২২ ডিচেম্বৰত এদিনীয়া কাৰ্যসূচীৰে নামনি অসমৰ এখন আগশাৰীৰ শিক্ষানুষ্ঠান জৱাহৰ নৱোদয় বিদ্যালয়ত ন পুৰণি ছাত্ৰ ছাত্ৰী সকলৰ সতীৰ্থ সন্মিলনখন অনুষ্ঠিত হৈ যায়। উক্ত অনুষ্ঠানটিৰ আৰম্ভণিতে বন্তি প্ৰজ্বলন কৰে জৱাহৰ নৱোদয় বিদ্যালয়ৰ সন্মানীয় অধ্যক্ষ বিপ্লৱ হাউলীয়ে। বন্তি প্ৰজ্বলন কাৰ্যসূচী সমাপ্ত হোৱাৰ লগে লগে ন পুৰণি ছাত্ৰ ছাত্ৰী সকলৰ মাজত এক মত বিনিময় অনুষ্ঠানো অনুষ্ঠিত হৈ হয় ।শিক্ষাগুৰুসকলৰ লগতে অভিভাৱকসকলে অংশগ্ৰহণ কৰা অনুষ্ঠানটিত কেবাগৰাকী প্ৰাক্তন ছাত্ৰই তেওঁলোকৰ বহুমূলীয়া বক্তব্যৰ যোগেদি বৰ্তমানৰ অধ্যয়নৰত ছাত্ৰ ছাত্ৰী সকলক নিজৰ নিজৰ অধ্যয়নত মনোনিবেশ কৰাৰ লগতে সমাজৰ প্ৰতিও দায়বদ্ব হ’বলৈ আহ্বান জনায়। উক্ত অনুষ্ঠানত অংশগ্ৰহণ কৰে জৱাহৰ নৱোদয় বিদ্যালয়ৰ নকৈ জন্ম গ্ৰহণ কৰা প্ৰাক্তন সন্মিলনী সংস্হাৰ সন্মানীয় সভাপতি তথা প্ৰাক্তন ছাত্ৰ মৃদুল কুমাৰ বৰ্মন, উপ সভাপতি তথা বিশিষ্ট চিকিৎসক ডাঃছলমান খান, শিক্ষক গগন দাস, সাধাৰণ সম্পাদক তথা চিকিৎসক শ্বামিম আহমেদ, সহকাৰী সম্পাদক তথা অধিবক্তা মোবাৰক হুছেইন, বিশিষ্ট চিকিৎসক ডাঃ আব্দুল বাতিন প্ৰমুখ্যে আন আন ছাত্ৰ-ছাত্ৰীয়ে। ১৯৯৫ চনত প্ৰতিষ্ঠা লাভ কৰা নামনি অসমৰ এক অগ্ৰণী শিক্ষানুষ্ঠান জৱাহৰ নৱোদয় বিদ্যালয়ে ২০২০ চনত ৰূপালী জয়ন্তী বৰ্ষত ভৰি দিব।সেয়ে সন্মিলনখনত আগন্তুক বৰ্ষত অনুষ্ঠিত হ’বলগীয়া ৰূপালী জয়ন্তীৰ বিষয়েও আলোচনা হয় আৰু প্ৰাক্তন ছাত্ৰ ছাত্ৰী সকলে সম্পূৰ্ণ ৰূপে সহায় সহযোগিতা কৰাৰ প্ৰতিশ্ৰুতি প্ৰদান কৰে। লগতে সকলোৰে উপস্থিতিত উক্ত সভাতেই প্ৰাক্তন ছাত্ৰ তথা সন্মিলনী সংস্হাৰ সহকাৰী সম্পাদক মোবাৰক হুছেইনৰ দ্বাৰা পৰিকল্পনা আৰু অংকন কৰা ছাত্ৰ সন্মিলনীৰ প্ৰতীক চিহ্নও উন্মোচন কৰা হয়। সভাৰ শেষত বিদ্যালয় কৰ্তৃপক্ষই সকলোৰে বাবে দুপৰীয়া আহাৰ গ্ৰহণৰো ব্যৱস্থা কৰে। পিছত ন পুৰণি ছাত্ৰ ছাত্ৰী আৰু শিক্ষকসকলৰ মাজত ক্ৰিকেট, ভলীবলকে আদি কৰি বিভিন্ন ধৰণৰ খেল ধেমালিও অনুষ্ঠিত হৈ যায়।সদৌ শেষত সকলোৱে মিলি জাতীয় সংগীত আৰু ৰাষ্ট্ৰীয় সংগীত পৰিবেশন কৰি অনুষ্ঠানটিৰ সফল পৰিসমাপ্তি ঘটায় বুলি প্ৰাক্তন ছাত্ৰ নাজিমুল হকে জানিবলৈ দিয়ে।
পেণ্ডেলৰ ব্যৱসায়ে স্বাৱলম্বী হোৱা এজন যুৱকৰ কথাৰে
admin January 19, 2021 10:14 PM
বন্ধন বেংকৰ ঋণ লৈ ডিজিটেল পেণ্ডেলৰ ব্যৱসায় কৰি স্বাৱলম্বী হ’ল বিহালীৰ নিবনুৱা যুৱক নিৰ্মল গোৱালা।বিশ্বনাথ জিলাৰ বালিপুখুৰী এজন শিক্ষিত যুৱকে চৰকাৰী চাকৰি মোহ ত্যাগ কৰি ডিজিটেল পেণ্ডেলৰ ব্যৱসায় আৰম্ভ কৰি স্বাৱলম্বী হৈ পৰিছে।
প্ৰথম পৰ্যায়ত তেখেতে খেতি পথাৰ কৰি সৰুকৈ এখন গেলামালৰ দোকান আৰম্ভ কৰিছিল।বৰ্তমান সময়ত ডিজিটেল প্ৰাধান্য সকলোতে আছে।সেয়েহে তেওঁ সময়ৰ লগত খোজ মিলাই নতুনকৈ আৰম্ভ কৰিছে ডিজিটেল পেণ্ডেল।
এই ডিজিটেল পেণ্ডেল বিশ্বনাথত আৰম্ভ কৰা প্ৰথমজন ব্যক্তি হৈছে গোৱালা।মাত্ৰ দুহেজাৰ টকাৰে আৰম্ভ কৰি আজি তাৰিখত প্ৰায় পাঁচ লাখ টকা ব্যৱসায় কৰিবলৈ সক্ষম হোৱা লগতে বিশ জন লোকক সংস্থাপন দিবলৈ সক্ষম হৈছে ব্যক্তি গৰাকীয়ে।
ভিউৱাছৰ মতামত