উত্তৰ পূৰ্বাঞ্চলৰ বিমান বন্দৰসমূহৰ উন্নীতকৰণৰ বাবে অসামৰিক বিমান পৰিবহন বিভাগে অহা দুবছৰৰ ভিতৰত পাঁচ হাজাৰ কোটি টকাৰ বিনিয়োগৰ লক্ষ্য স্থিৰ কৰিছে।আজি আকাশবাণী গুৱাহাটী কেন্দ্ৰৰ আঞ্চলিক বাতৰি বিভাগৰ দৃষ্টিপাত অনুষ্ঠানত ভাৰতীয় বিমান বন্দৰ প্ৰাধিকৰণৰ উত্তৰ পূৰ্বাঞ্চলৰ আঞ্চলিক কাৰ্যবাহী সঞ্চালক সঞ্জীৱ জিন্দালে এই কথা প্ৰকাশ কৰে।তেওঁ কয় যে গুৱাহাটী বিমান বন্দৰত নতুনকৈ হ’বলগীয়া টাৰ্মিনেলত ভালেসংখ্যক থলুৱা যুৱক যুৱতীয়ে নিয়োগৰ সুবিধা লাভ কৰিব।বিমান পৰিবহন খণ্ডত নিয়োগ লাভ কৰিলে যিকোনো শাখাৰ স্নাতক আৰ্থিকভাৱে অনগ্ৰসৰ ছাত্ৰ-ছাত্ৰীয়ে চণ্ডীগড়ত থকা প্ৰশিক্ষণ কেন্দ্ৰত বিনামূলীয়া প্ৰশিক্ষণ গ্ৰহণ কৰি এই খণ্ডত নিয়োগ লাভ কৰিব পাৰে বুলি তেওঁ প্ৰকাশ কৰে।এই প্ৰশিক্ষণৰ সময়ত ২৯০০ টকাকৈ মাননী লাভ কৰিব বুলিও তেওঁ জানিবলৈ দিয়ে।ইয়াৰ বাবে প্ৰশিক্ষণ কেন্দ্রৰ সঞ্চালকৰ ফোন নম্বৰ ৯৯৭১৬০৭০০৪ ত যোগাযোগ কৰিব পাৰে বুলিও তেওঁ কয়।আনহাতে উত্তৰ-পূবৰ বিমানেৰে পণ্য পৰিবহন খণ্ডত যথেষ্ট সম্ভাৱনা আছে বুলি প্ৰকাশ কৰি তেওঁ অঞ্চলটোত ভালেমান পণ্য পৰিবহন কেন্দ্ৰ স্থাপনৰ ব্যৱস্থা কৰা হৈছে বুলি প্ৰকাশ কৰে।অঞ্চলটোৰ ক’লা চাউল,মছলা,আনাৰসকে ধৰি বিভিন্ন ফল মূল আৰু অৰ্কিডৰ দেশে বিদেশ বৃহৎ চাহিদা আছে বুলি প্ৰকাশ কৰি জিন্দালে বিভিন্ন দুৰণিবটীয়া অঞ্চলৰ লোকসকলকো সমবায় পদ্ধতিত সামগ্ৰী সংৰক্ষণ কৰি বিমানেৰে পৰিবহনৰ ব্যৱস্থা কৰিবলৈ আহ্বান জনায়।উত্তৰ-পূৰ্বাঞ্চলৰ আটাইবোৰ বিমান বন্দৰৰ উন্নীতকৰণৰ ব্যৱস্থা অব্যাহত আছে বুলি উল্লেখ কৰি ন ন অঞ্চলৰ সৈতে বিমান যোগাযোগ স্থাপনৰ ওপৰত অধিক গুৰুত্ব দিয়া হৈছে বুলিও তেওঁ জানিবলৈ দিয়ে।
Trending
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে
- NECTAR Launches Organic Agriculture Project in Arunachal Under PM-DevINE Scheme
- পৰিৱেশ কৰ্মী, জেষ্ঠ সাংবাদিক উত্তম শইকীয়ালৈ অসম চৰকাৰৰ পৰিৱেশ মিত্ৰ সন্মান
- বিশ্ব পৰিবেশ দিবসত আই এ এছ এছ টিত চাৰিগৰাকী বিশিষ্ট পৰিবেশকৰ্মীক পৰিবেশ মিত্ৰ বঁটা প্ৰদান