এতিয়াৰে পৰা নৱম দশম শ্ৰেণীৰ ছাত্র ছাত্রীয়ে লাভ কৰিব শিক্ষামূলক জলপানি।অসম চৰকাৰৰ ভৈয়াম জনজাতি আৰু পিছপৰা শ্ৰেণী কল্যাণ বিভাগে প্ৰৱৰ্তন কৰিছে এই বিশেষ জলপানি আঁচনি।উল্লেখ্য যে এই আঁচনিৰ জৰিয়তে চৰকাৰে অনুসূচীত জাতি আৰু অন্যান্য পিছপৰা শ্ৰেণীৰ ছাত্র ছাত্রী সকললৈ আগবঢ়াইছে এই সেৱা।এই আঁচনিত আছে হাইস্কুল শিক্ষান্ত পৰীক্ষাৰ পূৰ্বৰ জলপানি আৰু হাইস্কুল শিক্ষান্ত পৰীক্ষাৰ পাছৰ জলপানি।ইয়াৰে অনুসূচীত জাতিৰ(বছৰি আয় ২ লাখ টকা)ছাত্র ছাত্রীসকলে দৈনিক বৃত্তি ৩,০০০ টকা আৰু হোষ্টেলৰ আৱাসী হ’লে ৬,২৫০ টকা লাভ কৰিব।আনহাতে অন্যান্য পিছপৰা শ্ৰেণীৰ ছাত্র ছাত্রীসকলে(বছৰি আয় ২.৫০ লাখ টকা)দৈনিক বৃত্তি ১,৫০০ টকা আৰু হোষ্টেলৰ আৱাসী হ’লে ৫,৫০০ টকা লাভ কৰিব।ইয়াৰোপৰি অনুসূচীত জাতিৰ ছাত্র ছাত্রীসকলৰ বাবে হাইস্কুল শিক্ষান্ত পৰীক্ষাৰ পাছৰ জলপানি(বছৰি আয় ২,৫০,০০০ টকা) চাৰিটা গোটত ভাগ কৰিছে।ইয়াৰে মাহিলী পৰিচালনা ভাত্তা হোষ্টেলৰ আৱাসী আৰু দৈনিক বৃত্তি হিচাপে দুটা ভাগত প্ৰদান কৰিব।তাৰোপৰি অন্যান্য পিছপৰা শ্ৰেণীৰ ছাত্র ছাত্রীসকলে(বছৰি আয় ২,৫০,০০০টকা)লাভ কৰিব মাহিলী পৰিচালনা ভাত্তা।ইয়াৰে দুয়োটা শাখাতে বছৰি সৰ্বাধিক মাচুল হ’বগৈ ৫০,০০০ টকা।উল্লেখযোগ্য যে এই শিক্ষামূলক জলপানি আঁচনিৰ আবেদনৰ অন্তিম তাৰিখ ২৯ ফেব্ৰুৱাৰী।অনলাইনযোগে হ’বলগীয়া এই আবেদন পত্ৰ জমা দিব লাগিব scholarships.gov.in ৱেবছাইটত।
প্ৰধানমন্ত্ৰীক দুখনকৈ গ্ৰন্থ উপহাৰ দলে অসম পাব্লিচিং কোম্পানীয়ে
সমগ্ৰ দেশতে অভিলেখৰ সৃষ্টি কৰি গুৱাহাটীৰ অসম পাব্লিচিং কোম্পানীয়ে প্ৰকাশ কৰা প্ৰধানমন্ত্ৰী নৰেন্দ্ৰ মোদীৰ দুখন কিতাপৰ অসমীয়া সংস্কৰণ কৰি প্ৰধানমন্ত্ৰী গৰাকীয়ে প্ৰকাশক সঞ্জয় কুমাৰ সান্যালৰ হাতৰ পৰা গ্ৰহণ কৰে। এখন কিতাপ হ’ল প্ৰধানমন্ত্ৰীৰ মন কী বাতৰ উদ্দীপনামূলক নিৰ্বাচিত অংশ বিশেষৰ সংকলন মোৰ প্ৰিয় দেশবাসী। কিতাপখনৰ সংকলন কৰিছে নম্ৰতা দত্তই।আনখন কিতাপ হ’ল নৰেন্দ্ৰ মোদীয়ে ৰাজনৈতিক জীৱন আৰম্ভ কৰাৰ আগৰ সময়ছোৱাত কৰা বিভিন্ন উপলদ্ধিৰ প্ৰকাশ আইলৈ চিঠি।
মূল গুজৰাটীৰ পৰা ভাৱনা চোমায়াই ইংৰাজীলৈ কৰা অনুবাদৰ পৰা আইলৈ চিঠিৰ অনুবাদক উৎপল দত্ত।দুয়োখন কিতাপৰ প্ৰচ্ছদ প্ৰসিদ্ধ চিত্ৰশিল্পী সৌৰীশ মিত্ৰৰ আৰু আইলৈ চিঠিৰ অন্তৰ্ভাগৰ অলংকৰণো শ্ৰীমিত্ৰৰেই ।শিৱসাগৰত অনুষ্ঠিত সভাত অংশগ্ৰহণ কৰিবলৈ আহোতে প্ৰধানমন্ত্ৰীৰ কাৰ্যালয়ৰ পৰা প্ৰকাশক শ্ৰীসান্যালক মাতি পঠোৱা হয় আৰু সেই আমন্ত্ৰণ মৰ্মে প্ৰকাশক গৰাকীক প্ৰধানমন্ত্ৰীয়ে নিজৰ কোঠালৈ মাতি নিয়ে তেওঁৰ হাতৰ পৰা কিতাপ দুখন গ্ৰহণ কৰে।
সেই সময়ত প্ৰধানমন্ত্ৰীৰ সতে উপস্থিত আছিল ৰাজ্যৰ মুখ্যমন্ত্ৰী সৰ্বানন্দ সোণোৱাল আৰু বিত্তমন্ত্ৰী হিমন্ত বিশ্ব শৰ্মা।প্ৰধানমন্ত্ৰী গৰাকীয়ে শ্ৰী সান্যালক তেওঁৰ কামৰ বাবে প্ৰশংসা কৰে,প্ৰতিষ্ঠানটিৰ মংগল কামনা কৰে। তেখেতে কয় যে বাধাৰ সন্মুখীন হ’লেও তুমি কাম কৰি যোৱা,কাম বন্ধ নকৰিবা।
প্ৰধানমন্ত্ৰী গৰাকীৰ কেইবাখনো কিতাপ ইতিমধ্যে বিভিন্ন ভাষাত প্ৰকাশ পাইছে যদিও একেলগে এটা ভাষাত দুখন কিতাপ প্ৰকাশ হোৱাটো এয়াই প্ৰথম।প্ৰকাশক শ্ৰী সান্যালে কয় আমাৰ প্ৰকাশনৰ স্বৰ্ণজয়ন্তী উপলক্ষে প্ৰকাশ কৰা কেইখনমান বিশেষ কিতাপৰ মাজৰ এই দুখন কিতাপৰ প্ৰকাশ অকল মোৰ বাবেই নহয় অসমৰ সকলো প্ৰকাশকৰ বাবেই গৌৰৱৰ বিষয়। মাননীয় প্ৰধানমন্ত্ৰী গৰাকীয়ে নিজ আগ্ৰহ প্ৰকাশ কৰি নিজ হাতে দুখন অসমীয়া কিতাপ গ্ৰহণ কৰাটো অসমীয়া গ্ৰন্থ প্ৰকাশন উদ্যোগৰ বাবে সন্মানজনক বুলি মই বিবেচনা কৰো।মই বিশ্বাস কৰো আমি অসমত নেচনেল লাইব্ৰেৰী দৰে বা তেনে জাতীয় বিশাল প্ৰতিষ্ঠান এটি বিচাৰিলে প্ৰধানমন্ত্ৰী গৰাকীয়ে নিশ্চয় সহাঁৰি জনাব।
ভিউৱাছৰ মতামত