিনিয়োগ হৈছে । নতুন নতুন সংস্থাপনৰ পথ মুকলি হৈছে । জৈৱিক ইন্ধন উৎপাদনত অসম অগ্ৰণী ৰূপে পৰিগণিত হ’ব ।”
আনহাতে ক’ৰোনা মহামাৰীৰ বিষয়ে উল্লেখ কৰি মোদীয়ে কয় যে, “অসম চৰকাৰে COVID19 মহামাৰী যেনেদৰে পৰিচালনা কৰিছিল সেইটো প্ৰশংসাৰযোগ্য। মই আত্মবিশ্বাসী যে অসমে এতিয়া টিকাকৰণ অভিযান আগুৱাই নিব। মই সকলোকে টিকাকৰণ কৰিবলৈ আবেদন জনাইছো।
ভিউৱাছৰ মতামত