বোধিদ্ৰুম উন্মোচন

আজি গুৱাহাটী প্ৰেছ ক্লাৱত হৰেন গগৈৰ দ্বিতীয়খন গ্ৰন্থ বোধিদ্ৰুম উন্মোচিত হয়।গ্ৰন্থখন উন্মোচন কৰে বিশিষ্ট শিক্ষাবিদ,আবৃত্তিকাৰ তথা বৰ্তমান ডাউন টাউন বিশ্ববিদ্যালয়ৰ উপাচাৰ্য ড০ অমৰজ্যোতি চৌধুৰীয়ে।

বনফুল প্ৰকাশনৰ হৈ বিনু দেউৰী বৰুৱাই প্ৰকাশ কৰা জীৱনীমূলক গ্ৰন্থখনত অসমীয়া ভাষা, সাহিত্য,কলা সংস্কৃতিৰ জগতখনলৈ আগবঢ়োৱা ১৯ গৰাকী বিশিষ্ট ব্যক্তিৰ চমু জীৱনকৃৰ্তি প্ৰকাশ পাইছে।উন্মোচনী ভাষণত ড০ অমৰজ্যোতি চৌধুৰীয়ে হৰেন গগৈৰ কৰ্মস্পৃহা তথা লেখাৰ প্ৰতি থকা আগ্ৰহৰ কথা উল্লেখ কৰি জীৱনী সাহিত্যলৈ তেখেতে আগবঢ়োৱা অৱদানৰ বিষয়ে প্ৰশংসাসূচক মন্তব্য কৰে।গ্ৰন্থ উন্মোচনী সভাত উপস্থিত থাকে বিশিষ্ট শিক্ষাবিদ বাণীকান্ত শৰ্মা,কৃষ্ণকান্ত সন্দিকৈ মুক্ত বিশ্ববিদ্যালয়ৰ ডীন ড০ অৰূপজ্যোতি চৌধুৰী,চলচ্চিত্র প্ৰযোজক পৰাণ বৰবৰা,অসম সাহিত্য সভাৰ সদ্য বিদায়ী সভাপতি ড০ পৰমানন্দ ৰাজবংশী,ডাঃ ফণীন্দ্ৰ মোহন ডেকা,শিশু সাহিত্যিক এলিজা শৰ্মা,ড০ নৰেন বৰ্মন,কবি বিপুল শৰ্মা,অনুপজ্যোতি চৌধুৰী,বনফুল প্ৰকাশনৰ উপদেষ্টা তথা সাহিত্য একাডেমীৰ অনুবাদ সাহিত্য বঁটা প্ৰাপক বিপুল দেউৰী।উল্লেখ্য যে হৰেন গগৈৰ প্ৰথমখন সাক্ষাৎকাৰভিত্তিক গ্ৰন্থ সোণালী সান্নিধ্যয়ে পাঠক সমাজত বিপুল সঁহাৰি লাভ কৰিছিল।সদ্য প্ৰকাশিত বোধিদ্ৰুম গ্ৰন্থখনেও নৱ প্ৰজন্মৰ ছাত্র ছাত্রীৰ লগতে ৰুচিবান পঢ়ুৱৈৰ বাবে এখন দৰকাৰী গ্ৰন্থৰূপে বিবেচিত হ’ব বুলি সন্মানীয় ব্যক্তিসকলে মত প্ৰকাশ কৰে।

খবৰ যুগুতালে দৰ্শনা বৰুৱাই..

Share on whatsapp
WhatsApp
Share on facebook
Facebook
Share on twitter
Twitter
Share on email
Email

মন কি বাত অনুষ্ঠানৰ জৰিয়তে দেশবাসীক বিজয়া দশমীৰ শুভেচ্ছা জনালে প্ৰধানমন্ত্ৰীয়ে

মন কি বাত অনুষ্ঠানৰ জৰিয়তে দেশবাসীক বিজয়া দশমী তথা দশেৰাৰ শুভেচ্ছা জনালে প্ৰধানমন্ত্ৰী নৰেন্দ্ৰ মোডীয়ে । অনুষ্ঠানৰ জৰিয়তে প্ৰথমতে প্ৰধান গৰাকীয়ে দেশবাসীক বিজয়া দশমীৰ শুভেচ্ছা জ্ঞাপন কৰে।

 

 

 

লগতে মন কি বাত অনুষ্ঠানৰ জৰিয়তে আহি থকা দিনবোৰতো আৰু অধিক সতৰ্ক হৈ থকাৰ পৰামৰ্শ দিয়ে মোডীয়ে।আনহাতে উৎসৱৰ আনন্দৰ মাজত যাতে দেশৰ জনতাই  দেশৰ বীৰ সন্তান সকলৰ কথা পাহৰি নাযায় সেই কথাও ব্যক্ত কৰে।সীমান্তত দায়িত্ব থকা জোৱানসকলৰ বাবে নিজৰ ঘৰত মাটি চাকি জ্বলোৱা আহ্বান জনায় প্ৰধানমন্ত্ৰী নৰেন্দ্ৰ মোডীয়ে।

এগৰাকী চিকিৎসকে শিশুৰ বাবে এখন উদ্যান আগবঢালে

পূজা বতৰত শিশু সকললৈ পূজা উপহাৰ আগবঢ়ালে এগৰাকী চিকিৎসকে ।তিনিচুকীয়া জিলা ডিগবৈ ৰশ্মিতা উপাধ্যায় নামৰ চিকিৎসক গৰাকীয়ে সপ্তমী দিনা এখন শিশু উদ্যান আগবঢালে।

 

চিকিৎসক গৰাকীয়ে ডিগবৈ বালিজান প্ৰাথমিক বিদ্যালয়ৰ প্ৰাঙ্গনত পিতৃ মাতৃ সোঁৱৰণত এখনি শিশু উদ্যান স্থাপন কৰে। এই শিশু উদ্যান খন শুভ উদ্বোধন কৰে অসম চিকিৎসা মহাবিদ্যালয় অৱসৰপ্ৰাপ্ত অধ্যক্ষ ড° নাৰায়ণ উপাধ্যায় । উল্লেখযোগ্য যে চিকিৎসক গৰাকী এনে মহানুভৱতাক অঞ্চলবাসীয়ে শলাগ লয়।

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।

পূজা মণ্ডপত মাস্ক বিতৰণ কৰিলে অভিনেত্ৰী আইমী বৰুৱাই

প্ৰতিকূল বতৰৰ মাজতে উদযাপন হৈছে দেৱী দূর্গাৰ পূজা।কিনকিনীয়া বৰষুণে পূজাৰ পৰিৱেশ অধিক সেমেকা কৰি তুলিছে।

 

ক’ৰণা পৰিস্থিতিৰ  আৰু বৰষুণৰ বাবে এইবাৰৰ পূজা মণ্ডপসমূহত নাই ভক্তৰ ভিৰ। চৰকাৰী নীতি নিয়ম পালন কৰি ৰাইজ ঠাইয়ে ঠাইয়ে পূজা মণ্ডপত ভিৰ কৰা পৰিলক্ষিত হৈছে।

আনহাতে শনিবাৰে জাগীৰোডৰ বিভিন্ন পূজা মণ্ডপত দেখা গ’ল জনপ্ৰিয় অভিনেত্ৰী আইমী বৰুৱাক।প্ৰতিবাৰৰ দৰে এইবাৰো অভিনেত্ৰী গৰাকীয়ে জাগীৰোড সমষ্টিৰ বিভিন্ন পূজা মণ্ডপ পৰিদৰ্শন কৰি দেৱীৰ আশীষ লোৱা পৰিলক্ষিত হয়।এইবাৰ অভিনেত্ৰীগৰাকীয়ে জাগীৰোড বিভিন্ন পূজা মণ্ডপত ৩০ হাজাৰ মাস্ক বিতৰণ কৰে।