এন এফ ৰেলৱেৰ মালিগাঁওস্থিত সদৰ কাৰ্যালয়ৰ জনসম্পৰ্কৰক্ষী বিষয়া নৃপেন্দ্র ভট্টাচার্যক জনসম্পৰ্কৰক্ষী ক্ষেত্রখনলৈ আগবঢ়োৱা অৱদানৰ বাবে চেন্নাইৰ গ্ল’বেল হিউমেন পীচ ইউনিভাৰ্চিটিয়ে তেওঁলোকৰ অতি সম্মানীয় ড০ এ পি জে আব্দুল কালাম এক্সিলেন্স এৱাৰ্ড ২০২০ বঁটাৰে সন্মানিত কৰিছে।গুৱাহাটীৰ মালিগাঁৱৰ ৰং ভৱন প্ৰেক্ষাগৃহত ইউনিভাৰ্চিটিখনৰ উদ্যোগত অলপতে অনুষ্ঠিত গোলকীয় শান্তি সন্মিলনত নৃপেন্দ্র ভট্টাচার্যক এই বঁটা প্ৰদান কৰা হয়।বঁটা প্ৰদান কৰে নতুন দিল্লীৰ নয়ডা ফিল্ম চিটিৰ প্ৰতিষ্ঠাপক ড০ সন্দীপ মাৰোৱাই।অনুষ্ঠানত গ্ল’বেল হিউমেন পীচ ইউনিভাৰ্চিটিৰ উপাচার্য ড০ পি মেনুৱেল,গুৱাহাটীৰ সাংসদ কুইন ওজা,প্ৰাগ নিউজৰ মুখ্য পৰিচালন সঞ্চালক সঞ্জীব নাৰায়ণ,নিউজ পেপাৰ এছ’চিয়েছন অৱ ইণ্ডিয়াৰ ৰাষ্ট্ৰীয় সাধাৰণ সম্পাদক ড০ বিপিন গৌৰ,ভাৰত স্কাউট এণ্ড গাইডৰ ৰাষ্ট্ৰীয় আয়ুক্ত ৰাজ কে পি সিনহা,মহাত্মা গান্ধী গ্ল’বেল পীচ ফ’ৰামৰ প্ৰতিষ্ঠাপক মনজিত সিনহাকে ধৰি বহুকেইগৰাকী বিশিষ্ট ব্যক্তি,কেন্দ্রীয় আৰু ৰাজ্য চৰকাৰৰ গুৱাহাটীস্থ কাৰ্যালয়ৰ কেবা গৰাকী উচ্চ পদস্থ বিষয়া উপস্থিত থাকে।অনুষ্ঠানত দেশৰ ভিন্ন প্ৰান্তৰ ২০ গৰাকী সাংবাদিক,জনসম্পৰ্কৰ দায়িত্বত থকা চৰকাৰী বিষয়াক এই সন্মানীয় বঁটা প্ৰদান কৰা হয়।উল্লেখ্য এই গোলকীয় শান্তি সন্মিলনত দেশৰ ২৬ খন ৰাজ্যৰ প্ৰতিনিধি উপস্থিত থাকে।

ৰাণী আন্ধেৰীজুলীত দুখীয়া লোকৰ মাজত বিভিন্ন সামগ্ৰী বিতৰণ
সামাজিক, অৰ্থনৈতিক, শৈক্ষিক , সাংস্কৃতিক আদি দিশ সামৰি স্বায়ত্ত শাসিত পৰিষদে সমমৰ্য্যদাৰে সঠিক ৰূপত আগবঢ়াই নিবলৈ অহৰহ চেষ্টা চলাই অহা কাৰ্যই অঞ্চলটোত দৃষ্টি নিবদ্ধ কৰিবলৈ সক্ষম হৈছে। তাৰেই অংশস্বৰূপে আজি ৰাভা হাছং স্বায়ত্ত শাসিত পৰিষদৰ অন্তৰ্গত ৩৬ নং পৰিষদীয় সমষ্টিৰ উদ্যোগত ২০১৯-২০ বিত্তীয় বৰ্ষৰ আৰ্থিক অনুদানৰে বিভিন্ন সামগ্ৰী বিতৰণ কৰা হয়। মহানগৰী সমীপৰ ৰাণীৰ আন্ধেৰীজুলীত স্থায়ী সাংস্কৃতিক মঞ্চত অনুষ্ঠিত এই বিতৰণ কাৰ্যসূচীত ৩৬ নং পৰিষদীয় সমষ্টিৰ সাধাৰণ সদস্য সঞ্জয় কুমাৰ ৰাভা, ৰাণী ৰাভা ছাত্র সন্থাৰ সম্পাদক জিতেন ৰাভা, ৰাভা মহিলা পৰিষদৰ সভানেত্রী মঞ্জু ৰাভা, সুনীতা বড়ো, ৰাভা মহিলা মনিটৰিং কমিটিৰ সদস্য মইনা বড়ো, পাপৰি বড়ো, সুনিতা মেধীকে ধৰি বিষয়ববীয়া সকল উপস্থিত থাকে। অনুষ্ঠানত অঞ্চলটোৰ কৃষক, শিপিনী, ছাত্ৰ-ছাত্ৰী, খেলুৱৈ, দৰ্জী, দুখীয়া-দৰিদ্ৰ পৰিয়ালক সামৰি প্ৰায় পাচ শতাধিক হিতাধিকাৰিক স্প্ৰে মেচিন, টিনপাট, পাম্প চেট, প্লাষ্টিক শ্বেয়াৰ, কম্বল , আঠুৱা, ফুটবল বেডশ্বিট আদি বিতৰণ কৰা হয়।পৰৱৰ্তী সময়তো দুখীয়া লোকসকলক এনেদৰে সামগ্ৰী বিতৰণ কৰা হ’ব বুলি সমষ্টিটোৰ সাধাৰণ সদস্য সঞ্জয় কুমাৰ ৰাভাই জানিবলৈ দিয়ে।
ভিউৱাছৰ মতামত