কামৰূপ জিলাৰ কুলশী নদীত বিশ্বৰ ভিতৰতে শিহুৰ ঘনত্ব সৰ্বাধিক পৰিমাণৰ আছিল, যদিও যোৱা প্ৰায় এটা দশক ধৰি “শিহুৰ জনসংখ্যা আৰু ঘনত্ব ব্যাপক হাৰত কমি অহাৰ পৰিপ্ৰেক্ষিতত গভীৰ উদ্বেগ প্রকাশৰ লগতে মৰ্মাহত হৈ পৰিছে প্ৰকৃতিপ্ৰেমী সংগঠনৰ লগতে ভিন-ভিন দল-সংগঠন। ৰাজ্যৰ সমন্বয়- সংহতি- ঐক্যতাৰ বৃহৎ অনুষ্ঠান “বহুবাক” (বহুভাষিক সাহিত্য মঞ্চ, অসম)ৰ প্ৰধান সম্পাদক তথা সংবাদ-সাহিত্যালোচনী প্ৰভঞ্জনৰ সম্পাদক দীপক শৰ্মাই ৰাজ্য চৰকাৰক বিনম্রতাৰে অনুৰোধ জনাই কয় যে- “শিহুৰ ঘনত্ব যথেষ্ট পৰিমাণে হ্ৰাস হোৱাৰ একাধিক কাৰক আছে। চৰকাৰৰ বিভাগীয় উৰ্দ্ধতন কৰ্তৃপক্ষই স্বতন্ত্র অনুসন্ধানকাৰী দলক নিয়োগ কৰি ইয়াক উদঘাটন কৰিব লাগে। কাৰকসমূহ উদঘাটন কৰি ইয়াৰ দ্ৰুত সমাধান কৰিব লাগে। বিশ্ববিশ্ৰুত কুলশী নদীৰ শিহুক জীয়াই থাকিব দিব লাগিব। জীয়াই ৰাখিব লাগিব। ৰাজ্য চৰকাৰে এইক্ষেত্ৰত দৃঢ় প্ৰদক্ষেপ ল’ব লাগিব।বহুবাকৰ প্রধান সম্পাদক শ্রীশৰ্মাই কয়- কুলশী নদীৰ বহন ক্ষমতা বৰ্তমান দ্ৰুতহাৰত কমি অহাটো আমাৰ দৃষ্টিগোচৰ হৈছে। নদীৰ তলিভাগ উঠি আহিছে। যাৰফলস্বৰূপে শিহুৰ বাসস্থান ক্ষতিগ্রস্ত হৈছে। আকৌ, কুলশী নদীত থকা শিহুৰ কলনিসমূহ ক্ৰমে- জাৰাবাৰী, ২নং জীয়াকুৰ, কুকুৰমাৰা আদি তাৎক্ষণিকভাৱে সংৰক্ষণ কৰিব লাগে। কলনিসমূহ ব্যাপকভাৱে প্ৰদূষণ হৈছে। অচিৰেই প্ৰদূষণ মুক্ত কৰিব লাগে। কুলশী নদীৰ পানী বৰ্তমান ঘোলা হৈ পৰিছে। বোকাময় হৈ পৰিছে। যাৰ বাবে শিহুৱে নিজৰ খাদ্যৰ সন্ধান কৰাত যথেষ্ট পৰিমাণে অসুবিধাত পৰিছে। কুলশী নদীৰ পানী অনতি বিলম্বে পৰিস্কাৰ পৰিচ্ছন্নতা কৰাৰ ব্যবস্থা কৰিব লাগে।” বহুবাকৰ প্ৰধান সম্পাদক শ্রী শৰ্মাই আৰু কয়- কুলশী নদীখনক সংৰক্ষিত নদী (Procted Reserve) হিচাপে ৰাজ্য চৰকাৰে ঘোষণা কৰিব লাগে।পৰবৰ্তী সময়ত সংৰক্ষিত নদী হিচাপে গঢ় দিলে দেশী-বিদেশী পৰ্যটকৰ ঘাই কেন্দ্ৰবিন্দু হৈ উঠিব।” মানুহ আৰু পৰিৱেশ, অসমৰ সভাপতি কমল চন্দ্র মেধিয়ে কয়- কুলশী নদীৰ শিহু চাবৰ বাবে দেশৰ ভিন – ভিন ঠাইৰ প্ৰকৃতিপ্ৰেমী লোক আহে। কিন্তু এই শিহুলৈ আহিছে অমানিশা। এই অমানিশা আঁতৰ কৰাৰ ক্ষেত্রত ৰাজ্য চৰকাৰৰ বন বিভাগে যথোপযুক্ত ধৰণেৰে সুব্যৱস্থা কৰিব লাগে। দক্ষিণ কামৰূপ সচেতন মঞ্চৰ অধ্যক্ষ তথা প্ৰাক্তন ছাত্র নেতা মদন দাসে কয়- বিশ্বৰ বিভিন্ন প্ৰান্তত শিহু বিলুপ্তি ঘটিছে। কিন্তু কামৰূপৰ কলহী নদীত আজিও বিদ্যমান। এই ক্ষেত্ৰত অসম চৰকাৰৰ সংশ্লিষ্ট কর্তৃপক্ষই শিহু সংৰক্ষণত যথেষ্ট পৰিমাণে গুৰুত্বপূর্ণ ভূমিকা পালন কৰিব লাগে। কুলশী নদীখনক সংৰক্ষিত নদী হিচাপে অচিৰেই ঘোষণা কৰাৰ বাবে কামৰূপ সচেতন মঞ্চই আহ্বান জনাইছে।
এশিঙীয়া গঁড় খৰ্গৰ বিনষ্টকৰণৰ এক কাৰ্যসূচীত অংশগ্ৰহণ মুখ্যমন্ত্ৰী
ৰাজ্যৰ গৌৰৱ এশিঙীয়া গঁড় সংৰক্ষণৰ দিশত অসম চৰকাৰৰ এক শক্তিশালী পদক্ষেপ হিচাপে মুখ্যমন্ত্ৰী হিমন্ত বিশ্ব শৰ্মাই আজি বোকাখাতত গঁড় খৰ্গৰ বিনষ্টকৰণৰ এক কাৰ্যসূচীত অংশগ্ৰহণ কৰে আৰু ২৪৭৯ টা খৰ্গ দাহন কাৰ্যৰ আনুষ্ঠানিক ভাৱে তদাৰক কৰে।উল্লেখযোগ্য যে গঁড়ৰ খৰ্গ সম্পৰ্কীয় প্ৰান্ত ধাৰণা নিৰ্মূলকৰণৰ লগতে ইয়াৰ ঔষধি মূল্য সম্পৰ্কীয় অন্ধবিশ্বাস দূৰ কৰিবলৈ আৰু গঁড়ৰ চোৰাং চিকাৰ তথা ইয়াৰ খৰ্গৰ চোৰাং ব্যৱসায়ৰ বিৰুদ্ধে এক শক্তিশালী বাৰ্তা প্ৰেৰণ কৰাৰ বাবে ৰাজ্য খনৰ সাতটা কোষাগাৰত জমা ৰখা গঁড়ৰ খৰ্গ সমূহ আনুষ্ঠানিক ভাৱে বিনষ্ট কৰাৰ বাবে যোৱা ১৬ ছেপ্টেম্বৰত অনুষ্ঠিত কেবিনেট বৈঠকত ৰাজ্য চৰকাৰে সিদ্ধান্ত গ্ৰহণ কৰিছিল।সেই সিদ্ধান্ত অনুসৰি আজি বিশ্ব গঁড় দিৱসৰ দিনা বোকাখাতত ৰাজহুৱা ভাৱে গঁড়ৰ খৰ্গ দাহনৰ কাৰ্যসূচী ৰূপায়িত কৰা হয়।আজিৰ কাৰ্যসূচীত প্ৰাকৃতিক ভাৱে বা দুৰ্ঘটনাক্ৰমে মৃত্যু মুখত পৰা গঁড়ৰ পৰা আহৰণ কৰা বা চোৰাং চিকাৰী পৰা জব্দ কৰা মুঠ ২৬২৩ টা খৰ্গৰ ভিতৰত ২৪৭৯ টা খৰ্গ দাহন কৰা হয়।কাজিৰঙা ৰাষ্ট্ৰীয় উদ্যানত স্থাপন কৰিবলগীয়া এক সংগ্ৰহালয়ত খৰ্গৰ আকাৰ আৰু অবয়বৰ ওপৰত ভিত্তি কৰি ৯৪ টা গঁড়ৰ খৰ্গ প্ৰদৰ্শন বাবে সংৰক্ষণ কৰা হ’ব আৰু আদালতত বিচাৰধীন গোচৰ বাবে ২৯ টা খৰ্গ সুকীয়াকৈ ৰখা হ’ব বুলি মুখ্যমন্ত্ৰীয়ে জানিবলৈ দিয়ে।
ৰাজ্য চৰকাৰে বন্যপ্ৰাণী চোৰাং চিকাৰৰ ক্ষেত্ৰত শূণ্য সহনশীল নীতি গ্ৰহণ কৰিছে বুলি উল্লেখ কৰি মুখ্যমন্ত্ৰীয়ে কয় যে চৰকাৰৰ ধাৰাবাহিক প্ৰচেষ্টা ফলত অসমত এশিঙীয়া গঁড়ৰ সংখ্যা ১৯৯৯ চনত ১৬৭২ টাৰ পৰা ২০১৮ চনৰ পিয়ল অনুসৰি ২৬৫২ টা লৈ বৃদ্ধি পাইছে।ইমান বৃহৎ পৰিমানে গঁড়ৰ খৰ্গ আনুষ্ঠানিক ভাৱে ধ্বংস কৰাৰ এই ঘটনা দেশ তথা বিশ্বৰ ভিতৰতে প্ৰথম বুলি উল্লেখ কৰি ইয়াৰ জৰিয়তে ৰাজ্য চৰকাৰে বন্যপ্ৰাণী সুৰক্ষা প্ৰতি থকা দায়বদ্ধতা লগতে গঁড়ৰ চোৰাং চিকাৰৰ বিৰুদ্ধে এক শক্তিশালী বাৰ্তা প্ৰেৰণ কৰিব বিচাৰিছে বুলি মুখ্যমন্ত্ৰীয়ে কয়।
গঁড়ৰ খৰ্গৰ জমা ভাণ্ডাৰ বিক্ৰীৰ পৰা চৰকাৰে ৰাজহ উপাৰ্জন কৰিব পাৰিলেহেঁতেন বুলি একাংশ মহলৰ পৰা লাভ কৰা পৰামৰ্শ কথা উল্লেখ কৰি মুখ্যমন্ত্ৰীয়ে কয় যে বন্যপ্ৰাণী সম্পত্তি আৰু সম্পদ বিক্ৰী বা ক্ৰয় কৰাটো দেশৰ আইন বিৰোধী আৰু সেয়েহে এই খৰ্গবোৰ ধ্বংস কৰা হৈছে।লগতে এই খৰ্গ বিক্ৰী কৰিলে গঁড়ৰ খৰ্গৰ ঔষধি মূল্য সম্পৰ্কীয় অন্ধবিশ্বাস প্ৰচাৰ কৰা হ’ব যিটো ৰাজ্য চৰকাৰে নিবিচাৰে।মুখ্যমন্ত্ৰীয়ে মন্তব্য কৰে যে মানৱ অংগৰ ব্যৱসায়িক অনুমতি দিব নোৱাৰাৰ দৰেই ৰাজ্য চৰকাৰৰ বন্যপ্ৰাণীৰ অংগৰ ব্যৱহায়কো উৎসাহিত নকৰাৰ বাবে প্ৰতিশ্ৰুতিবদ্ধ।এতিয়াৰে পৰা অসমত বন্য হত্যাৰ চেষ্টা কৰাৰ পূৰ্বে চোৰাং চিকাৰী সকলে দুবাৰ ভৰিব লাগিব বুলি উল্লেখ কৰি মুখ্যমন্ত্ৰীয়ে কয় যে ৰাজ্য চৰকাৰে এনে কোনোধৰণৰ কাৰ্যকলাপক প্ৰশ্ৰয় নিদিয়ে আৰু ইয়াৰ লগত জড়িত অপৰাধীৰ বিৰুদ্ধে কঠোৰ পৰা কঠোৰতম ব্যৱস্থা গ্ৰহণ কৰিব।তেওঁ লগতে কয় কাজিৰঙা ৰাষ্ট্ৰীয় উদ্যানৰ মাজেৰে যোৱা ৰাষ্ট্ৰীয় ঘাইপথৰ ওপৰেৰে প্ৰস্তাৱিত এলিভেটেড কৰিডৰটো বন্য জন্তুৰ সকলৰ বাবে শীঘ্ৰেই নিৰ্মাণ কৰা হ’ব।
মুখ্যমন্ত্ৰীয়ে লগতে জনায় যে অহা ১ অক্টোবৰ পৰা পৰ্যটক আৰু দর্শনাৰ্থীৰ বাবে কাজিৰঙা ৰাষ্ট্ৰীয় উদ্যান মুকলি কৰা হ’ব।ৰাজ্য চৰকাৰে অৰ্থনৈতিক কাম কাজ স্বাভাৱিক কৰাৰ বাবে ক’ভিডৰ নিষেধাজ্ঞসমূহ সম্পূৰ্ন ৰূপে উঠাই লোৱাৰ দিশত কাম কৰি আছে বুলি কয়।আজিৰ অনুষ্ঠানত পৰিৱেশ আৰু বন বিভাগৰ মন্ত্ৰী পৰিমল শুক্লবৈদ্য,কৃষি মন্ত্ৰী অতুল বৰা স্বাস্থ্য মন্ত্ৰী কেশৱ মহন্ত,হস্ততাঁত,বস্ত্ৰ আৰু ৰেচম বিভাগৰ মন্ত্ৰী ইউ জি ব্ৰক্ষ্ম,কাৰ্বি আংলং স্বায়ত্বশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাং,পৰিৱেশ আৰু বন বিভাগৰ প্ৰধান সচিব অবিনাশ যোশী,মুখ্য বন পালক এম কে যাদৱ,প্ৰধান মুখ্য বন সংৰক্ষক ড° অলকা ভাৰ্গবৰ লগতে অন্যান্য বিশিষ্ট ব্যক্তিসকল উপস্থিত আছিল।
ভিউৱাছৰ মতামত