বৰ্তমান সময়ত সংবাদ মাধ্যমৰ আত্ম বিশ্লেষনৰ প্রয়োজনীয়তা আহি পৰিছে কিয়নো আজিকালি একাংশ সংবাদ মাধ্যমে সত্যতা পৰ্যবেক্ষণ নকৰাকৈ সংবাদ পৰিবেশন কৰি আহিছে ।মানুহে নাচাই বুলি মই নেতিবাচক অথবা মছলাদায়ক খবৰ দিয়াটো উচিত নহয়, এই মন্তব্য বিশিষ্ট সাংবাদিক ,লেখিকা মাইনী মহন্তৰ । আজি মহানগৰীৰ নয়নপুৰস্থিত এন ই ফ’কাচৰ কাৰ্য্যালয় আৰু ষ্টুডিঅ’ শুভ উদ্বোধন কৰি সাংবাদিক গৰাকীয়ে কয় যে সংগীতা শইকীয়াই এন ই ফ’কাচ ডট কমৰ জৰিয়তে যি প্রচেষ্টা হাতত লৈ আহিছে মই মহিলা হিচাপে অত্যন্ত গৌৰৱ অনুভৱ কৰিছো ।মই এই মাধ্যমৰ ভৱিষ্যত আছে বুলি ভাবো।আনহাতে উদ্বোধনী অনুষ্ঠানত উপস্থিত থাকি বিশিষ্ট অধিবক্তা দীপক শৰ্মাই কয় যে যদিও এটা অনুষ্ঠান হঠাতে গঢ়লৈ বা সফল হৈ নুঠে তথাপি হতাশ নহৈ ধৈৰ্য্য আৰু একাগ্ৰতাৰে আগবাঢ়ি যোৱা উচিত।বিশিষ্ট বাতৰি পৰিবেশক বনদীপ গোস্বামীয়ে শুভেচ্ছা জনাই কয় যে দীৰ্ঘদিন ধৰি মই এন ই ফ’কাচ ডট কমৰ বাতৰি পঢ়ি খুবেই আপ্লুত হৈছো। কিয়নো ইয়াত তথ্য সমৃদ্ধ আৰু ইতিবাচক খবৰ প্রকাশ পায়। উল্লেখযোগ্য যে এন ই ফ’কাচ ৰ কিছুমান বাতৰি অচিৰেই ইউটিউৱ চেনেল যোগে সম্প্ৰচাৰিত হ’ব | অনুষ্ঠানত এন আৰ এলৰ প্রচাৰ সম্বন্বয়ক মধুচন্দা অধিকাৰী, জ্যেষ্ঠ সাংবাদিক অমল গুপ্তাকে আদি কৰি বহুকেইজন গণ্য মান্য ব্যক্তি উপস্থিত থাকে।
পবিত্ৰ ৰাম নৱমীৰ শুভেচ্ছা জ্ঞাপন কৰিলে ৰাষ্ট্ৰপতিয়ে
admin April 21, 2021 12:47 PM
আজি ৰাম নৱমী।এই ৰাম নৱমী হিন্দু ধর্মৰ এক পবিত্ৰ উৎসৱ।এই উৎসৱ ভগৱান ৰামৰ জন্মৰ লগত জৰিত।ৰাম নৱমী উপলক্ষে বিভিন্ন ঠাইত পূজা অৰ্চনা কৰা হৈছে।এই ৰাম নৱমী শুক্লপক্ষৰ নৱমী তিথিত পালন কৰা হয়।
ৰাম নৱমী উপলক্ষে দেশৰ প্ৰধানমন্ত্ৰী নৰেন্দ্ৰ মোদীয়ে দেশবাসীক শুভেচ্ছা জনায় কয় যে ভগৱান ৰামৰ আৰ্শীবাদ দেশবাসীৰ প্ৰতি সদায় বৰ্তি থাকক।আনহাতে এই সম্পৰ্কত ৰাষ্ট্ৰপতি ৰামনাথ কবীন্দ্ৰে এনেদৰে কয় ৰামৰ ধৰ্মই আমাক সদায় অনুপ্ৰাণিত কৰি আহিছে।ন্যায় আৰু মানৱীয় গুণৰ বাবে ৰামৰ আদৰ্শই যুগ যুগ ধৰি সকলোকে অনুপ্ৰেৰণা যোগাব।
ভিউৱাছৰ মতামত