অসম চৰকাৰৰ শিক্ষামন্ত্ৰী ডাঃ ৰনোজ পেগুৱে শনিবাৰে যোৰহাটস্থিত অসম মহিলা বিশ্ববিদ্যালয়ত উপস্থিত হৈ বিশ্ববিদ্যালয় খন পৰিদৰ্শন কৰি বিশ্ববিদ্যালয়ৰ কৰ্তৃপক্ষৰ লগত এখন সভাত মিলিত হয়। মন্ত্ৰীগৰাকীয়ে সভাত বিশ্ববিদ্যালয়খনৰ আন্তঃগাঁথনি, শৈক্ষিক দিশ আদিৰ বিষয়ে বুজ লয়। সভাত মন্ত্ৰীগৰাকীয়ে বিশ্ববিদ্যালয়খনৰ আন্তঃগাঁথনি উন্নয়নৰ বাবে প্ৰয়োজনীয় ধনৰাশি অহা জুলাই মাহত অনুষ্ঠিত হ’বলগীয়া বাজেট অধিবেশনত অন্তৰ্ভুক্ত কৰাৰ আশ্বাস দিয়ে। অসম চৰকাৰে শীঘ্ৰে নিযুক্তি কৰিবলগীয়া ১ লাখ চাকৰিৰ মাজত মহিলা বিশ্ববিদ্যালয়ৰ খালী হৈ থকা অধ্যাপক-অধ্যাপিকাৰ পদসমূহ পুৰণৰ নিযুক্তিৰ প্ৰক্ৰিয়াটোও অন্তৰ্ভুক্ত হ’ব বুলি কয়। লগতে বিশ্ববিদ্যালয়খনৰ ভূমিৰ সমস্যাটো অতি শীঘ্ৰেই সমাধান কৰিব বুলি মন্ত্ৰীগৰাকীয়ে ভাষণত উল্লেখ কৰে। সভাত বিশ্ববিদ্যালয়ৰ উপাচাৰ্য্য ড° অশোক ভট্টাচাৰ্য আৰু পঞ্জীয়ক তপন কুমাৰ গোহাঁইয়ে বিশ্ববিদ্যালয়খনৰ সমস্যা আৰু কাম-কাজ সন্দৰ্ভত মন্ত্ৰীগৰাকীক অৱগত কৰে। সভাত অসম মহিলা বিশ্ববিদ্যালয়ৰ অধ্যাপক-অধ্যাপিকা, বিষয়া-কৰ্মচাৰীৰ লগতে ভালেসংখ্যক লোক উপস্থিত থাকে।
প্ৰস্তুতি দেৱীৰ বাঁও চকু মোৰ লৰে দৃশ্য শ্ৰব্য মুকলি
সংগীত জগতত ভুমুকি মৰা নবাগতা কণ্ঠশিল্পী প্ৰস্তুতি দেৱীৰ কণ্ঠ আৰু কেশৱ নয়নৰ কথা-সুৰেৰে এটি সুমুধুৰ গীত ‘বাঁও চকু মোৰ লৰে’ আজি শুভমুক্তি হয়। ভোগালী বিহুৰ মাজতে অসমবাসীৰ মাজলৈ এই সুৰীয়া গীতটি কণ্ঠশিল্পীগৰাকীয়ে উপহাৰ দিয়ে। গীতটি আনুষ্ঠানিকভাৱে শুভমুক্তি দিয়ে বিশিষ্ট কণ্ঠশিল্পী, সংগীত পৰিচালক জে পি দাস আৰু মনীষা হাজৰিকাই। লগতে উপস্থিত থাকে চাজু আহমেদ, মানস হাজৰিকা আৰু সুনয়না। গীতটি মুকলি অনুষ্ঠানত বহুকেইগৰাকী বিশিষ্ট ব্যক্তি উপস্থিত থাকে।বেলতলাস্থিত হোটেল ৰয়েল দি কাছাত আয়োজিত এক গাম্ভীৰ্যপূৰ্ণ অনুষ্ঠানত আনুষ্ঠানিকভাৱে মুকলি কৰি কণ্ঠশিল্পী জে পি দাসে কয় যে, গীতটি অতিকে মনোমোহা হৈছে। গীতটিৰ কণ্ঠ হৃদয়স্পৰ্শী।অনাগত দিনটো প্ৰস্তুতি দেৱীয়ে এনে ধৰণৰ গীত অসমবাসী ৰাইজলৈ আগবঢ়াই যাব বুলি আশা কৰিছোঁ। তেওঁলৈ অশেষ শুভ কামনা থাকিল। অসমবাসীয়ে গীতটি আঁকোৱালি ল’ব বুলি আশা প্ৰকাশ কৰিলো।একেদৰে মনীষা হাজৰিকাই কয়, গীতটি সুৱলা হৈছে। গীতটিৰ কথা-সুৰ সুন্দৰ। গীতটি অসমবাসীয়ে আদৰি ল’ব। গীতটি সম্পৰ্কে কিছু বক্তব্য ৰাখে কণ্ঠশিল্পী প্ৰস্তুতি দেৱীয়ে।
ভিউৱাছৰ মতামত