ঘৰুৱা বিমান চলাচল ব্যৱস্থাই এমাহ সম্পূৰ্ণ কৰিলে

দেশত ক’ভিড-১৯’  সংক্ৰমণ ৰোধৰ বাবে আজিৰ পৰা আৰম্ভ হোৱা উই কেন লকডাউন তথা চতুৰ্থ পৰ্যায়ৰ শেষৰ সময়ছোৱাত ৰাজ্য সমূহত আবদ্ধ হৈ থকা লোকসকলৰ নিজ গৃহলৈ সেৱাৰ সুবিধাৰ বাবে যোৱা ২৫ মে’ পৰা ঘৰুৱা যাত্ৰীবাহী বিমান সেৱা আৰম্ভ কৰিছিল। যোৱা ২৫ জুনৰ মাজনিশা ঘৰুৱা বিমান সেৱাৰ এমাহ সম্পূৰ্ণ হোৱাৰ সময়লৈকে বহি: ৰাজ্যৰ পৰা গুৱাহাটীকে ধৰি অসম তথা উত্তৰ পূৱৰ বাৰটা বিমান বন্দৰৰ যোগেদি নিজ গৃহলৈ উভতি আহিছে ৯৫,৭৪৭ জন যাত্ৰী।

 

 

ঠিক সেইদৰে উত্তৰ পূৱৰ পৰা বিভিন্ন ৰাজ্যলৈ উভতি গৈছে ৫৯,৪৮৭ জন যাত্ৰী। ভাৰতীয় বিমান বন্দৰ প্ৰাধিকৰণৰ গুৱাহাটী বৰঝাৰস্থিত উত্তৰ পূৱ মণ্ডলৰ কেন্দ্ৰীয় কাৰ্যবাহী সঞ্চালকৰ কাৰ্যালয়ৰ সূত্ৰই সদৰি কৰা অনুসৰি গুৱাহাটীকে ধৰি উত্তৰ পূৱৰ বাৰটা বিমান বন্দৰলৈ আহিছে ১,০২৩ খন যাত্ৰীবাহী বিমান। য’ত যাত্ৰীৰ ৰূপত ৯৯৮ টা দুবছৰ তলৰ শিশুও আছে। তেনেদৰে উভতি গৈছে ৯৯৮ খন বিমান আৰু যাত্ৰীৰ ৰূপত আছিল ৩৯৬ টা দুবছৰ তলৰ শিশু।

 

আনহাতে বহি: ৰাজ্যৰ পৰা উভতি অহা যাত্ৰী প্ৰায় ৭৪ শতাংশ অৰ্থাৎ প্ৰায় ৭১ হাজাৰ জন যাত্ৰীয়ে আহিছিল গুৱাহাটীলৈ আৰু ইয়াৰ পৰা উভতি গৈছিল ৪৪ হাজাৰ যাত্ৰী। উত্তৰ পূৱৰ আন বিমান বন্দৰৰ দৰে গুৱাহাটীলৈ বিমানত অহা যোৱা কৰা যাত্ৰীৰ সংখ্যা বহুখিনি কমি গৈছে।

 

ইফালে ২৫ মে’ৰ পুৱতি নিশাৰে পৰা বৰঝাৰ বিমান বন্দৰত বহি: ৰাজ্যৰ পৰা অহা যাত্ৰীক স্বাস্থ্য পৰীক্ষা কৰা, কোৱাৰেণ্টাইন শিবিৰলৈ নিয়া, নিজ গৃহ জিলালৈ প্ৰেৰণ কৰাকে ধৰি বিভিন্ন সেৱা আগবঢ়োৱাৰ বাবে ৰাজ্য চৰকাৰৰ স্বাস্থ্য, পৰিবহন, কৰ, আবকাৰী, আৰক্ষী বিভাগকৰ উপৰিও অসম ৰাজ্যিক পৰিবহন নিগম (এ.এছ.টি.চি) কামৰূপ মহানগৰ জিলা প্ৰশাসনৰ ফালৰ পৰা নিৰৱচিন্নভাৱে সেৱা আগবঢ়ায় থকা হৈছে।

 

বিশেষকৈ অসম ৰাজ্যিক পৰিবহন বিভাগে নিজা ববীয়াকৈ ৩৫ খন বাছ আৰু পৰিবহন বিভাগে ট্ৰেভেলাৰ্ছ এচ’চিয়েশ্যন অসম আৰু এয়াৰপোৰ্ট টেক্সি এছ’চিয়েশ্যনৰ সহযোগত বহি: ৰাজ্যৰ পৰা অহা যাত্ৰীসকলক গন্তব্য স্থানলৈ যোৱাৰ সু-ব্যৱস্থা কৰি দিছে। ৰাজ্যৰ পৰিবহন মন্ত্ৰী চন্দ্ৰমোহন পাটোৱাৰীৰ নিৰ্দেশত পৰিবহন আয়ুক্ত আদিল খান, এ.এছ.টি.ছিৰ অধ্যক্ষ অশোক কুমাৰ ভট্টৰায়, পৰিচালন সঞ্চালক আনন্দ প্ৰকাশ তিৱাৰীয়ে বৰঝাৰ বিমান বন্দৰলৈ সময়ে সময়ে আহি যাত্ৰী পৰিবহন ব্যৱস্থাৰ বুজ লৈ আহিছে।

 

আনকি জিলা পৰিবহন বিষয়া গৌতম দাস আৰু বাপন কলিতা, এচ.টি.ছিৰ আস্থান অধীক্ষক বিকাশ পাচোৱানৰ নেতৃত্বত কৰ্মচাৰীসকলে সু-সমন্বয় সাধনৰে বিমান বন্দৰত স্থাপন কৰা নিয়ন্ত্ৰণ কক্ষৰ জৰিয়তে দৈনিক সহস্ৰাধিক যাত্ৰীক সেৱা আগবঢ়ায় আহিছে। বৰ্তমান কৰ’না ভাইৰাছ আতংক সমগ্ৰ দেশৰ লগতে ৰাজ্যত গ্ৰাস কৰি থকাৰ সময়ছোৱাতো বিমান বন্দৰত জিলা পৰিবহন স্বাস্থ্য, আৰক্ষীৰ লগতে বিভিন্ন বিভাগৰ বিষয়া তথা কৰ্মচাৰীসকলে এনেদৰে দিনে নিশাই সেৱা আগবঢ়ায় অহা কাৰ্যক ৰাইজে প্ৰশংসা কৰিছে ।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

ৰাষ্ট্ৰীয় কন্যা দিৱসতে এদিনৰ বাবে মুখ্যমন্ত্ৰী হ’ল সৃষ্টি

আজি ৰাষ্ট্ৰীয় কন্যা দিৱস।প্ৰতিবছৰে ২৪ জানুৱাৰী দিনটোত এই দিৱস উদযাপিত হৈ আহিছে।কন্যাৰ সমতা,অধিকাৰ,স্বাস্থ্যৰ বিষয়ে সজাগতা সৃষ্টি কৰা আৰু লিংগ বৈষম্যমতা দূৰ কৰা উদ্দেশ্য আগত ৰাখি এই দিৱস উদযাপন হৈ আহিছে।

ৰাষ্ট্ৰীয় কন্যা দিৱস মহিলা আৰু শিশু বিকাশ মন্ত্ৰালয়ৰ উদ্যোগত ২০০৮ চনৰ পৰাই পালন কৰা হৈছে। বহু সময়ত কন্যা সন্তানকলৈ আমাৰ সমাজত মতভেদ আহে।সেয়ে ভাৰত চৰকাৰৰ মহিলা তথা কন্যা শিতৰ সুৰক্ষা অধিকাৰ সুনিশ্চিত কৰিবলৈ এনে পদক্ষেপ গ্ৰহণ কৰি আহিছে।

এই দিৱসৰ লগত সংগতি ৰাখি হৰিদ্বাৰৰ সৃষ্টি গোস্বামীয়ে এদিনৰ বাবে উত্তৰাখণ্ডৰ মুখ্যমন্ত্ৰী হ’বলৈ সুযোগ লাভ কৰিছে। সৃষ্টি গোস্বামীয়ে আজি দিনটোত আয়ুচমান আঁচনি ,স্মাৰ্ট চিটি প্ৰজেক্টকে আদি কৰি পৰ্যটনৰ আঁচনি সম্পৰ্কে কার্যব্যৱস্থা গ্ৰহণ কৰিব।উল্লেখযোগ্য যে সম্প্ৰতি সৃষ্টিয়ে এগ্ৰি বি এচ চি ৰ সপ্তম চেমিষ্টাৰত অধ্যয়ন কৰি আছে।

জেৰেঙা পথাৰৰ সমাৱেশত মোদীয়ে কি ক`লে

ঐতিহাসিক শিৱসাগৰৰ জেৰেঙা পথাৰত আজি উপস্থিত হয় দেশৰ প্ৰধানমন্ত্ৰী নৰেন্দ্ৰ মোদী ৷ অসমীয়াতে অসমবাসীক ইংৰাজী নৱবৰ্ষ আৰু ভোগালী বিহুৰ শুভেচ্ছা জনাই প্ৰধানমন্ত্ৰীগৰাকীয়ে কয়, “মই অসমবাসীক নৱবৰ্ষ আৰু ভোগালীৰ শুভেচ্ছা জনাইছো আহিবলগীয়া দিনবোৰ সৌভাগ্যপূৰ্ণ হওক । অসমৰ প্ৰতি থকা মৰমে মোক বাবে বাৰে অসমলৈ টানি আনে । যোৱাবাৰ বড়ো সমস্যা সমাধানৰ সময়ত অসমলৈ অহাৰ পাছত এতিয়া ভূমিপুত্ৰ সকলৰ অধিকাৰ সুৰক্ষিত হোৱাৰ সময়ত আহিছো । আজিৰ দিন স্বাভিমান, স্বাধীনতা আৰু সুৰক্ষাৰ সমন্বয় । আনহাতে এই অনুষ্ঠান হৈছে ঐতিহাসিক জেৰেঙাত, যি জেৰেঙা জয়মতীৰ সাহস আৰু ত্যাগৰ কাৰণে জনাজাত ।

ইয়াৰোপৰি ভাষণ প্ৰসংগত মোদীয়ে কয়, “অসমৰ দ্ৰুত গতিৰ বিকাশ আমাৰ বাবে অতি গুৰুত্বপূৰ্ণ। ‘আত্মনিৰ্ভৰ অসম’ সফল হৈছে ইয়াত বসবাস কৰা লোকসকলৰ মাজত ‘আত্মবিশ্বাস’ৰ জৰিয়তে। ৰাজ্যৰ ৪০ শতাংশ জনসংখ্যাই কেন্দ্ৰীয় চৰকাৰৰ ‘আয়ুষ্মান ভাৰত’ (Ayushmaan Bharat’) আঁচনিৰ দ্বাৰা লাভান্বিত হৈছে।”

প্ৰধানমন্ত্ৰীগৰাকীয়ে লগতে কয়, “নেতাজীৰ স্মৰণ আমাৰ বাবে আজিও সাহস । এই দিনটোত ৰাষ্ট্ৰীয় সংকল্প সমূহ পূৰণৰ অন্য এক দিন । আমাৰ সংস্কৃতিত মাটি নিৰ্জীৱ হয় । মাটি আমাৰ মাতৃ। ভূপেন হাজৰিকাই কোৱাৰ দৰে অ’ মোৰ ধৰিত্ৰী আই চৰণতে দিবা ঠাই, খেতিয়কৰ নিস্তাৰ নাই মাটি বিনে অসহায় এই গানৰ পংক্তি কৈ তেওঁ কয় আজিৰ দিনটোত এই ভূমিপুত্ৰ সকলক আইনী মৰ্যাদা প্ৰদান কৰা হৈছে । ২০১৬ চনত বিজেপি চৰকাৰ গঠন হওঁতে অসমৰ প্ৰায় ৬ লাখ থলুৱা লোকৰ পট্টা নাছিল । কিন্তু বিজেপি চৰকাৰে এই সকলৰ হিতৰ বাবে চিন্তা কৰি ভূমি আইন সংশোধনৰ জৰিয়তে লৈ লাখৰ ঘৰত মাটিপট্টা প্ৰদান কৰা হৈছে । এই মাটিৰ পট্টা কেৱল এখন কাগজ নহয়, কিন্তু এই পট্টাৰ দ্বাৰা এই সকল ভাৰত চৰকাৰৰ বিভিন্ন আঁচনিৰ অংশ হ’ব পাৰিব। ব্যৱসায়ৰ বাবে ঋণ পোৱা সহজ হ’ব।”

চাহ জনগোষ্ঠীৰ প্ৰসংগত মোদীয়ে কয়, “চাহ জনগোষ্ঠীৰ বিগত দিনত অৱস্থা শোচনীয় আছিল । এতিয়া ঘৰ, পানী, অনাময় আদি সকলো সুবিধা চাহ জনগোষ্ঠীয়ে লাভ কৰিছে । বেং‌কৰ সৈতে চাহ বনুৱা সকলক পোনপটীয়াকৈ সংলগ্ন কৰা হৈ গৈছে । বড়ো সকলৰ আতংকৰ সমস্যা ইতিমধ্যে চৰকাৰে শেষ কৰিছে । এতিয়া এই বৃহৎ অংশ উন্নয়নৰ পথত যাব । আজি অসম আৰু উত্তৰ পূৱৰ বিকাশ হৈছে । অসম লুক ইষ্ট পলিচিৰ অংশ হৈ পৰিছে । অসমক পূৱৰ সৈতে সাঙুৰি যাতায়তৰ উন্নয়ন হৈছে । দলং-পথ নিৰ্মাণ হৈছে । পূৱৰ দেশ সমূহৰ সৈতে সম্পৰ্ক স্থাপন হৈছে । যাতায়তৰ উন্নয়নৰ বাবে ঔদ্যোগিক বিকাশৰ পথ খোল খাইছে । আকাশী পথৰ জৰিত উন্নয়নৰ ফলত নতুন পথ খোল খাইছে । অসমত তেল-গেছ ক্ষেত্ৰত ৪০ হাজাৰ কোটি বিনিয়োগ হৈছে । নতুন নতুন সংস্থাপনৰ পথ মুকলি হৈছে । জৈৱিক ইন্ধন উৎপাদনত অসম অগ্ৰণী ৰূপে পৰিগণিত হ’ব ।”

আনহাতে ক’ৰোনা মহামাৰীৰ বিষয়ে উল্লেখ কৰি মোদীয়ে কয় যে, “অসম চৰকাৰে COVID19 মহামাৰী যেনেদৰে পৰিচালনা কৰিছিল সেইটো প্ৰশংসাৰযোগ্য। মই আত্মবিশ্বাসী যে অসমে এতিয়া টিকাকৰণ অভিযান আগুৱাই নিব। মই সকলোকে টিকাকৰণ কৰিবলৈ আবেদন জনাইছো।

অসমৰে এজন উদ্যমীৰ ফটো সম্বলিত হৰ্ডিঙছ বিভিন্ন ৰাজ্যৰ এয়াৰ পৰ্টত লাগিছে

এজন উদ্যমীৰ ফটো সম্বলিত হৰ্ডিঙচ দেশৰ বিভিন্ন প্ৰান্তৰ এয়াৰ পর্টত লাগিছে। উদ্যমী গৰাকীয়ে ফেচবুক ইণ্ডিয়াৰ ফালৰ পৰাও অলপতে বিশেষ সন্মান লাভ কৰিছে। ইয়াৰ অন্যতম কাৰণ হ’ল অসমৰ এই উদ্যমী গৰাকীয়ে ফেচবুকৰ জৰিয়তে ব্যৱসায় আৰম্ভ কৰি স্বাৱলম্বী হোৱাৰ লগতে থলুৱা শিল্প- সংস্কৃতিক বিশ্বমুখী কৰিছে।

এতিয়া আহো মূল প্ৰসংগলৈ।২০১৭ চনৰ কথা সৰ্থেবাৰীৰ ধ্ৰুৱজ্যোতি ডেকা নামৰ যুৱক জনে থলুৱা কিছু হস্ত শিল্প জাত সা-সামগ্ৰীয়ে ফেচবুকৰ জৰিয়তে ব্যৱসায় আৰম্ভ কৰিছিল।সেই ব্যৱসায় সম্প্ৰসাৰণ হৈ বৰ্তমানে এক পৰ্যায়ত উপনীত হ’বলৈ সক্ষম হৈছে। ধ্ৰুৱজ্যোতি ভাষাত ক’বলৈ গ’লে প্ৰথমে সৰ্থেবাৰীত পোৱা কাঁহ পিতলৰ কিছু বাচন বতনেৰে ফেচবুকৰ জৰিয়তে ব্যৱসায় আৰম্ভ কৰো।বৰ্তমানে ৩০৮৬ বিধ হস্ত শিল্প জাত সা সামগ্ৰী Brahmaputra Fables গ্ৰাহকলৈ আগবঢ়াইছো।

উল্লেখযোগ্য যে উত্তৰ পূৰ্বৰ বিভিন্ন শিল্পীয়ে এই ব্যৱসায় জৰিয়তে এখন মঞ্চ লাভ কৰিছে। তেখেতে জনোৱা মতে ইতিমধ্যে ইটালী,আমেৰিকান গ্ৰাহকেও সা সামগ্ৰী ক্ৰয় কৰিছে। ফেচবুকৰ জৰিয়তে এনেধৰণৰ সন্মান লাভ কৰা ধ্ৰুৱজ্যোতি ডেকা হ’ল অসমৰ দ্বিতীয় জন সন্তান।ধ্ৰুৱজ্যোতি ডেকাৰ এই যাত্ৰা যুগমীয়া হওক আমি জনালো অলেখ শুভকামনা।

নেতাজীৰ কিছু অপ্ৰকাশ্য কথাৰে…

দেশৰ স্বতন্ত্ৰ সেনানীৰ তালিকাত শীৰ্ষত থকা অন্যতম বীৰ যোদ্ধা হ’ল সুভাষ চন্দ্ৰ বসু। তেখেতে ১৮৯৭ চনৰ ২৩ জানুৱাৰীত উৰিষ্যাৰ কটকত জন্ম গ্ৰহণ কৰিছিল।সুভাষ চন্দ্ৰ বসু আছিল একেধাৰে বীৰ যোদ্ধা , সৈনিক আৰু দক্ষ ৰাজনীতিবিদ। তেতিয়াৰে দিনতে দেশৰ লগতে বিদেশতো তেখেতে বেচ সমাদৰ লাভ কৰিছিল।

আজাদ হিন্দ ফৌজ গঠন কৰি দেশবাসীক দেশৰ স্বাধীনতা বাবে উদ্বুদ্ধ কৰি তুলিছিল। সুভাষ চন্দ্ৰ বসুয়ে দেশবাসীক উদ্দেশ্যে কৈছিল মনত ৰাখিব সকলোতকৈ ডাঙৰ অপৰাধ হ’ল অন্যায় সহা আৰু ভুল বুলি জানিও সহমত প্ৰদান কৰা।

সৰুৱে পৰা নেতাজী আছিল অত্যন্ত মেধাসম্পন্ন। এবাৰ কলেজত এগৰাকী ইংৰাজ অধ্যাপকে ভাৰতীয় বিষয়ে আপত্তিজনক মন্তব্য কৰিছিল। তেতিয়া নেতাজীয়ে সেই মন্তব্যক বিৰোধিতা কৰাৰ বাবে শাস্তি ভুগিব লগা হৈছিল।নেতাজীয়ে মহামানৱক জাতিৰ পিতা বুলি সম্বোধন কৰিছিল।যদিও মহামানৱ মহাত্মা গান্ধী দৰ্শনৰ লগত সুভাষ চন্দ্ৰ বসুৰ দৰ্শন অমিল আছিল তথাপিও দুগৰাকীয়ে দেশৰ স্বাধীনতা আন্দোলনৰ বাবে আহোপুৰুষাৰ্থ কৰিছিল।ইংৰাজৰ দিনতে ভাৰতীয় প্ৰশাসনীয় সেৱাত উত্তীৰ্ণ হৈও এজন সমাজসেৱক অথবা ৰাজনীতিবিদৰ হিচাপেহে দেশৰ সেৱা আগবঢ়াইছিল।

তেখেতে কৈছিল কাম কৰি যোৱা ফলাফল দাতাই দিব।এইগৰাকী বীৰক সন্মান জনাই তেখেতৰ জন্মদিনটোৰ পৰাক্ৰম দিৱস হিচাপে পালন কৰা হয়।নেতাজীৰ মৃত্যু আজিও ৰহস্য হৈয়ে থাকিল। প্ৰাপ্ত তথ্য অনুসৰি ১৯৪৫ চনৰ ১৮ আগষ্টত এক প্লেন দুৰ্ঘটনাত মৃত্যু হয়।নেতাজী জীৱিত থকা হ’লে ভাৰতীয় ৰাজনীতিয়ে অন্য মাত্ৰা লাভ কৰিলে হেতেন!এইগৰাকী মহান মনিষীৰ শুভ জন্মদিনত শ্ৰদ্ধাৰে সুঁৱৰিছো।

কাইলৈ হ’ব বিশাল গণসমাবেশ -জেৰেঙা পথাৰত চলিছে প্ৰস্তুতি

ঐতিহাসিক জেৰেঙা পথাৰত কালিলৈ অনুষ্ঠিত হ’ব এক বিশাল গণসমাবেশ।এই সভাত উপস্থিত থাকিব দেশৰ প্ৰধানমন্ত্ৰী । ইতিমধ্যে এসপ্তাহ ধৰি সভাৰ যাবতীয় প্ৰস্তুতি অব্যাহত আছে। শিৱসাগৰ জিলা প্ৰশাসনে নিৰাপত্তা ক্ষেত্ৰত পহৰাৰ ব্যৱস্থা কৰিছে। উল্লেখযোগ্য যে এই বিশাল গণ সমাবেশত ৩ লাখ লোকক ভূমি পট্ৰা প্ৰদান কৰিব।দেশৰ প্ৰধানমন্ত্ৰী গৰাকীৰ আগমনকলৈ ৪ খনকৈ হেলিপেড সাজু কৰি তুলিছে। জানিব পৰা মতে প্ৰতিখন জিলাৰ পৰা বিভিন্ন প্ৰতিনিধি এই সমাবেশলৈ আহিব। এই সমাবেশত অংশগ্ৰহণকাৰী সকলে ক’ভিড প্ৰট’কল মনাৰ লগতে কিছু নীতি নিৰ্দেশনা মানি চলিব লাগিব বুলি শিৱসাগৰ জিলা প্ৰশাসনে জানিবলৈ দিছে।

নামৰূপৰ সাৰ কাৰখানালৈ আহিছে ভাল খবৰ

নামৰূপ কাৰখানাৰ বাবে আছে ভাল খবৰ। নামৰূপ সাৰ কাৰখানাৰ চতুর্থ গোটৰ স্থাপন হোৱাৰ সপোন এতিয়া সাৰ্থক হোৱাৰ দিশে আগবাঢ়িছে।আজি কেন্দ্ৰীয় সাৰ আৰু ৰসায়ন বিভাগৰ মন্ত্ৰী সদানন্দ গৌড়াৰে হোৱা এক আলোচনাত উপস্থিত থকাৰ পিছতে কাৰখানাটোৰ চতুৰ্থটো গোট স্থাপনৰ ক্ষেত্ৰত সম্ভাৱনা ব্যক্ত কৰিছে বিত্তমন্ত্ৰী ড০ হিমন্ত বিশ্ব শৰ্মাই। মন্ত্ৰী ড০ শৰ্মাই জনাই যে চতুৰ্থটো গোটক লৈ থকা জটিলতা আঁতৰাবলৈ অসম চৰকাৰে বিনিয়োগৰ পৰিমাণ পূৰ্বৰ ১১ শতাংশৰ পৰিৱৰ্তে ২৬ শতাংশলৈ বৃদ্ধি কৰাৰ প্ৰস্তাৱ দিছে।

লগতে বিত্তমন্ত্ৰী গৰাকীয়ে কয় যে কেন্দ্ৰীয় চৰকাৰে এই সম্পৰ্কত সেউজ সংকেত দিব।উল্লেখযোগ্য যে ১৯৬৯ চনৰ পৰা আৰম্ভ হোৱা কাৰখানাটোৰ ২য় আৰু ৩য় গোটৰ কাম অতি দুৰ্বলভাৱে চলি থকাৰ পিছত ৪ৰ্থটো গোট মুকলি কৰাৰ বাবে চেষ্টা চলাই থকা হৈছিল যদিও ই কাৰ্যতঃ হৈ উঠা নাছিল। কিন্তু আজি বৈঠকত বিত্তমন্ত্ৰী গৰাকীয়ে চতুৰ্থটো গোট স্থাপনৰ স্থাপনৰ সম্ভাৱনাৰ থকা কথা সদৰি কৰে।