তেজপুৰ শিক্ষয়িত্ৰী তথা সমাজকৰ্মী পল্লৱী নেওগ বৰাৰ সপোনৰ স্বাৱলম্বী অসম কিতাপ খনে দক্ষতা বিকাশ আৰু উদ্যমীতাৰ ক্ষেত্ৰত আগবঢ়োৱা অৱদানৰ বাবে লেখিকা গৰাকীয়ে সন্মানীয় ইণ্ডিয়া প্ৰাইম অথৰ এৱাৰ্ড ২০২১ বঁটা লাভ কৰিবলৈ সক্ষম হৈছে।উল্লেখযোগ্য যে নিবনুৱা সমস্যাৰে জৰ্জৰিত ৰাজ্য খনৰ শিক্ষিত যুৱক যুৱতী সকলে কেনেদৰে বহিঃৰাজ্যলৈ নোযোৱা কৈ স্থানীয় ঠাইতে স্বাৱলম্বী হ’ব পাৰিব সেই বিষয়ে কিতাপখনত বিশদ ভাৱে আলোচনা কৰা হৈছে।তদুপৰি বিভিন্ন চৰকাৰী আঁচনি সমূহৰ যোগেদি স্থানীয় সম্পদ ব্যৱহাৰ জৰিয়তে কেনেদৰে উপাৰ্জন হৈ আত্মনির্ভৰশীল হ’ব পাৰি এই সন্দৰ্ভততো উল্লেখ কৰা হৈছে।বৰ্তমান সময়ত বৃত্তিমূলক পাঠ্যক্ৰম আৰু কাৰিকৰী শিক্ষাৰ প্ৰয়োজনীয়তা ওপৰত গুৰুত্ব আৰোপ কৰি পল্লৱী নেওগ বৰাই এই সম্পৰ্কীয় বিভিন্ন শিক্ষানুষ্ঠান সমূহৰ বিষয়েও লিখিছে।ইয়াৰোপৰি অসমৰ কেইবাগৰাকী সফল কৃষক আৰু উদ্যমীয়ে পথাৰৰ পৰা বজাৰলৈ কৰা সংগ্ৰামী যাত্ৰাৰ ওপৰতো আলোকপাত কৰা হৈছে।স্বাৱলম্বী হ’বলৈ ইচ্ছুক যুৱক যুৱতীয়ে কেনেদৰে কৰ্মক্ষেত্ৰত আগবাঢ়ি যাব লাগিব ক’ৰ পৰা ঋণ লাভ কৰিব আৰু ইয়াক কেনেকৈ বিনিয়োগ কৰি বজাৰ দখল কৰিব পাৰিব এনে সকলো বিষয় সামৰা হৈছে কিতাপ খনত।ইতিমধ্যে লেখিকাৰ স্ব নিয়োজন সম্পৰ্কীয় বহুতো লেখা অসমৰ কেইবাখনো বাতৰি কাকত আৰু আলোচনীত ধাৰাবাহিক ভাৱে প্ৰকাশ পাইছে।তদুপৰি গল্প আৰু কবিতাৰ ক্ষেত্ৰতো পল্লৱী নেওগ বৰাই বিভিন্ন আলোচনী স্থান অধিকাৰ কৰি আহিছে।প্ৰকাশ যে,লেখিকা গৰাকীয়ে নিজেই স্ব-নিয়োজন কৰ্মশালা অনুষ্ঠিত কৰি বিগত কেইবছৰমান পৰা অসমৰ পিছপৰা অঞ্চলত যুৱক যুৱতী আৰু মহিলা সকলক উৎসাহিত কৰাৰ পিছত প্ৰশিক্ষিত বহু লোকৰ স্বাৱলম্বীৰ পথো মুকলি হৈছে।সামাজিক উদ্যমীতাৰ ক্ষেত্ৰত আগবঢ়োৱা উল্লেখনীয় অৱদানৰ বাবে সপোনৰ স্বাৱলম্বী অসমক ইণ্ডিয়া প্ৰাইম অথৰ পুৰস্কাৰেৰে সন্মানিত কৰা হৈছে।তেজপুৰ সঞ্জীৱ বৰা সোঁৱৰণী জনকল্যাণ প্ৰতিষ্ঠানৰ প্ৰতিষ্ঠাপিকা সমাজ সচেতন এইগৰাকী লেখিকা তত্বাৱধানত গঢ় লৈ উঠা অক্সিজেন বেংকে ক’ৰণা অতিমাৰী গ্ৰাসত পৰা লোক সকলক বিনামূলীয়া অক্সিজেন চিলিণ্ডাৰ যোগানৰ দৰে মহৎ কামত বৰ্তী হৈছে।লখিমপুৰ জীয়ৰী তথা তেজপুৰৰ বোৱাৰী পল্লৱী নেওগ বৰাৰ এই সফলতাত চহৰবাসীয়ে গৌৰাম্বিত হোৱা পৰিলক্ষিত হৈছে।
Trending
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে
- NECTAR Launches Organic Agriculture Project in Arunachal Under PM-DevINE Scheme