এন আৰ এলৰ উদ্যোগত ৱাকাথন অনুষ্ঠিত

এন আৰ এলৰ উদ্যোগত ২ফেব্ৰুৱাৰী শিলচৰ চহৰত সক্ষম ৱাকাথন অনুষ্ঠিত হয়।এই ৱাকাথনত ৫০০ৰো অধিক লোকে অংশ গ্ৰহণ কৰে। পে’ট্ৰলিয়াম  উৎপাদন সমূহৰ সংৰক্ষণৰ ওপৰত সমাজৰ বিভিন্ন বৰ্গৰ লোকসকলৰ মাজত সজাগতা আৰু সচেতনতা বৃদ্ধি কৰাৰ লক্ষ্যৰে দেশৰ ৬২৪ চহৰৰ লগতে শিলচৰ চহৰতো এই ৱাকাথন অনুষ্ঠিত হয় ।ৱাকাথনৰ আৰম্ভণিতে এন আৰ এলৰ জ্যেষ্ঠ চি জি এম নিকুঞ্জ বৰঠাকুৰে সকলো অতিথিক আদৰণি জনায়।ইয়াৰ পিছত সক্ষম সংকল্প গ্ৰহণ কৰে।এন আৰ এলৰ মধুচন্দা অধিকাৰীয়ে পৰিচালনা কৰা অনুষ্ঠানটোত শিলচৰ বিধান সভা সমষ্টিৰ বিধায়ক দিলীপ কুমাৰ পালে ইন্ধন সংৰক্ষণৰ ওপৰত গুৰুত্ব আৰোপ কৰি নৱ প্ৰজন্মৰ মাজত সজাগতা বৃদ্ধি কৰিবলৈ উপস্থিত সকলোকে আহ্বান জনায়।আনহাতে কাছাৰ জিলাৰ উপায়ুক্ত বৰ্ণালী শৰ্মাই খোজ কঢ়াৰ সুফলৰ সম্পৰ্কে মন্তব্য কৰে।উল্লেখযোগ্য যে১৬ জানুৱাৰীৰ পৰা ১৫ ফেব্ৰুৱাৰীলৈ সমগ্ৰ ৰাষ্ট্ৰজুৰি এই অভিযান চলি আছে ।আজিৰ ৱাকাথনত মধুমিতা শৰ্মা,মানবেন্দ্ৰ দেৱ ৰায়, কনাদ পুৰকায়স্থ আদি কৰি বহুকেইজন ব্যক্তি উপস্থিত থাকে।