ৰাজ্য চৰকাৰে সঘনে পৰ্যালোচনা কৰি থাকিব বিটিআৰ আইন-শৃংখলাজনিত পৰিস্থিতি:মুখ্যমন্ত্ৰী

বড়োলেণ্ড স্বায়ত্বশাসিত অঞ্চল বিটিআৰ ৰ ১৬ টা বিভিন্ন বিভিন্ন সংগঠনৰ উমৈহতীয়া মঞ্চ সমন্বয়ৰক্ষী সমিতি সৈতে কালি মুখ্যমন্ত্ৰী সৰ্বানন্দ সোনোৱালে তেখেতৰ চৰকাৰী আবাসগৃহৰ সভাকক্ষত এক বৈঠক অনুষ্ঠিত হয়।বৈঠকত সমন্বয়ৰক্ষী সমিতিৰ তৰফৰ পৰা আগন্তক বিটিআৰ নিৰ্বাচন সুকলমে অনুষ্ঠিত কৰাৰ বাবে ৰাজ্য চৰকাৰে প্ৰয়োজনীয় পদক্ষেপ গ্ৰহণ কৰিবলৈ আহ্বান জনায়।এই নিৰ্বাচনত যাতে জনসাধাৰণে নিৰ্ভয়ে ভোটদান কৰিব পাৰে এই ক্ষেত্ৰত ৰাজ্য চৰকাৰৰ প্ৰয়োজনীয় ব্যৱস্থা গ্ৰহণ কৰিবলৈ সংগঠন কেইটা প্ৰতিনিধিসকলে মুখ্যমন্ত্ৰী আহ্বান জনায়।

 

 

বৈঠকত মুখ্যমন্ত্ৰীয়ে কয় যে স্বচ্ছ আৰু নিকা নিৰ্বাচন অনুষ্ঠিত কৰা আৰু জনসাধাৰণে যাতে মুক্ত মনে ভোটদান কৰিব পাৰে তাৰ বাবে চৰকাৰে পদক্ষেপ গ্ৰহণ কৰিব।মুখ্যমন্ত্ৰীয়ে কয় যে বিটিআৰ নিৰ্বাচন অনুষ্ঠিত কৰা মূল লক্ষ্য হৈছে এই এলেকাত বসবাস কৰা বড়ো জনগোষ্ঠীৰ লগত প্ৰতিটো জনগোষ্ঠীৰে আৰ্থ সামাজিক উন্নয়নৰ গতি ত্বৰাম্বিত কৰা। ঐক্যবদ্ধ ভাৱে বিভিন্ন জনগোষ্ঠীৰ সংগঠন সমূহে এখন মঞ্চৰ জৰিয়তে আলোচনালৈ অহা বাবে গণতন্ত্ৰলৈ এক শুভ লক্ষণ।মুখ্যমন্ত্ৰীয়ে কয় যে এই, নিৰ্বাচনৰ সময়ত প্ৰশাসন ৰাইজৰ স্বাৰ্থত তথা নিৰপেক্ষ ভাৱে কৰ্মত বৰ্তি হৈ থাকিব।তেওঁ লগতে কয় যে বিটিআৰৰ নিৰাপত্তা বিষয়টো সঘনে পৰ্যালোচনা কৰি থকা হ’ব ।

মুখ্যমন্ত্ৰীয়ে কয় হে বিটিআৰ চুক্তিৰ জৰিয়তে সমগ্র এলেকাটো উন্নয়ন সাধন কৰিব বিচৰা হৈছে। প্ৰধানমন্ত্ৰী নৰেন্দ্ৰ মোদীৰ সবকা সাথ সবকা বিকাশ,সবকা বিশ্বাস নীতিৰে বিটিআৰ এলেকাত বসবাস কৰা সকলো জনগোষ্ঠীৰ সম উন্নয়ন সুনিশ্চিত কৰাৰ বাবে আমি সকলোৱে মিলি প্ৰচেষ্টাৰে কাম কৰিব লাগিব। বিটিআৰ শক্তিশালী হ’লেহে অসম শক্তিশালী হ’ব বুলি উল্লেখ কৰি মুখ্যমন্ত্ৰীয়ে কয় যে জনসাধাৰণৰ আস্থা আৰু বিশ্বাসক লৈ ৰাজ্য চৰকাৰে কাম কৰি আহিছে আৰু ভৱিষ্যতেও কৰি যাব।বিভিন্ন সংগঠনে একেলগে অহাটো এক শুভবার্তা।এই বৰ্তাই আমাৰ মাজত থকা ঐক্যৰ ভেটি অধিক মজবুত কৰিব বুলি কয়।

কালি এই আলোচনাৰ সময়ত সাংসদ তপন গগৈ,অসম সংখ্যালঘু উন্নয়ন পৰিষদৰ অধ্যক্ষ মণিনুল আৱাল,দুলিয়াজান-নুমলীগড় পাইপলাইন লিমিটেডৰ অধ্যক্ষ ৰূপম গোস্বামী উপস্থিত থাকে। আনহাতে নিখিল বড়ো ছাত্ৰ সন্থাৰ সভাপতি প্ৰমুখ্যে বিটিআৰ গোর্খা সমাজ,সদৌ মদাহী কছাৰী ছাত্ৰ সন্থা,সদৌ অসম শৰণীয়া কছাৰী ছাত্ৰ সন্থা,সদৌ অসম বেংগলী যুৱ ছাত্ৰ ফেডাৰেচন,সদৌ অসম সংখ্যালঘু ছাত্ৰ সন্থা,সদৌ চাওতাল ছাত্ৰ সন্থা,সদৌ কৰুক ছাত্ৰ সন্থা,সদৌ ৰাভা ছাত্ৰ সন্থা,বিটিআৰ অনুসূচীত জাতিৰ ছাত্ৰ সন্থা,সদৌ বিটিআৰ অনুসূচীত জাতিৰ পৰিষদ,অসম উড়িয়া যুৱ ছাত্ৰ পৰিষদ,সদৌ বিটিআৰ নাথ যোগী ছাত্ৰ সন্থা, সদৌ বিটিআৰ সূত্ৰধৰ সন্মিলনী,সদৌ হাজং ছাত্ৰ সন্থা,আৰু সদৌ বৰ্মন মান্দাই ছাত্ৰ সন্থাৰ প্ৰতিনিধি সকলো উপস্থিত থাকে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

চুক্তিত স্বাক্ষৰিত হ’ল গুৱাহাটীৰ আই আই টি আৰু উত্তৰ পূব কৰ্কট চিকিৎসালয় আৰু গৱেষণা প্ৰতিষ্ঠান

গুৱাহাটী আই আই টি আৰু যোৰহাটস্থিত উত্তৰ পূব কৰ্কট চিকিৎসালয় আৰু গৱেষণা প্ৰতিষ্ঠানৰ মাজত যোৱা ১৩ জানুৱাৰীত এক চুক্তি স্বাক্ষৰ কৰা হয়।উল্লেখ্য যে ২০১৪ চনৰ পৰাই এই চুক্তিৰ প্ৰাৰম্ভিক কাম-কাজ আৰম্ভ হৈছিল।

উত্তৰ-পূৰ্বৰ কৰ্কট ৰোগৰ সম্ভাৱনা থকা জনসংখ্যা চিনাক্ত কৰাৰ বাবে গৱেষণা পদ্ধতি উন্নত কৰাৰ প্ৰচেষ্টাত ইণ্ডিয়ান ইনষ্টিটিউট অফ টেকন’লজী,গুৱাহাটী (আই আই টি জি )আৰু উত্তৰ পূব কৰ্কট চিকিৎসালয় আৰু গৱেষণা প্ৰতিষ্ঠানৰ মাজত এই চুক্তি সম্পন্ন হৈছে।

লক্ষণীয়ভাৱে দুয়োটা প্ৰতিষ্ঠানে কৰ্কট ৰোগ নিৰ্ণয়,চিকিৎসা আৰু পুনৰাবৃত্তিৰ বাবে উপন্যাস বায়োমাৰ্কাৰ চিনাক্ত কৰাৰ প্ৰচেষ্টাত নিয়োজিত হৈ আছে।ইয়াৰ উপৰিও তেওঁলোকে সমগ্র পূৰ্বৰ কৰ্কট ৰোগীসকলক সহায় কৰাৰ বাবে চিকিৎসা পদ্ধতি বিকশিত কৰাত ব্যস্ত আছে।

এন আৰ এলক সৰ্বোত্তম পৰিচালিত কোম্পানী২০২০ বঁটাৰে পুৰস্কৃত

নুমলীগড় ৰিফাইনেৰী লিমিটেডক অগ্ৰণী ৰাষ্ট্ৰীয় পেছাদাৰী সংস্থা দ্য ইনষ্টিটিউট অব কোম্পানী চেক্ৰেটাৰীজ অব ইণ্ডিয়াৰ দ্বাৰা কৰ্পোৰেট পৰিচালনাত উৎকৃষ্টতাৰ বাবে সৰ্বোত্তম পৰিচালিত কোম্পানী আনলিষ্টেড লাৰ্জ হিচাপে ৰাষ্ট্ৰীয় বঁটাৰে বিভূষিত কৰিছে।প্ৰতিষ্ঠানটিয়ে এনআৰএলৰ কোম্পানী সচিব শ্ৰী এইচ কে শৰ্মাক বৰ্ষটোৰ গৱৰ্ণেন্স প্ৰফেছনেল হিচাপেও পুৰষ্কৃত কৰিছে।
এখন প্ৰশস্তি পত্ৰ আৰু ট্ৰফী সন্নিবিষ্ট এই বঁটাটো এনআৰএলৰ পৰিচালন সঞ্চালক এছ কে বৰুৱাক অধ্যক্ষ আশিষ গাৰ্গে দ্বাৰা যোৱা ১৩ জানুৱাৰীত নতুন দিল্লীত প্ৰদান কৰা হয়।পুৰস্কাৰ সমাৰোহত ভাৰ্চুৱেল মাধ্যমেৰে যোগদান কৰে ভাৰত চৰকাৰৰ মাননীয় কেন্দ্ৰীয় ৰেল,বাণিজ্য আৰু উদ্যোগ,উপভোক্তা পৰিক্ৰমা,খাদ্য আৰু ৰাজহুৱা বিতৰণ মন্ত্ৰী শ্ৰী পীয়ূশ গোৱেল ,আদিত্য বিৰলা গ্রুপৰ অধ্যক্ষ কুমাৰ মঙ্গলম বিৰলা আৰু আইচিএছআইৰ সদস্য সকলে।কৰ্পোৰেট গৱৰ্ণেন্সত এই আইচিএছআই ৰাষ্ট্ৰীয় বঁটাটিয়ে কৰ্পোৰেট গৱৰ্ণেন্সত প্ৰচলিত সৰ্বোত্তম প্ৰথাক স্বীকৃতি প্ৰদান কৰে আৰু কৰ্পোৰেট খণ্ডত ভাল গৱৰ্ণেন্স আৰু সামাজিক দায়বদ্ধতাৰ সংস্কৃতিৰ উৎকৰ্ষ সাধন কৰে।

১৭জানুৱাৰীৰ পৰা কলাক্ষেত্ৰত অনুষ্ঠিত হ’ব ৰূপকোঁৱৰ নাট্য উৎসৱ

অসমীয়া সংস্কৃতিৰ প্ৰাণকেন্দ্ৰ শ্ৰীমন্ত শংকৰদেৱ কলাক্ষেত্ৰই এই বছৰৰ পৰা আয়োজন কৰিবলৈ প্ৰয়াস কৰিছে নাট্য চৰ্চাৰ এক বিশেষ অনুষ্ঠান ৰূপকোঁৱৰ নাট্য উৎসৱ।অসমৰ সাহিত্য আৰু সংস্কৃতিৰ ৰূপকাৰ জ্যোতিপ্ৰসাদ আগৰৱালা দেৱৰ পবিত্ৰ স্মৃতিত নিবেদন কৰা হ’ব চৌখিন নাট্য সম্ভাৰ।

প্ৰথমবাৰৰ বাবে অহা ১৭ জানুৱাৰী পৰা ১৯ জানুৱাৰীলৈ শ্ৰীমন্ত শংকৰদেৱ কলাক্ষেত্ৰৰ শ্ৰীশ্ৰী মাধৱদেৱ আন্তৰ্জাতিক প্ৰেক্ষাগৃহত তিনিদিনীয়া কাৰ্যসূচীৰে ৰূপকোঁৱৰ নাট্য উৎসৱ আৰম্ভ হব।১৭ জানুৱাৰী শিল্পী দিৱসৰ দিনা শুভাৰম্ভ হ’বলগীয়া নাট্য উৎসৱৰ প্ৰথম নাট্য নিবেদন জ্যোতিপ্ৰসাদ আগৰৱালাৰ কালজয়ী নাটক কাৰেঙৰ লিগিৰী। বিশিষ্ট অভিনেতা পৰিচালক প্ৰাঞ্জল শইকীয়াৰ পৰিচালনাত নাটখনি প্ৰয়োজনা কৰিছে যোৰহাটৰ কৃষ্টিৰ পথাৰ নাট্য গোষ্ঠীয়ে।

১৮ জানুৱাৰী দিনা নাটক কবিগুৰু ৰবীন্দ্ৰনাথ ঠাকুৰৰ মূল কাহিনী শ্ৰীপত্ৰৰ আধাৰত ইতি মৃণালিনী।ৰাষ্ট্ৰীয় নাট্য বিদ্যালয়ৰ স্নাতক অসমৰ গৌৰৱ ৰবিজিতা গগৈৰ অভিযোজনা, পৰিকল্পনা আৰু পৰিচালনাৰে জিৰচং থিৰেটাৰে এই মননশীল নাটখন উপস্থাপন কৰিব। তৃতীয় দিনা ১৯ জানুৱাৰী সন্ধ্যাৰ নাট্য প্ৰযোজনা ৰাষ্ট্ৰীয় খ্যাতি সম্পন্ন নাট্যগোষ্ঠী পূৰ্বৰংগ’ৰ ঘটোৎকচ পুত্ৰ মোৰ। নাট্যকাৰ মৃণ্ময় ভূঞাৰ অভিনৱ নাট্য ৰচনাৰে পৰিকল্পনা পৰিচালনা আৰু সংগীত বিশিষ্ট অভিনেতা নাট পৰিচালক গুণাকৰ দেৱ গোস্বামীৰ।

শ্ৰীমন্ত শংকৰদেৱ কলাক্ষেত্ৰ শ্ৰীশ্ৰী মাধৱদেৱ আন্তৰ্জাতিক প্ৰেক্ষাগৃহত প্ৰতিদিনে সন্ধিয়া ৬-৩০ বজাত আৰম্ভ হ’ব লগীয়া এই নাট্যনুষ্ঠান পূৰ্বে প্ৰেক্ষাগৃহ প্ৰাংগনত সন্ধিয়া ৫-৩০ বজাত অনুষ্ঠিত হ’ব পূৰ্বৰংগ অনুষ্ঠান।এই অনুষ্ঠানত প্ৰথমদিনা কামৰূপী ঢুলীয়া চাৰকাছ,দ্বিতীয় দিনা পুতলা নাট্য আৰু তৃতীয় মুকাভিনয়ৰ এক বিশেষ কাৰ্যসূচী ব্যৱস্থা কৰা হৈছে।নাট্য উৎসৱৰ আটাইকেইদিনৰ নাট্য সন্ধিয়াত সমূহ নাট্যপ্ৰেমী ৰাইজৰ উপস্থিতি কলাক্ষেত্ৰ সমাজে কামনা কৰিছে।

কৃষি বিজ্ঞান কেন্দ্ৰত দুদিনীয়া ভোগালী মেলাৰ সামৰণি

বি জে পিৰ গুৱাহাটী মহানগৰ জিলা মহিলা মৰ্চাৰ উদ্যোগত ৰাণীমণ্ডল মহিলা মৰ্চা আৰু আজাৰা কাহিকুছিস্থিত কৃষি বিজ্ঞান কেন্দ্র কামৰূপৰ সহযোগত কেন্দ্ৰ চৌহদত ১১ আৰু ১২জানুৱাৰীত দুদিনীয়াকৈ ভোগালী মেলা অনুষ্ঠিত হয় । মেলাত বিভিন্ন প্ৰান্তৰ ১২ টা মহিলা আত্মসহায়ক গোটে ভাগ লৈ তেওঁলোকে প্রস্তুত কৰা সা-সামগ্ৰী সমূহ প্ৰদৰ্শন আৰু বিক্ৰীৰ ব্যৱস্থা কৰে।১১ জানুৱাৰীত ভোগালী মেলাৰ শুভ উদ্ধোধন কৰে গুৱাহাটীৰ সাংসদ কুইন ওজাই। এই উপলক্ষে বি জে পি ৰ ৰাণী মণ্ডলৰ সভাপতি হৰকান্ত নাথে আঁত ধৰা অনুষ্ঠানত সাংসদ কুইন ওজাই এনে ধৰণৰ মেলা অনুষ্ঠিত কৰি মহিলা আত্মসহায়ক গোট সমূহক লাড়ু,পিঠা, সান্দহ ,চিৰাকে ধৰি ভোগালী বিহু উপলক্ষে তেওঁলোকৰ উৎপাদিত সামগ্ৰী সমূহ বিক্ৰী আৰু প্ৰদৰ্শনৰ সুবিধা কৰি দিয়া বাবে উদ্যোক্তাত সকলৰ শলাগ লয় । অনুষ্ঠানত কৃষি বিজ্ঞান কেন্দ্র,কামৰূপৰ মুৰব্বী ডঃ ধীৰেন্দ্ৰনাথ কলিতা, বি জে পিৰ ৰাজ্যিক কাৰ্য্যনিৰ্বাহক সদস্যদ্বয় ক প্রশান্ত মহন্ত আৰু অশোক কুমাৰ ভঁৰালী , গুৱাহাটী জিলা কমিটিৰ সম্পাদক বলেশ্বৰ ৰংপী,ৰামচাৰাণী জিলা পৰিষদৰ সদস্যা আৰু ৰাণী মণ্ডল মহিলা মৰ্চাৰ সভানেত্রী শিখা নাথ চৌধুৰী , প্ৰাক্তন সভানেত্ৰী গিৰিজা মেধীকে ধৰি কেবাজনো কৰ্মকর্তা , কৃষি বিজ্ঞান কেন্দ্ৰৰ বিজ্ঞানী মধুস্মিতা ডেকাকে ধৰি কেবাজনো বিষয় ববীয়া আৰু আত্মসহায়ক গোট সমূহৰ কৰ্মকর্তা সকল উপস্থিত থাকে ।

ভাৰতীয় সেনা দিৱসৰ প্ৰসংগৰে

আজি ভাৰতীয় সেনাৰ বাবে বিশেষ দিন।কিয়নো প্ৰতিবছৰে ১৫ জানুৱাৰী দিনটো ভাৰতীয় সেনা দিৱস হিচাপে উদযাপন হৈ আহিছে।এই বিশেষ দিনটোত ভাৰতীয় সেনা,ত্যাগ আৰু সাহসক স্মৰণ কৰা হয়। ভাৰতীয় সেনা দিৱস উপলক্ষে দেশৰ প্ৰধানমন্ত্ৰী নৰেন্দ্ৰ মোদীয়ে সেনাৰ বীৰত্বক স্মৰণ কৰিছে । চি ডি এচৰ বিপিন ৰাৱতেও সেনাৰ বীৰত্ব,ত্যাগক প্ৰশংসা কৰিছে।

ভাৰতীয় সেনা দিৱস উদযাপনৰ অন্ততৰালত দুটা মুখ্য কাৰণ আছে। ইয়াৰে অন্যতম কাৰণ হ’ল দেশৰ স্বাধীনতাৰ পিছত অৰ্থাৎ ১৯৪৭ চনৰ ১৫ আগষ্ট পিছত ১৯৪৯ চনৰ আজি দিনটোতে ভাৰতীয় সেনা ব্ৰিটিছ সেনাৰ পৰা মুক্ত হৈছিল।আজি দিল্লীৰ ইণ্ডিয়া গেটত থকা অমৰ জোৱান জ্যোতিত শ্বহীদক শ্ৰদ্ধাঞ্জলি জ্ঞাপন কৰা হয়।লগতে শ্বহীদৰ পৰিয়ালক সন্মানিত কৰা হয়।

১৬জানুৱাৰীৰ পৰা অসমত আৰম্ভ হ’ব ক’ভিড১৯ প্ৰতিষেধক প্ৰদান প্ৰক্ৰিয়া

১৬ জানুৱাৰীৰ পৰা অসমত আৰম্ভ হ’ব ক’ভিড-১৯ ৰ প্ৰতিষেধক প্ৰদানৰ প্ৰক্ৰিয়া। মুখ্যমন্ত্ৰী সৰ্বানন্দ সোনোৱালে উক্ত দিনা আনুষ্ঠানিক ভাৱে ভেকচিন প্ৰদান প্ৰক্ৰিয়াৰ শুভাৰম্ভ কৰিব।

গুৱাহাটীৰ হেঙেৰাবাৰীস্থিত স্বাস্থ্যসেৱা সঞ্চালকালয়ৰ কাৰ্যালয়ত মজুত কৰি ৰখা হৈছে দুই লক্ষাধিক ক’ভিড ভেকচিন।ইয়াৰে একাংশ প্ৰতিষেধক আজি বৰাক উপত্যকাৰলৈ যোৱা হ’ব।