মুখাশিল্পৰ বাবে মাজুলী বিখ্যাত ।প্ৰতিবছৰে হাজাৰ হাজাৰ পৰ্যটকে সেয়েহে সত্ৰ সমূহত ভিৰ কৰা পৰিলক্ষিত হয় ।প্ৰসংগক্ৰমে উল্লেখযোগ্য যে যোৱা বছৰৰ তুলনাত চলিত বৰ্ষত মুখাশিল্প দৰ্শন কৰিবলৈ অহা পৰ্যটকৰ সংখ্যা বৃদ্ধি পাইছে।এক সমীক্ষাত প্ৰকাশ পোৱা তথ্য অনুসৰি চলিত বৰ্ষত মাজুলীৰ সত্ৰত ১৬হাজাৰো অধিক পৰ্যটকে মুখা শিল্পৰ প্ৰশিক্ষণ গ্ৰহণ কৰিছে।অলপতে ফ্ৰান্সৰ আথ্ৰৰ আৰু দিল্লীৰ লীলী নামৰ যুৱতী গৰাকীয়ে নতুন চামগুৰি সত্ৰত মুখা শিল্পৰ প্ৰশিক্ষণ সম্পন্ন কৰিছে।জানিব পৰা মতে তেওঁলোকে দিনত ২টা অতি মানৱ চৰিত্ৰৰ মুখা নিৰ্মাণ কৰিছে।স্মতব্য যে ইতিপূৰ্বেও সত্ৰখন ইজৰাইল, জাৰ্মানী, ফ্ৰান্স, অষ্ট্ৰেলিয়াৰ পৰা অহা পৰ্যটকে মুখাৰ প্ৰশিক্ষণ গ্ৰহণ কৰিছিল।বিদেশী পৰ্যটক সমূহক আকৰ্ষণৰ বাবে সত্ৰ সমাজে মুখা ভাওনাও প্ৰদৰ্শন কৰে বুলি জানিব পৰা গৈছে ।

পেণ্ডেলৰ ব্যৱসায়ে স্বাৱলম্বী হোৱা এজন যুৱকৰ কথাৰে
বন্ধন বেংকৰ ঋণ লৈ ডিজিটেল পেণ্ডেলৰ ব্যৱসায় কৰি স্বাৱলম্বী হ’ল বিহালীৰ নিবনুৱা যুৱক নিৰ্মল গোৱালা।বিশ্বনাথ জিলাৰ বালিপুখুৰী এজন শিক্ষিত যুৱকে চৰকাৰী চাকৰি মোহ ত্যাগ কৰি ডিজিটেল পেণ্ডেলৰ ব্যৱসায় আৰম্ভ কৰি স্বাৱলম্বী হৈ পৰিছে।
প্ৰথম পৰ্যায়ত তেখেতে খেতি পথাৰ কৰি সৰুকৈ এখন গেলামালৰ দোকান আৰম্ভ কৰিছিল।বৰ্তমান সময়ত ডিজিটেল প্ৰাধান্য সকলোতে আছে।সেয়েহে তেওঁ সময়ৰ লগত খোজ মিলাই নতুনকৈ আৰম্ভ কৰিছে ডিজিটেল পেণ্ডেল।
এই ডিজিটেল পেণ্ডেল বিশ্বনাথত আৰম্ভ কৰা প্ৰথমজন ব্যক্তি হৈছে গোৱালা।মাত্ৰ দুহেজাৰ টকাৰে আৰম্ভ কৰি আজি তাৰিখত প্ৰায় পাঁচ লাখ টকা ব্যৱসায় কৰিবলৈ সক্ষম হোৱা লগতে বিশ জন লোকক সংস্থাপন দিবলৈ সক্ষম হৈছে ব্যক্তি গৰাকীয়ে।
ভিউৱাছৰ মতামত