এজন উদীয়মান লেখকৰ প্ৰচেষ্টাত দৰংত এটা পুথিভৰাল প্ৰতিষ্ঠা হৈছে।পুথিভৰালটোৰ নাম পামঘৰ পুথিভৰাল।দৰঙৰ পথৰিঘাট শান্তিপুখুৰীত অৱস্থিত এই পুথিভৰালটো বিগত বৰ্ষৰ ১৬ডিচেম্বৰত আনুষ্ঠানিকভাৱে উদ্বোধন হয়।জানি সুখী হ’ব যে এই পুথিভৰালটোত অসমীয়া ভাষাৰ লোককৃষ্টি গৱেষণামূলক গ্ৰন্থ উপলব্ধ।লগতে গৱেষক ছাত্ৰ ছাত্ৰীৰ বাবে পুথিভৰালটো উৎসৰ্গিত।উদীয়মান লেখক,সাংবাদিক জমীউল হকৰ প্ৰচেষ্টাত পামঘৰ পুথিভৰাল গঠন হৈছে।৩০০০ৰো অধিক গ্ৰন্থ সংগ্ৰহীত হৈ থকা পুথিভৰালটোলৈ সমীপতে থকা ১০খন গাঁৱৰ বিভিন্ন পঢুৱৈৰ সমাগম হয়।উল্লেখযোগ্য যে পামঘৰত বিভিন্ন জাতি জনজাতিৰ বুৰঞ্জীমূলক গ্ৰন্থ ,স্মৃতিগ্ৰন্থ উপলব্ধ হৈ আছে।জমীউল হকে জনোৱা মতে আগন্তুক দিনত পামঘৰে বৌদ্ধিক ক্ষেত্ৰত নৱ বিপ্লৱ সূচনা কৰাৰ বাবে প্ৰচেষ্টা অব্যাহত ৰাখিব।এনেধৰণৰ ইতিবাচক খবৰৰ ভিজিট কৰিবলৈ নাপাহৰিব এন ই ফ’কাচ ডট কমক।
পুৰণিগুদামৰ বিহু তলিত অ ৪ ব`হাগৰ দিনটোক ‘গছ বিহু’ হিচাপে পালনৰ আহ্বান অৰণ্য মানৱৰ
admin April 19, 2021 1:27 PM
ৰাজ্যৰ সৰ্বত্ৰে এতিয়া ৰঙালীৰ উখল মাখল পৰিৱেশ। নগাঁও পুৰণিগুদামত ‘নাট্যম গোষ্ঠী’য়ে অনুষ্ঠিত কৰিছে বিহু নৃত্য আৰু ঢোল বাদনৰ কৰ্মশালাৰ । অলপতে নাট্যম গোষ্ঠীয়ে অনুষ্ঠিত কৰা মুকলি বিহু চাবলৈ পাৰঘাটৰ বিহু তলিত উপস্থিত হয় অৰণ্য মানৱ যাদৱ পায়েং।
উল্লেখযোগ্য যে তেখেতে পুৰণিগুদামৰ বিহু তলিত উপস্থিত হৈ ৪ ব’হাগৰ দিনটো পৰম্পৰাগত ভাৱে গছ বিহু হিচাপে পালন কৰিবলৈ নগাঁওবাসীক আহ্বান জনায়।গছৰ তলত বিহু পাতিলে নাচিবলৈ নজনা গছজোপায়েও হাঁহিব পাৰে বুলি তেখেতে মন্তব্য কৰে।
অৰণ্য মানৱ যাদৱ পায়েঙক এখনি গামোচা, এখন চেলেং চাদৰ আৰু এখন ফলকৰ জৰিয়তে ৰাজহুৱাভাৱে সম্বৰ্দ্ধনা জ্ঞাপন কৰে।অনুষ্ঠানত উপস্থিত থাকি প্ৰকৃতি তথা মানুহৰ প্ৰাকৃতিক ভাৰসাম্য ৰক্ষাৰ অৰ্থে কৰিবলগীয়া কৰ্ম সম্বন্ধেও পায়ঙে মন্তব্য কৰে।
ভিউৱাছৰ মতামত