মেঘালয়ৰ মুখ্যমন্ত্ৰী কনৰাড চাংমাইয়ে কালি ৰাজ্যৰ এখন নতুন জিলা ঘোষণা কৰিছে। পৌৰাণিক যুগৰ দানৱ বংশৰ ৰজা মহিৰংগ দানৱৰ নামেৰে থকা মইৰাংগক ৰাজ্যখনৰ দ্বাদশ জিলা হিচাপে ঘোষণা কৰিছে ।জানিব পৰা মতে ১৫ আগষ্টৰ আগতে কাৰ্যকৰী কৰা হ’ব।সাংবাদিকৰ সৈতে হোৱা বাৰ্তালাপত মুখ্যমন্ত্ৰী কনৰাড চাংমাই কয়, মইৰাংগ মেঘালয়ৰ নতুন জিলা হ’ব । ক’ভিড-১৯ৰ বাবে পৰিস্থিতি অলপ লেহেমীয়া হৈছে যদিও মইৰাঙৰ লোকসকলক ইয়াৰ বিষয়ে জনোৱাটো আমাৰ কৰ্তব্য। আমি স্বাধীনতা দিৱসৰ পূৰ্বে মেঘালয়ৰ এইখন জিলাক কাৰ্যকৰী কৰি তুলিম।তেওঁ লগতে কয় ভৌগোলিক মেপিং সম্পৰ্কীয় বিষয়বোৰৰ বাবে এই সন্দৰ্ভত এতিয়াও এক মতত উপনীত হোৱা নাই। এই সকলোবোৰ বিষয়ে আলোচনা কৰা হৈছে আৰু চৰকাৰে ইয়াক লৈ কেনেদৰে আগবাঢ়িব তাৰ ওপৰত পৰ্যবেক্ষণ কৰিব।
আৰ্যভট্ট বিজ্ঞান কেন্দ্ৰ ৰাণী ব্লকৰ উদ্যোগত ধাৰাপুৰ উচ্চ মাধ্যমিক বিদ্যালয়ত বিজ্ঞান ভিত্তিক প্ৰতিযোগীতা
admin January 21, 2022 7:12 PM
ধাৰাপুৰ উচ্চ মাধ্যমিক বিদ্যালয়ত আজি বিজ্ঞান ভিত্তিক এখনি প্ৰতিযোগিতা অনুষ্ঠিত হয় । ধাৰাপুৰ উচ্চতৰ মাধ্যমিক আৰু পলাশবাৰী আঞ্চলিক হাইস্কুলৰ ছাত্ৰ- ছাত্ৰী সকলে বিজ্ঞানৰ আৰ্হি, আকস্মিক বক্তৃতা আৰু পষ্টাৰ লিখাৰ প্ৰতিযোগিতাত অংশ গ্ৰহন কৰে । প্ৰতিযোগিতাৰ অন্তত ধাৰাপুৰ উচ্চ মাধ্যমিক বিদ্যালয়ৰ পৰিচালনা সমিতিৰ সভাপতি তৰুন চন্দ্ৰ দাসৰ সভাপতিত্বত বটাঁ বিতৰণি সভা অনুষ্ঠিত হয় । ধাৰাপুৰ উচ্চতৰ মাধ্যমিক বিদ্যালয়ৰ অধ্যক্ষ উৎপল শৰ্মা, পশ্চিম গুৱাহাটী মহাবিদ্যালয়ৰ প্ৰৱক্তা ড°হেমন্ত কলিতা, পলাশবাৰী আঞ্চলিক হাইস্কুলৰ শিক্ষক দীনেশ শৰ্মা, খগেন মেধি, মৰমী শৰ্মা আদিয়ে প্ৰতিযোগীতা সন্দৰ্ভত বক্তব্য আগবঢ়ায় । বিজয়ী প্ৰতিযোগী সকলোৰ মাজত বঁটা আৰু মানপত্ৰ বিতৰন কৰে ।
ভিউৱাছৰ মতামত