দক্ষিণ কামৰূপ অঞ্চলৰ উচ্চ শিক্ষাৰ প্ৰাণকেন্দ্ৰ মিৰ্জাস্থিত দক্ষিন কামৰূপ মহাবিদ্যালয়ে স্থানীয় গ্ৰাম্যাঞ্চলবাসীৰ বাবে গ্ৰহণ কৰিছে বিশেষ পদক্ষেপ। বৃহত্তৰ অঞ্চলটোৰ পাচখন গাওঁ নহিৰা, দখলা, সোনতলা, পাৰাকুছি আৰু মনপুৰ গাঁৱৰ প্ৰতিপালনৰ দায়িত্ব গ্ৰহণ কৰি বিশেষ কাৰ্যসূচী গ্ৰহণ কৰিছে।কেন্দ্ৰীয় চৰকাৰৰ উন্নত ভাৰত অভিযান গোটৰ জৰিয়তে আৰু স্বেচ্ছাসেৱী সংগঠন “পোহৰ ফাউণ্ডেচন” মিৰ্জাৰ সহযোগত গাৱলৈ গৈ আয়োজন কৰিছে এই গাঁওসভা। মহাবিদ্যালয়খনে এই কাৰ্যসূচীৰ অধীনত নহিৰাত ২১ ফেব্ৰুৱাৰীত আয়োজন কৰা প্ৰথমখন সভাত ৰাইজৰ অভাব অভিযোগ, শিক্ষা, স্বাস্থ্য, যাতায়ত, কৃষি, পশুপালন, হস্তশিল্প , তাতশিল্প আদি বিষয়ে ৰাইজৰ পৰা বুজ লয়। লগতে কেন্দ্ৰ আৰু ৰাজ্য চৰকাৰে ৰাইজৰ বাবে গ্ৰহণ কৰা বিভিন্ন চৰকাৰী আঁচনিৰ লাভালাভ বা বঞ্চিত হোৱা আদি বিভিন্ন বিষয়কলৈ মতবিনিময় কৰে। গাওঁখনৰ সাধাৰণ ৰাইজৰ সামাজিক, শৈক্ষিক, অৰ্থনৈতিক উত্তোৰণৰ লগতে গাঁওবাসীৰ মাজত বিভিন্ন বিষয়ে সচেতনতা বৃদ্ধিৰ বাবে আলোচনা কৰা হয়। গ্ৰাম্যাঞ্চলবাসীৰ জীৱন ধাৰণৰ মান উন্নত কৰাৰ বাবে সমস্যা সমাধানৰ বাবে উন্নত ভাৰত অভিযানৰ জৰিয়তে পদক্ষেপ গ্ৰহণৰ ৰাইজক প্ৰতিশ্ৰুতি দিয়ে। ইয়াৰ বাবে সকলো ক্ষেত্ৰতে মহাবিদ্যালয় কতৃপক্ষ আৰু “পোহৰ ফাউণ্ডেচন” সহায় সহযোগিতা কৰিব ৰাইজক জানিবলৈ দিয়ে। এনেধৰণৰ সভা গাঁও পাচ খনৰ বিভিন্ন স্থানত আয়োজন হৈয়ে থাকিব বুলি উল্লেখ কৰে। সভাত দক্ষিণ কামৰূপ মহাবিদ্যালয়ৰ উন্নত ভাৰত অভিযান গোটৰ সমন্বয়ক তথা ইংৰাজী বিভাগৰ অধ্যাপিকা ড০ গাৰ্গী চক্ৰৱৰ্তী, সহ সমন্বয়ক প্ৰবক্তা মানবেন্দ্ৰ কলিতা, “পোহৰ ফাউণ্ডেচন”ৰ সভাপতি অমল দলৈ, সম্পাদক শৈলেন্দ্ৰ দাস, গণিত বিভাগৰ প্ৰবক্তা প্ৰশান্ত কলিতাৰ লগতে বহু কেইজন বিশিষ্ট ব্যক্তিৰ লগতে শতাধিক গাওঁবাসীয়ে অংশগ্ৰহণৰ কৰে। দক্ষিণ কামৰূপ মহাবিদ্যালয় আৰু পোহৰ ফাউণ্ডেচন গ্ৰাম্যাঞ্চলবাসীৰ বাবে গ্ৰহণ কৰে এই পদক্ষেপক ৰাইজে প্ৰশংসা কৰে।
শিৱসাগৰত উপস্থিত হ`ল নিৰ্বাচনী ব্যয় পৰ্যবেক্ষক
শিৱসাগৰ নিৰ্বাচনী জিলাৰ অধীনস্থ ১০৩ আমগুৰি, ১০৭ থাওৰা আৰু ১০৮ নং শিৱসাগৰ বিধানসভাৰ বাবে নিয়োজিত নিৰ্বাচন ব্যয় পৰ্যবেক্ষক ২০০৯ বর্ষৰ ভাৰতীয় ৰাজহ সেৱাৰ বিষয়া মেহফুজুৰ ৰহমান আজি শিৱসাগৰ জিলাত উপস্থিত হয়।
নিৰ্বাচন ব্যয় পৰ্যবেক্ষক গৰাকীয়ে জিলাখনত উপস্থিত হৈ জিলা নির্বাচন বিষয়া বিষ্ণু কমল বৰাকে প্ৰমুখ্য কৰি আগন্তুক বিধানসভা নিৰ্বাচনৰ কাম-কাজ সুচাৰুভাৱে সম্পন্ন কৰাৰ বাবে ইতিমধ্যে গঠন কৰা নির্বাচনী কোষ সমূহৰ বিষয়-ববীয়াৰ সৈতে এক বৈঠকত মিলিত হয়। তেওঁ বৈঠকত নিৰ্বাচনী কোষসমূহৰ কাম-কাজৰ বিষয়ে বুজ লোৱাৰ লগতে বিভিন্ন পৰামৰ্শ আগবঢ়ায়।
আগন্তুক বিধান সভা নিৰ্বাচন সন্দৰ্ভত নিৰ্বাচনী ব্যয় বা নিৰ্বাচনী আচৰণ বিধি সম্পৰ্কীয় কিবা ওজৰ-আপত্তি বা কিবা জানিবলৈ থাকিলে ৰাইজে নিৰ্বাচন ব্যয় পৰ্যবেক্ষক গৰাকীক আজিৰ পৰা ৪ মাৰ্চ তাৰিখলৈ স্থানীয় আৱৰ্ত ভৱনৰ ৪ নং কক্ষত দিনৰ ১০:০০ বজাৰ পৰা বিয়লি ৪:০০ বজাৰ ভিতৰত যোগাযোগ কৰিব পাৰিব। ইয়াৰ উপৰিও নিৰ্বাচন ব্যয় পৰ্যবেক্ষক গৰাকীক মোবাইল নম্বৰ ৯৩৯৪১২৫৮৯৮ -ত যোগাযোগ কৰিব পাৰিব। অধিক তথ্যৰ বাবে জিলা পৰ্যটক তথ্য বিষয়া তথা নিৰ্বাচন ব্যয় পৰ্যবেক্ষক গৰাকীৰ প্ৰট’কল বিষয়া মাধৱ দাসৰ লগত মোবাইল নম্বৰ ৮১৩৩০৮৯৯৯৩ -ত যোগাযোগ কৰিব পাৰিব।
ভিউৱাছৰ মতামত