গুৱহাটী বিশ্ববিদ্যালয় এন এছ এছ কোষৰ উদ্যোগত বন মহোৎসৱ পালন

গুৱাহাটী বিশ্ববিদ্যালয়ৰ এন এছ এছ কোষৰ উদ্যোগত আৰু বন বিভাগৰ বশিষ্ঠস্থিত পূব কামৰূপ বন সংমণ্ডলৰ সহযোগত পাঞ্জাবাৰীৰ বতাহঘুলি পাহাৰত “পাহাৰবোৰ সেউজ কৰো আহক” অভিযান কাৰ্যসূচীৰ অংশ হিচাপে আজি বন মহোৎসৱ – ২০২৫ পালন কৰা হয়। উল্লেখযোগ্য যে গুৱাহাটী বিশ্ববিদ্যালয়ৰ এন এছ এছ কোষে বিগত পাঁচ বছৰ ধৰি “পাহাৰবোৰ সেউজ কৰো আহক” এক পদক্ষেপ গ্ৰহণ কৰি বৃহত্তৰ গুৱাহাটীৰ পাহাৰীয়া অঞ্চলত গোলকীয় উষ্ণতা বৃদ্ধিৰ বিৰুদ্ধে যুঁজ দি সেউজ পৰিৱেশৰ বাবে গছপুলি ৰোপণ কৰি আহিছে। আনহাতে গছপুলি ৰোপণৰে কাৰ্যসূচীৰ শুভাৰম্ভ কৰে গুৱাহাটী বিশ্ববিদ্যালয়ৰ ছাত্ৰ কল্যাণ সঞ্চালক তথা এন এছ এছৰ কাৰ্যসূচী সমন্বয়ক ড০ ৰঞ্জন কুমাৰ কাকতি আৰু গুৱাহাটীৰ আঞ্চলিক বন বিষয়া হেমন্ত অধিকাৰীয়ে। গুৱাহাটীস্থিত বেচৰকাৰী সংস্থা চাৰ্ভ স্মাইল ফাউণ্ডেশ্যন আৰু নাফেডৰ সহযোগত অনুষ্ঠিত কাৰ্যসূচীত বিভিন্ন থলুৱা প্ৰজাতিৰ মুঠ ১৫০ টা গছপুলি ৰোপণ কৰা হয় ।ড° কাকতিয়ে বৃক্ষ ৰূপনৰ ডঃ ৰঞ্জন কুমাৰ কাকতিয়ে কাৰ্যসূচীত ভাগ লোৱা সকলোকে পৰিৱেশ পুনৰুদ্ধাৰৰ ক্ষেত্ৰত সক্ৰিয় ভূমিকা গ্ৰহণ কৰা বাবে শলাগ লয় । কাৰ্যসূচীত এন এছ এছৰ প্ৰায় ৫০ জন স্বেচ্ছাসেৱক আৰু স্থানীয় লোকে এই কাৰ্যসূচীত অংশগ্ৰহণ কৰি সাফল্য মণ্ডিত কৰি তোলা বাবে ডঃ ৰঞ্জন কুমাৰ কাকতি আৰু বন বিষয়া হেমন্ত অধিকাৰীয়ে আটাইকে ধন্যবাদ জ্ঞাপন কৰে।