বিভিন্ন ঠাইত উদযাপিত হ’ল বিশ্ব পৰিবেশ দিৱস

বিশ্ব পৰিৱেশ দিৱস উপলক্ষে আজি গুৱাহাটী মহানগৰীৰ পাণবজাৰস্থিত জৰ্জ খেলপথাৰত গুৱাহাটী মেট্ৰ’পলিটান অথৰিটীয়ে এক বৃক্ষৰোপনৰ কাৰ্যসূচী আয়োজন কৰে। এই কাৰ্যসূচীৰ শুভাৰম্ভ কৰে মন্ত্ৰী সিদ্ধাৰ্থ ভট্টাচাৰ্যই।কাৰ্যসূচী অনুসৰি বকুল, নিম আৰু কৃষ্ণচূড়া ৰোপন কৰে। এই বৃক্ষৰোপণ কাৰ্যসূচীত কামৰূপ মহানগৰ জিলা উপায়ুক্ত বিশ্বজিৎ পেগু, জি এম ডি এৰ চেয়াৰমেন অশোক সিংঘাল, ডেপুটী চেয়াৰমেন আব্দুল মান্নান ফাৰুক, এডিচনেল চীফ চেক্ৰেটাৰী মনিন্দৰ সিঙৰ লগতে চি ই অ’ উমানন্দ দলে উপস্থিত থাকে। এখন সেউজ গুৱাহাটী আৰু ইয়াৰ পাৰিপাৰ্শ্বিক অৱস্থাটো সেউজীয়া কৰি তোলাৰ উদ্দেশ্যে এই বৃক্ষৰোপন কাৰ্যসূচী আয়োজন কৰে।

 

 

আনহাতে বিশ্ব পৰিৱেশ দিৱসৰ দিনাই দিহিং পাটকাইক সংৰক্ষণৰ বাবে ভাস্কৰ্য প্ৰস্তুত কৰিছে ঢেকীয়াজুলিৰ এজন যুৱকে। ঢেকীয়াজুলিৰ যীচু হাজৰিকা নামৰ যুৱক জনে পেলনীয়া কাগজেৰে ভাস্কৰ্য  প্ৰস্তুত কৰি পৰিবেশ সংৰক্ষণৰ বাৰ্তা বিলাইছে।

 

ইফালে টীয়কৰ জাঁজীমুখৰ বৰমথাউৰীৰ বালিমাহী অৰণ্যত সদৌ যোৰহাট জিলা ছাত্ৰ সন্থাৰ উদ্যোগত  টীয়ক আঞ্চলিক ছাত্ৰ সন্থা,শিমলুগুৰি মৌজা আছু আৰু ৰেঙণি এটি আশাৰ সহযোগত এক লাখ গছ পুলি ৰোপনৰ আঁচনিৰ শুভাৰম্ভ কৰে সদৌ অসম ছাত্র সন্থাৰ সাধাৰণ সম্পাদক লুৰিণ জ্যোতি গগৈয়ে। উল্লেখযোগ্য যে ললিত টাইড নামৰ এগৰাকী ব্যক্তিৰ একক প্ৰচেষ্টাত বাৰ বছৰৰ পূৰ্বে জাঁজীমুখৰ এই চাপৰিত গঢ়ি তোলা হৈছিল এই অৰণ্য । গছ থাকিলেহে মানুহ থাকিব,সেই কথা শিৰোগত কৰি জাঁজী আৰু ব্ৰহ্মপুত্ৰৰ মিলনক্ষেত্ৰ ঐতিহাসিক জাঁজীমুখৰ এই বালিমাহী অৰণ্যত ফলমূলকে ধৰি বিভিন্ন প্ৰজাতিৰ গছ পুলি ৰোপন কৰি সমগ্ৰ পৰিবেশ সেউজীয়া তথা সুস্থ কৰিবলৈ চেষ্টা কৰিছে। এই অনুষ্ঠানত ছাত্র সন্থাৰ কেন্দ্ৰীয় সমিতিৰ লগতে জিলা পৰ্যায়ৰ বিষয়ববীয়া সকল উপস্থিত থাকি একোটাকৈ গছ পুলি ৰোপন কৰে।

 

শিৱসাগৰ জিলাতো উদযাপন কৰে বিশ্ব পৰিবেশ দিৱস ।পৰিবেশ দিৱস উপলক্ষে জিলাখনৰ বিভিন্ন বিভাগৰ কাৰ্যালয় সমূহৰ চৌহদত পৰিবেশ সুৰক্ষাৰ বাবে গছপুলি ৰোপন কৰা হয়। ইয়াৰ উপৰিও বিশ্ব পৰিবেশ দিৱসৰ লগত সংগতি ৰাখি শিৱসাগৰ পৌৰসভাৰ উদ্যোগত শিৱসাগৰ ছোৱালী মহাবিদ্যালয়ৰ সমীপৰ যমুনাৰ দাঁতিত বৃক্ষৰোপনৰ কাৰ্যসূচী ৰূপায়ণ কৰা হয়। এই কাৰ্যসূচীৰ শুভাৰম্ভ কৰে অতিৰিক্ত উপায়ুক্ত মুন গগৈয়ে । শিৱসাগৰৰ ৰাজহ চক্ৰ বিষয়া মনোৰমা মৰাঙৰ লগতে বহুকেইগৰাকী সমাজকৰ্মীয়ে এই বৃক্ষৰোপণ কাৰ্যসূচীত অংশগ্ৰহণ কৰি একোটিকৈ গছপুলি ৰোপন কৰে।

 

 

তেজপুৰৰ আনহাতে শুক্ৰবাৰে বিশ্বনাথ গ্ৰীণ আচিয়ানা ৱেলফাৰ চ’চাইটি উদ্যোগত বিশ্ব পৰিৱেশ দিৱস উদযাপন কৰে।ৱেলফাৰ উদ্যোগত বিশ্বনাথৰ মোনাবাৰী ১৫ নং ৰাষ্ট্ৰীয় ঘাইপথ দুয়ো কাষে ৫০০ জোপা বিভিন্ন ফল মূলৰ গছ পুলি ৰোপন কৰে আনহাতে ৱেলফাৰ সঞ্চালক কিশোৰ হাজৰিকাই জানিবলৈ দিয়া মতে পৰিৱেশ দিৱস লগত সংগতি ৰাখি অহা ১০ দিন ধৰি গছ পুলি ৰোপন কৰি হ’ব বুলি প্ৰকাশ কৰে।ইফালে পৰিবেশ দিৱস সংগতি ৰাখি বিশ্বনাথ চাৰিআলি সমিৰণ ইনফ্ৰাষ্টাকচাৰ প্ৰা: লি উদ্যোগত গছ পুলি ৰোপন বিশ্বনাথৰ ১৫ নং ৰাষ্ট্ৰীয় ঘাইপথৰ দুয়ো কাষে ১০১ জোপা গছ পুলি ৰোপন কৰে ।আনহাতে শোণিতপুৰ জিলাতো বিশ্ব পৰিৱেশ উদযাপন কৰে বিভিন্ন অনুষ্ঠান প্ৰতিষ্ঠানে ।বিশ্ব পৰিৱেশ দিৱস উদযাপন কৰে  শোণিতপুৰ জিলা যুটীয়া স্বাস্থ্য সেৱা সঞ্চালক কাৰ্যালয় অন্তৰ্গত তেজপুৰ জাহাজ ঘাটৰ নগৰীয়া প্ৰাথমিক  স্বাস্থ্য কেন্দ্ৰটো উদযাপন কৰে।নগৰীয়া প্ৰাথমিক স্বাস্থ্য কেন্দ্ৰ চৌহদত গছ পুলি ৰোপন কৰে।স্বাস্থ্য বিষয়া ডাঃপ্ৰজ্ঞাশ্ৰী বৰাই সহযোগ কৰে স্বাস্থ্য কেন্দ্ৰ স্বাস্থ্য কৰ্মী সকলে।

খবৰ যুগুতালে হিমাশ্ৰী কলিতা,টীয়কৰ অমৃত দত্ত,শিৱসাগৰৰ দিলিস্তান খান আৰু তেজপুৰৰ পৰা ডিজিটেল প্ৰতিনিধিয়ে..

Share on whatsapp
WhatsApp
Share on facebook
Facebook
Share on twitter
Twitter
Share on email
Email

কুমাৰ ইঞ্জিনিয়াৰিঙৰ উদ্যোগত ধাৰাপুৰত নিৰ্মাণ হৈছে থলুৱা প্ৰযুক্তিৰে নিৰ্মিত ৰিক্সা

ৰাজ্যত প্রথমবাৰৰ বাবে থলুৱা প্ৰযুক্তিৰে কম মূল্যত কৃষকৰ সুবিধাৰ বাবে ইন্ধন ৰাহিকাৰক ডিজেল আৰু পেট্ৰলচালিত পাৱাৰ টিলাৰ নিৰ্মাণ কৰি সকলোৰে সমাদৰ লাভ কৰাৰ পাছত কুমাৰ ইঞ্জিনীয়াৰিং নামৰ প্ৰতিষ্ঠানটোৱে ইয়াৰ গুৱাহাটীৰ ধাৰাপুৰ নতুন বস্তিত থকা কাৰখানাত পৰিবেশ অনুকূল ই- ৰিক্সাৰ নিৰ্মাণ তথা উৎপাদন আৰম্ভ কৰিছে । ইতিমধ্যে ভোগালী বিহুৰ সময়ত থলুৱা প্ৰযুক্তিৰে নিৰ্মাণ কৰা ই-ৰিক্সাৰ পৰীক্ষামূলক চালনা আৰু প্ৰদৰ্শনীৰ ব্যৱস্থা কৰা হৈছিল। গুৱাহাটী মহানগৰ আৰক্ষীৰ যুটীয়া আৰক্ষী আয়ুক্ত পাৰ্থসাৰথি মহন্তই পৰীক্ষামূলক প্ৰদৰ্শনীৰ শুভাৰম্ভ কৰিছিল । এই সন্দৰ্ভত কুমাৰ ইঞ্জিনিয়াৰিঙৰ অধ্যক্ষ আৰু উদ্যমী ব্যক্তি কুমাৰ গৌৰৱে জানিবলৈ দিয়া মতে তেওঁলোকৰ ধাৰাপুৰ নতুন বস্তিত থকা উদ্যোগত “মেক ইন ইণ্ডিয়া” কাৰ্যসূচীৰ আধাৰত এটি অভিযন্তা আৰু বিশেষজ্ঞৰ দলে প্ৰায় তিনিমাহ যোৰা প্ৰচেষ্টাৰ অন্তত এই “৮৮৮-ই ” নামৰ ই-ৰিক্সাৰ উৎপাদন কৰিবলৈ সক্ষম হৈছে । সকলো ঠিকে ঠাকে থাকিলে অহা ফেব্ৰুৱাৰী মাহৰ প্ৰথম সপ্তাহত বাণিজ্যিক ভিত্তিত এই “৮৮৮ ই ” মডেলৰ ই ৰিক্সাৰ মুকলি কৰিব পৰা হব । জালুকবাৰীৰ গুৱাহাটী বিশ্ববিদ্যালয়ৰ বাইপাছত থকা কুমাৰ ইঞ্জিনিয়াৰিঙৰ কাৰ্যালয়ত এই ৰিক্সা সমূহ ৰখা হৈছে । চালকসহ ৫ জন প্ৰাপ্তবয়স্ক লোক বহি যাব পৰা ই ৰিক্সা সমূহত বিশ্বমানৰ কাৰিকৰী কৌশল আৰু প্ৰযুক্তিবিদ্যাৰ প্ৰয়োগ কৰা হৈছে । প্ৰথম পৰ্যায়ত ৰঙা আৰু নীলা দুটা ৰঙত উপলব্ধ হবলগীয়া ই ৰিক্সাৰ সমুহৰ বডীত অতি উন্নতমানৰ এম এছ ছিট আৰু চকাত এলয় হুইল ব্যৱহাৰ কৰা হৈছে । তেনেদৰে যাত্ৰীৰ মনোৰঞ্জনৰ বাবে ৰিক্সাৰ মিউজিক ছিষ্টেম সংযোজন কৰা হৈছে । এবাৰ চার্জ দিলে যিকোনো পথত প্ৰায় ৮০ কিঃমিঃ দূৰত্বলৈ যাত্ৰা কৰিব পৰা এই ই ৰিক্সাৰ মূল্য মাত্ৰ ১.৪৬ লাখ টকাৰ ভিতৰত ৰখা হৈছে । অতি আৰামদায়ক যাত্ৰাৰ উদ্দেশ্যৰ বাবে বডীত জিন্দাল ষ্টীল ব্যৱহাৰ কৰা হৈছে । ইতিমধ্যে ভাৰত চৰকাৰৰ লঘু আৰু ক্ষুদ্র উদ্যমিতা বিভাগ চমুকৈ এম এছ এম ই য়ে কুমাৰ ইঞ্জিনীয়াৰিঙক এই ই-ৰিক্সাৰ উৎপাদনৰ বাবে প্ৰমাণ পত্ৰ দিছে বুলি কুমাৰ গৌৰৱে জানিবলৈ দিছে । প্ৰায় ৩০ জনৰো অধিক থলুৱা আৰু দক্ষ শ্ৰমিক ই-ৰিক্সাৰ নিৰ্মাণ কাৰ্যত জড়িত হৈ আছে । ফেব্ৰুৱাৰী মাহৰ পৰা মাহেকত ১,২০০ ইউনিট উৎপাদন তথা নিৰ্মাণৰ লক্ষ্য নিৰ্ধাৰণ কৰা হৈছে।

আজিৰে পৰা অনুষ্ঠিত হ’ব ৰাষ্ট্ৰীয় কৃষি আৰু উদ্যোগ শস্যৰ প্ৰদৰ্শনী মেলা

আজিৰে পৰা বোকাখাতৰ ৰাজহুৱা খেলপথাৰত আৰম্ভ হ’ব ৰাষ্ট্ৰীয় কৃষি আৰু উদ্যান শস্যৰ প্ৰদৰ্শনী মেলা।অসম চৰকাৰৰ কৃষি,পশু পালন আৰু উদ্যান শস্য বিভাগৰ দ্বাৰা আয়োজিত এই মেলা খন আনুষ্ঠানিক ভাৱে উদ্বোধন কৰিব মুখ্যমন্ত্ৰী সৰ্বানন্দ সোনোৱালে।

তিনিদিনীয়া কাৰ্যসূচীৰে অনুষ্ঠিত হ’ব লগীয়া এই মেলাখনত আলোচনা চক্ৰ কৰ্মশালা আৰু প্ৰশিক্ষণৰ কাৰ্যসূচীও অনুষ্ঠিত হ’ব। জানিব পৰা মতে ১০ খন ৰাষ্ট্ৰ হাইকমিচনাৰে এই মেখখনত ভাৰ্চুৱেল যোগে অংশগ্ৰহণ কৰিব। ইয়াৰ উপৰিও ৰাজ্যৰ বিভিন্ন উদ্যমী লগতে চুবুৰীয়া ৰাষ্ট্ৰ ভিয়েটনাম মালয়েচিয়া বিভিন্ন দেশৰ প্ৰতিনিধিও অংশগ্ৰহণ কৰিব । উল্লেখযোগ্য যে ৰাজ্যৰ উদ্যমী সকলক উৎসাহ যোগোৱা উদ্দেশ্যে আৰু এই মেলাখন অনুষ্ঠিত কৰা হৈছে বুলি জানিব পৰা গৈছে।

অনুষ্ঠানত কেন্দ্ৰীয় কৃষিমন্ত্ৰী গৰাকীও অনলাইনযোগে কাৰ্যসূচীত অংশগ্ৰহণ কৰাৰ কথা । প্ৰায় ৫ কোটি টকাৰ বাজেটেৰে আয়োজিত ৰাষ্ট্ৰীয় পৰ্যায়ৰ এই প্ৰদৰ্শনীৰ দ্বিতীয় দিনাৰ কাৰ্যসূচীত মন্ত্ৰী হিমন্ত বিশ্ব শৰ্মাই অংশ গ্ৰহণ কৰিব বুলি সংবাদ মেলত মন্ত্ৰী অতুল বৰাই জনায় ।

অসমৰ ক্ৰীড়া প্ৰেমীলৈ সুনাম কঢ়িয়াই আনিলে ৰিংকু, বিকাশ, হিৰকজ্যোতিয়ে..

উত্তৰ প্ৰদেশৰ গাজিয়াবাদত যোৱা ১৬আৰু ১৭ জানুৱাৰীত অনুষ্ঠিত হোৱা অখিল ভাৰতীয় ৰাষ্টীয় টাইকোৱাণ্ড কাপ ২০২১ ত মহানগৰীৰ ধাৰাপুৰ টাইকোৱাণ্ড একাডেমীৰ হৈ সাত জন টাইকোৱাণ্ড খেলুৱৈয়ে অংশগ্ৰহণ কৰি বিজয়ী হৈ ধাৰাপুৰৰ লগতে অসমৰ নাম জিলিকাবলৈ সক্ষম হয় । উল্লেখ্য যে ধাৰাপুৰ টাইকোৱাণ্ড একাডেমীৰ হৈ ৰিংকু কৰোৱাই সোণৰ মেডেল,বিকাশ কলিতা, হিৰকজ্যোতি দাসে ৰূপৰ মেডেল, পৰশমণি কলিতাই ৰূপৰ মেডেল, গৌতম দাসে ৰূপৰ মেডেল, প্ৰিয়ম কলিতাই ব্ৰঞ্জৰ মেডেল আৰু গোকুল দাসে ব্ৰঞ্জৰ মেডেল লাভ কৰিবলৈ সক্ষম হয় । এই সকল খেলুৱৈ সুনাম অৰ্জন কৰি উত্তৰ প্ৰদেশৰ গাজিয়াবাদৰ পৰা উভতি অহাৰ পিছত ধাৰাপুৰত স্কুল খেল পথাৰত আজি ধাৰাপুৰ টাইকোৱাণ্ড একাডেমীৰ প্ৰশিক্ষক সঞ্জয় দাস, মুকুট বৈশ্য আৰু ধাৰাপুৰ মৌজাই বিপুল আদৰণী জনায়।

কাইলৈ পৰা অনুষ্ঠিত হ’ব জোনবিল মেলা

৪০০ বছৰীয়া পৰম্পৰা অক্ষুণ্ণ ৰাখি কাইলৈ পৰা অনুষ্ঠিত হ’ব জোনবিল মেলা।উল্লেখযোগ্য যে এই মেলাত বিনিময়ত প্ৰথাৰে সা-সামগ্ৰী ক্ৰয় হয়।ইতিমধ্যে জোনবিল মেলা উদযাপনৰ বাবে প্ৰস্তুতি অব্যাহত আছে।মেলা পৰিচালনা সমিতিয়ে পূৰ্বতকে পৰিসৰ বঢ়াই নতুনকৈ ঠাই মুকলি কৰিছে যাতে বহু মানুহৰ সমাগম হ’লেও কোনো ভিৰ পৰিলক্ষিত নহয়।আনহাতে মাস্ক পৰিধান কৰাটো অনুৰোধ জনাইছে।ইতিমধ্যে পৰিচালনা সমিতি সদস্য আৰু স্বেচ্ছাসেৱকসকলৰ ক’ভিড পৰীক্ষা কৰা হৈছে।

শেষৰ দিনৰ কুকুৰা যুঁজৰ লগতে মাছ ধৰা পৰ্ব অনুষ্ঠিত হ’ব ।উল্লেখযোগ্য যে সেইদিনা মুখ্যমন্ত্ৰী সৰ্বানন্দ সোনোৱাল উপস্থিত থাকি ১৮ গৰাকীকৈ ৰজাক ১ লাখ টকাকৈ ৰাজভাট্ৰা প্ৰদান কৰিব।

নিৰ্বাচনী আয়ুক্তই সংবাদ মেল যোগে কি ক’লে

মুখ্য নিৰ্বাচনী আয়ুক্ত সুনীল অৰোৰাই আজি মহানগৰী হোটেল ৰেডিচন ব্লুত এখন সংবাদমেল আয়োজন কৰে।তিনিদিনীয়া ভ্ৰমণসূচী লৈ অসমলৈ অহা নিৰ্বাচনী আয়োগৰ দলটোৱে উচ্চ পৰ্যায়ৰ বিষয়া লগতো আলোচনাত মিলিত হৈছিল।সংবাদমেল যোগে মুখ্য নিৰ্বাচনী আয়ুক্তই নিৰ্বাচনী সম্পৰ্কে কেতবোৰ নীতি নিৰ্দেশনা বিষয়ে অৱগত কৰায়।ইয়াৰ ভিতৰত ক’ভিডৰ প্ৰট’কল অনুসৰি ভোট কেন্দ্ৰ বৃদ্ধি কৰা আৰু নতুনকৈ এহেজাৰ ভোট কেন্দ্ৰ স্থাপন কৰা অন্যতম।

উল্লেখযোগ্য যে নিৰ্বাচন যাতে স্বচ্ছ আৰু নিকা পদ্ধতিৰে অনুষ্ঠিত হয় তাৰ প্ৰয়োজনীয় পদক্ষেপ গ্ৰহণ কৰিছে বুলি মুখ্য নিৰ্বাচনী আয়ুক্ত গৰাকীয়ে অৱগত কৰায়।কোনো প্ৰাৰ্থীয়ে অনলাইন পদ্ধতিৰে মনোনয়ন পত্ৰ সংগ্ৰহ কৰিব পাৰিব।নিৰ্বাচনী প্ৰচাৰত প্ৰাৰ্থীসহ ৫ জন লোকে ঘৰে ঘৰে নিৰ্বাচনী প্ৰচাৰ কৰিব পাৰিব।আনহাতে ৰোড শ্ব’ৰ কৰাত কোনো বাধা নাথাকিব। ৰাজ্যৰ আইন শৃংখলা পৰিস্থিতি যাতে সুস্থিৰ হৈ থাকে তাৰ বাবে চ’চিয়েল মেডিয়া ওপৰতো কঠোৰ নিৰীক্ষণ কৰা হ’ব।

উল্লেখযোগ্য যে বিহু পূৰ্বে নিৰ্বাচন অনুষ্ঠিত কৰিব বুলি মুখ্য নিৰ্বাচনী আয়ুক্ত গৰাকীয়ে জানিব দিয়ে।আনহাতে NRC ত নাম নাথাকিলেও ভোট দান কৰা সুবিধা পাব যদিহে তেওঁ ভোটৰ তালিকাত নাম থাকে।আজিৰ সংবাদমেলত উপস্থিত থাকে নিৰ্বাচন আয়ুক্ত সুচিল চন্দ্ৰা আৰু ৰাজীৱ কুমাৰ।

পেণ্ডেলৰ ব্যৱসায়ে স্বাৱলম্বী হোৱা এজন যুৱকৰ কথাৰে

বন্ধন বেংকৰ ঋণ লৈ ডিজিটেল পেণ্ডেলৰ ব্যৱসায় কৰি স্বাৱলম্বী হ’ল বিহালীৰ নিবনুৱা যুৱক নিৰ্মল গোৱালা।বিশ্বনাথ জিলাৰ বালিপুখুৰী এজন শিক্ষিত যুৱকে চৰকাৰী চাকৰি মোহ ত্যাগ কৰি ডিজিটেল পেণ্ডেলৰ ব্যৱসায় আৰম্ভ কৰি স্বাৱলম্বী হৈ পৰিছে।

প্ৰথম পৰ্যায়ত তেখেতে খেতি পথাৰ কৰি সৰুকৈ এখন গেলামালৰ দোকান আৰম্ভ কৰিছিল।বৰ্তমান সময়ত ডিজিটেল প্ৰাধান্য সকলোতে আছে।সেয়েহে তেওঁ সময়ৰ লগত খোজ মিলাই নতুনকৈ আৰম্ভ কৰিছে ডিজিটেল পেণ্ডেল।

এই ডিজিটেল পেণ্ডেল বিশ্বনাথত আৰম্ভ কৰা প্ৰথমজন ব্যক্তি হৈছে গোৱালা।মাত্ৰ দুহেজাৰ টকাৰে আৰম্ভ কৰি আজি তাৰিখত প্ৰায় পাঁচ লাখ টকা ব্যৱসায় কৰিবলৈ সক্ষম হোৱা লগতে বিশ জন লোকক সংস্থাপন দিবলৈ সক্ষম হৈছে ব্যক্তি গৰাকীয়ে।