কামৰ কোনো সৰু বৰ নাথাকে।যিকোনো কাম যদি আপুনি আগ্ৰহ আৰু অধ্যৱসায়ে কৰে সেই কাম সফল হৈ উঠে।আজি যাৰ বিষয়ে লিখিবলৈ লৈছো তেখেতে বহু সংগ্ৰামৰ মাজেৰে আজিৰ পৰ্য্যায়ত উপনীত হৈছে ।সমাজৰ বাবে দিনে নিশা একাকাৰ কৰি মানৱ সম্পদ গঢ়ি তুলিছে।এই ব্যক্তিজন কোন জানেনে?এই ব্যক্তিজন হ’ল লখিমপুৰৰ নাৰায়ণপুৰৰ কমল বৰা।তেখেতে শিক্ষকতাক জীৱনৰ সমল হিচাপে লৈ অজস্ৰ মানৱ সম্পদ গঢ়িছে।তেখেতৰ ব্যক্তিগত প্ৰচেষ্টাত পিচলা নেচনেল একাডমী গঢ় লৈ উঠিছে।উল্লেখযোগ্য যে এই একাডমীখনৰ পৰা শিক্ষান্ত পৰীক্ষাত ছাত্ৰ ছাত্ৰীয়ে স্থান লাভ কৰিছে।সম্প্ৰতি কমল বৰা চ’চিয়েল মেডিয়াত জনপ্ৰিয় হৈ পৰিছে।কিয়নো তেখেতে সহজতে অসমৰ জিলাকেইখনৰ নাম ক’ব পৰাকৈ ফৰ্মূলা উদ্ভাৱন কৰিছে।এন ই ফ’কাচ ডট কম ৰ ফালৰ পৰা হোৱা কথোপকথনত কমল বৰাই এনেদৰে কয়-সহজতে জিলাকেইখনৰ নাম ক’ব পৰা কৌশলটো প্ৰথমে মোৰ জীয়ৰীক শিকাইছিলো।কিছুদিনৰ আগতে মৰাণৰ বাল্য বিকাশ কেন্দ্ৰলৈ অতিথি শিক্ষক হিচাপে গৈছিলো।আৰু তাত কৰা শিক্ষাদানৰ প্ৰক্ৰিয়াটো চ’চিয়েল মেডিয়াৰ জৰিয়তে ভাইৰেল হোৱাৰ পিছত সংবাদ মাধ্যমে আদৰি লয়।উল্লেখযোগ্য যে তেখেতে ইতিপূৰ্বে সহজ প্ৰক্ৰিয়াত ব্যাকৰণ শিকাৰ প্ৰণালীৰ বিষয়েও উদ্ভাৱন কৰিছে।অধ্যৱসায় আৰু সৃষ্টিশীল প্ৰক্ৰিয়াৰে সমাজলৈ বিশেষ বৰঙণি আগবঢ়োৱা কমল বৰাক এন ই ফ’কাচ ডট কমৰ ফালৰ পৰা বহুশুভকামনা জনালো।
Trending
- অসমৰ সংবাদ জগতত চাণক্যৰ আত্মপ্ৰকাশ
- ৰাজপথত পৰিবহণ বিভাগৰ অপাৰেচন কুৰুক্ষেত্ৰ আৰম্ভ
- জি-২০ প্ৰতিনিধি দলৰ কাজিৰঙা ৰাষ্ট্ৰীয় উদ্যান দৰ্শন
- ট্ৰান্সজেণ্ডাৰসকলৰ বাবে থকা ‘তৃতীয় নিৱাস’ পৰিদৰ্শন মন্ত্ৰী পীযুষ হাজৰীকাৰ
- পলাশবাৰীৰ বৰকুছিত আৰক্ষী -প্ৰশাসন, সাংবাদিক, নিউজ পৰ্টেলৰ ক্ৰিকেট প্ৰতিযোগিতাৰ সফল সামৰণি
- গণৰাজ্য দিৱস উদযাপনৰ অংশ হিচাপে কামৰূপ জিলাৰ উপায়ুক্ত একাদশ আৰু মিডিয়া একাদশৰ মাজত অনুষ্ঠিত হ’ল প্ৰীতি ক্ৰিকেট খেল
- ডিব্ৰুগড় চহৰত অম্ৰুটৰ অধীনত নিৰ্মীয়মান পানী যোগান প্ৰকল্পসমূহ পৰিদৰ্শন মন্ত্ৰী অশোক সিংহলৰ
- জামুগুৰিহাটৰ নাহৰবাৰীত দূস্প্ৰাপ্য ঈগল চৰাই উদ্ধাৰ
- কংগ্ৰেছৰ ভাৰত জোড়ো যাত্ৰাত অসম ৰাজ্যিক কংগ্ৰেছ দলৰ তিনি যুৱক-৪০৮০ কিলোমিটাৰ যাত্ৰাৰ অন্তত শ্ৰীনগৰ লালচকত সামৰণী
- ঢকুৱাখনাত গাঁওৰক্ষী বাহিনীৰ প্ৰতিষ্ঠা দিৱস পালন