বিশিষ্ট শৰীৰ চৰ্চাবিদ, সমাজকৰ্মী তথা চেলেংহাট হেলথ্ ক্লাৱৰ প্ৰতিষ্ঠাপক সভাপতি তুষাৰ পাল ড° বি আৰ আম্বেদকাৰ স্পৰ্টচ ফাউণ্ডেচনে আগবঢ়োৱা ড° বি আৰ আম্বেদকাৰ ৰাষ্ট্ৰীয় বঁটা ২০১৯ ৰ বাবে নিৰ্বাচিত হৈছে। উল্লেখ্য যে যোৰহাট জিলাৰ অতি ভিতৰুৱা চেলেংহাট নামচেচুত জন্মগ্ৰহণ কৰা তুষাৰ পালে ২০১০ চনত ৰাষ্ট্ৰীয় শৰীৰ চৰ্চা প্ৰতিযোগিতাত সন্মান বুটলি অসম তথা চেলেংহাটলৈ গৌৰৱ কঢ়িয়াই আনিছিল। ইয়াৰ পিছৰ পৰাই ৰাষ্ট্ৰীয় শৰীৰ চৰ্চাবিদ ৰূপে খ্যাতি অৰ্জন কৰা তুষাৰ পালে যুৱ প্ৰজন্মৰ সুস্বাস্থ্যৰ বাবে চেলেংহাট হেলথ্ ক্লাৱৰ যোগেদি বিভিন্ন সজাগতা মুলক কাৰ্য্যসূচী গ্ৰহণ কৰে। ২০১৬ চনৰ পৰা তুষাৰ পালে চেলেংহাট হেলথ্ ক্লাৱৰ উদ্যোগত আৰু আছাম প্ৰেছ কৰেচপণ্ডেন্টচ ইউনিয়ন যোৰহাট জিলাৰ সহযোগত সমগ্ৰ অসম জুৰি জীৱন ধ্বংসী ড্ৰাগছৰ বিৰুদ্ধে জন স্বাক্ষৰ গ্ৰহণ কৰে। তেওঁ সম্পূৰ্ণ বিনা মূলীয়াকৈ ড্ৰাগছ আসক্ত যুৱক সকলক যোগ প্ৰণায়ম আৰু শৰীৰ চৰ্চাৰ প্ৰশিক্ষণ প্ৰদান কৰি আহিছে চেলেংহাট হেলথ ক্লাৱৰ শৰীৰ চৰ্চাৰ কেন্দ্ৰত। আনহাতে ২০১৭ চনৰ পৰা ৰাগীয়াল দ্ৰব্যৰ বিৰুদ্ধে তেওঁ নিচা মুক্ত অভিযানত সক্ৰিয়তাৰে নামি পৰে। তেওঁ অসমত সুৰাৰ ভয়াবহ প্ৰচলন আৰু অসমত সুৰা নিষিদ্ধ কৰিবৰ বাবে ভাৰতৰ প্ৰধান মন্ত্ৰী নৰেন্দ্ৰ মোডী লৈ পত্ৰ লিখা লগতে প্ৰধান মন্ত্ৰীৰ পৰা সঁহাৰিও পত্ৰও লাভ কৰিছিল। তুষাৰ পালে মদে সমাজ আৰু জীৱনত পেলোৱা অপকাৰিতাৰ ওপৰত “ঘাটক” আৰু “পিকনিক” নামৰ দুখন চুটী ছৱি নিৰ্মান কৰি গ্ৰামাঞ্চল আৰু বাগিছাৰ বিভিন্ন ঠাইত বিনামূলীয়াকৈ প্ৰদৰ্শন কৰি আহিছে। ইয়াৰ উপৰি অন্ধ বিশ্বাসৰ বিৰুদ্ধে দেশ কপোঁৱা অভি,নীল হত্যাকাণ্ডৰ ওপৰটো এখন ছুটী ছবি নিৰ্মান কৰি সমাদৰ লাভ কৰে। সমাজৰ ভালৰ বাবে নিজৰ পকেতৰ ধন খৰচ কৰি অহা তুষাৰ পালে অহা ২৫ আগষ্টত দিল্লীত আয়োজন কৰা এক অনুষ্ঠানত এই বঁটা গ্ৰহণ কৰিব। চেলেংহাটৰ সন্তান তথা অঞ্চলটোৰ প্ৰতিটো সামাজিক অনুষ্ঠানত জড়িত তুষাৰ পালে ৰাষ্ট্ৰীয় বঁটা লাভ কৰাত অঞ্চলটোৰ ৰাইজ আনন্দিত হৈ পৰা লগতে তেঁওক অভিনন্দন জ্ঞাপন কৰিছে।
Trending
- নৰ্থ-ইষ্ট অলিম্পিকত স্বৰ্ণপদক অর্জন নগাঁৱৰ পাহি কেওটৰ
- মহাপুৰুষ শ্ৰীমন্তশঙ্কৰদেৱৰ বিশ্ববিদ্যালয়ৰ আন্তৰ্জাতিক আলোচনা চক্ৰ সম্পন্ন
- প্ৰকৃতিপ্ৰেমী মঞ্চ অসমৰ জহামাল উদ্ধাৰ
- প্ৰতিকূল বতৰকো নেওচি সৰ্বানন্দ সোণোৱালৰ সমৰ্থনত ওলাই আহিল হাজাৰ হাজাৰ লোক-ডিব্ৰুগড় লোকসভা সমষ্টিৰ বিজেপি নেতৃত্বাধীন এনডিএ-ৰ প্ৰাৰ্থী হিচাপে মনোনয়ন পত্ৰ দাখিল কৰে কেন্দ্ৰীয় মন্ত্ৰী সৰ্বানন্দ সোণোৱালে
- পল্টন বজাৰত বহুভাষিক কাব্য সন্ধ্যা অনুষ্ঠিত
- Dr. Buljit Buragohain at the Annual Lecture Program of the Department of Education B Borooah College
- কাহিলীপাৰাত প্ৰসিদ্ধ সাহিত্যিক, সমালোচক ড০ গোবিন্দ প্ৰসাদ শৰ্মাক পৰাগজ্যোতি প্ৰকাশনৰ সম্বৰ্দ্ধনা
- এইচ ডি এফ চি বেংকে সমগ্ৰ ভাৰতত ৬০ টা বেংকিং আউটলেট উদ্বোধন
- কামৰূপ মহানগৰ জিলা নেহেৰু যুৱ কেন্দ্ৰৰ উন্নয়ন খণ্ড ভিত্তিত ক্ৰীড়া উৎসৱ
- বিশ্ব কবিতা দিৱসত কবিতাৰ বৰষুণ