অসম চৰকাৰৰ পৰিবহন বিভাগ, স্পেচবাৰ্জ আৰু অসম যুৱ পৰিষদ গুৱাহাটী মহানগৰ সমিতিৰ উদ্যোগত গণেশগুৰি উৰনীয়া সেতুৰ তলৰ পৰা পথ সুৰক্ষা , জীৱন ৰক্ষা শীৰ্ষক এক সজাগতামুলক কাৰ্য্যসূচী অনুষ্ঠিত হয় । এই কাৰ্য্যসুচীৰ শুভ উদ্বোধনী কৰে কামৰূপ জিলা পৰিবহন বিষয়া গৌতম দাস , পশুধন নিগমৰ অধ্যক্ষ মনোজ শইকীয়া , অসম বাণিজ্য প্ৰসাৰ সংস্থাৰ অধ্যক্ষ সুনীল ডেকা , জনপ্ৰিয় অভিনেতা যতীন বৰা , বিশিষ্ট সাংবাদিক প্ৰণয় বৰদলৈয়ে । অনুষ্ঠানত উপস্থিত থকা পৰিবহন বিষয়া গৌতম দাসে চৰকাৰে নিৰ্ধাৰণ কৰি দিয়া নীতি নিয়মবোৰ মানি চলিবলৈ আহ্বান জনায় । পশুধন নিগমৰ অধ্যক্ষৰ মনোজ শইকীয়াই অসমৰ মুখ্যমন্ত্ৰীয়ে জনোৱা আহ্বানৰ প্ৰতি সহাঁৰি জনাই যান বাহন চলাচলত গুৰুত্ব আৰোপ কৰিবলৈ আহ্বান জনায় । সজাগতা সভাৰ পিছতেই এক বিশাল মটৰ চাইকেল ৰেলী উলিয়াই পথ সজাগতাৰ ওপৰত ৰাইজৰ মাজত সচেতনতা বৃদ্ধি কৰা হয়।
গুৱাহাটী বিশ্ববিদ্যালয় এন এছ এছ কোষৰ ৰাষ্ট্ৰীয় কন্যা শিশু দিবস উদযাপন
admin January 24, 2022 7:51 PM
আজাদী কা অমৃত মহোৎসবৰ অংশ হিচাপে গুৱাহাটী বিশ্ববিদ্যালয়ৰ ৰাষ্ট্ৰীয় সেৱা আঁচনি কোষে ২৪ জানুৱাৰীত এক বেবিনাৰৰ মাধ্যমত ৰাষ্ট্ৰীয় কন্যা শিশু দিবস উদযাপন কৰে। মুখ্য অতিথি হিচাপে উপস্থিত থাকি বিশ্ববিদ্যালয়খনৰ উপাচাৰ্য প্ৰফেছৰ প্রতাপ জ্যোতি সন্দিকৈয়ে ৰাষ্ট্ৰীয় কন্যা শিশু দিবস উদযাপনৰ গুৰুত্ব সম্পৰ্কে বিস্তৃত আলোচনা কৰি কয় যে কন্যা শিশুৰ প্রতি শ্রদ্ধা প্রথমে ঘৰৰ পৰাই আৰম্ভ কৰা উচিত আৰু এনএছ এছ স্বেচ্ছাসেবকে মানুহৰ মাজলৈ এই বাৰ্তা প্ৰেৰণ কৰিবলৈ আহ্বান জনায় । উত্তৰ পূব এন এছ এছৰ আঞ্চলিক সঞ্চালক দীপক কুমাৰে কাৰ্য্যসূচী বিষয়া আৰু স্বেচ্ছাসেবক সকলক কন্যা শিশুৰ উন্নতি আৰু নিৰাপত্তাৰ বাবে উদ্যোগ লবলৈ আহ্বান জনায় । তেওঁ চৰকাৰী বিভিন্ন আঁচনি , গার্ল চাইল্ড আঁচনিসমূহ এন এছ এছ কাৰ্য্যসূচী বিষয়া আৰু স্বেচ্ছাসেবকসকলে আগুৱাই নিয়াত অৰিহণা যোগাব লাগিব বুলি উল্লেখ কৰে। অতিথি অৰু অংশগ্রহণকাৰীক আদৰণি জনায় বিশ্ববিদ্যালয়ৰ ছাত্ৰকল্যাণ সঞ্চালক তথা এন এছ এছৰ কাৰ্য্যসূচী সমন্বয়ক ডঃ ৰঞ্জন কুমাৰ কাকতিয়ে । তেওঁ কয় যে : কন্যা শিশুৰ অধিকাৰ ,শিক্ষাৰ গুৰুত্ব, স্বাস্থ্য আৰু লিংগ বৈষম্য আৰু শাৰীৰিক নিৰ্যাতনৰ দৰে সমস্যা সম্পৰ্কে সচেতনতাৰ বাবে ৰাষ্ট্ৰীয় কন্যা শিশু দিবস পালন কৰা হয় । স্বাধীনতাৰ ৭৫ বছৰ উদযাপনৰ বাবে ২০ বছৰৰ কম বয়সী ৭৫ জনী কন্যা শিশুক গুৱাহাটী বিশ্ববিদ্যালয় এন এছ এছ কোষৰ অধীনৰ বিভিন্ন কলেজ এন এছ এছ গোটৰ দ্বাৰা সমাজত অসামান্য অৱদানৰ বাবে স্মাৰক,গামোচা আৰু মানপত্ৰৰে সম্বৰ্ধনা জনায় । কলেজৰ অধ্যক্ষ, এনএছএছ প্রোগ্রাম অফিছাৰ আৰুস্বেচ্ছাসেবক সমন্বিতে প্রায় ৩০০ জন অংশগ্রহণকাৰী এই বেবিনাৰত অংশগ্ৰহণ কৰে।
ভিউৱাছৰ মতামত