নেহেৰু যুৱ কেন্দ্রৰ নগাঁৱৰ উদ্যোগত স্বেচ্ছাসেৱী সংগঠন স্বাস্থ্য সেৱা জনকল্যাণ পৰিষদৰ সহযোগত নগাঁৱৰ ধূপগুৰি কলনি বস্তিত দুদিনীয়া কাৰ্যসূচীৰে অনুষ্ঠিত হোৱা খণ্ড পৰ্যায়ৰ ক্ৰীড়া সমাৰোহৰ আজি সামৰণি পৰে।যোৱা ৩ ফেব্ৰুৱাৰীত ধূপগুৰি কলনি বস্তি আঞ্চলিক পৰিষদৰ সভাপতি মন্তু বৰুৱা আৰু উচমান গনি জুনিয়ৰ কলেজৰ অধ্যক্ষ ৰফিকুল ইছলামে শুভাৰম্ভণি কৰা অনুষ্ঠানৰ পাছতে গছপুলি ৰোপণ আৰু স্বচ্ছ ভাৰত অভিযানৰ কাৰ্যসূচী ৰূপায়ণ কৰা হয়।পৰৱৰ্তী কাৰ্যসূচীত খণ্ড পৰ্যায়ত খেল ধেমালিত দৌৰ,পুখুৰী পাৰ,ভলীবল,হাই জাম্প,লং জাম্প,বেডমিণ্টন আদি প্ৰতিযোগিতাত কদমনি,বটদ্ৰৱা,ধূপগুৰি,টুকটুকী,চলাপথাৰ,ৰামপুৰ,ডুমডুমিয়া,ধনীয়াভেটি,আমলখি,চহৰীয়া,শলগুৰি আদি অঞ্চলৰ দুই শতাধিক যুৱক যুৱতীয়ে অংশগ্রহণ কৰে।খেল ধেমালিৰ অন্তত অনুষ্ঠিত বঁটা বিতৰণী সভাত অধ্যক্ষ ৰফিকুল ইছলাম,শিক্ষক ফুৰকান আলী চৌধুৰী,ছাহজাহান আলী,জিয়াবুৰ ৰহমান,ৰহুল আমিন খণ্ডকাৰ,মাইন উদ্দিন,ফকৰ উদ্দিন আলী আহমেদ,সাংবাদিক দিব্যজ্যোতি বৰুৱা,মন্তু বৰুৱা,সম্পাদক মফিদুল ইছলাম,নেহেৰু যুৱ কেন্দ্রৰ স্বেচ্ছাসেৱক নাজিৰুল ইছলাম,ইনামুল হক,দিলদাৰ হুছেইন,আজমল কবিৰকে ধৰি কেইবাগৰাকী ব্যক্তি উপস্থিত থাকে।খবৰ যুগুতালে নগাঁৱৰ পৰা ৰাহুল দেৱ বৰদলৈয়ে।
পুৰণিগুদামৰ বিহু তলিত অ ৪ ব`হাগৰ দিনটোক ‘গছ বিহু’ হিচাপে পালনৰ আহ্বান অৰণ্য মানৱৰ
admin April 19, 2021 1:27 PM
ৰাজ্যৰ সৰ্বত্ৰে এতিয়া ৰঙালীৰ উখল মাখল পৰিৱেশ। নগাঁও পুৰণিগুদামত ‘নাট্যম গোষ্ঠী’য়ে অনুষ্ঠিত কৰিছে বিহু নৃত্য আৰু ঢোল বাদনৰ কৰ্মশালাৰ । অলপতে নাট্যম গোষ্ঠীয়ে অনুষ্ঠিত কৰা মুকলি বিহু চাবলৈ পাৰঘাটৰ বিহু তলিত উপস্থিত হয় অৰণ্য মানৱ যাদৱ পায়েং।
উল্লেখযোগ্য যে তেখেতে পুৰণিগুদামৰ বিহু তলিত উপস্থিত হৈ ৪ ব’হাগৰ দিনটো পৰম্পৰাগত ভাৱে গছ বিহু হিচাপে পালন কৰিবলৈ নগাঁওবাসীক আহ্বান জনায়।গছৰ তলত বিহু পাতিলে নাচিবলৈ নজনা গছজোপায়েও হাঁহিব পাৰে বুলি তেখেতে মন্তব্য কৰে।
অৰণ্য মানৱ যাদৱ পায়েঙক এখনি গামোচা, এখন চেলেং চাদৰ আৰু এখন ফলকৰ জৰিয়তে ৰাজহুৱাভাৱে সম্বৰ্দ্ধনা জ্ঞাপন কৰে।অনুষ্ঠানত উপস্থিত থাকি প্ৰকৃতি তথা মানুহৰ প্ৰাকৃতিক ভাৰসাম্য ৰক্ষাৰ অৰ্থে কৰিবলগীয়া কৰ্ম সম্বন্ধেও পায়ঙে মন্তব্য কৰে।
ভিউৱাছৰ মতামত