ৰাষ্ট্রীয় শিক্ষাৰ্থী বাহিনীৰ ( এন চি চি ) উত্তৰ পূব মণ্ডলৰ নবনিযুক্ত অতিৰিক্ত সঞ্চালক প্ৰধান ( এ ডি জি ) মেজৰ জেনেৰেল ভাস্কৰ কলিতাই দায়িত্বভাৰ গ্ৰহণৰ মাত্ৰ ৪৮ ঘণ্টাৰ পাছতেই শ্বিলঙৰ মুখ্য কাৰ্যালয়ৰ পৰা আহি আজি গুৱাহাটী গ্রুপ কমাণ্ডাৰৰ কাৰ্যালয় পৰিদৰ্শন কৰে । গুৱাহাটী গ্রুপ কাৰ্যালয়ত মেজৰ জেনেৰেল ভাস্কৰ কলিতাক আদৰণি জনাই গুৱাহাটী গ্রুপৰ গ্রুপ কমাণ্ডাৰ ব্ৰিগেদিয়াৰ যোগেশ চন্দ্ৰ তালুকদাৰে । তাৰ পাছতেই জেনেৰেল কলিতাই এন চি চি কেডেট সকলৰ গাৰ্ড অফ অনাৰ গ্ৰহণ কৰাৰ লগতে তেওঁলোকৰ সৈতে মত বিনিময় কৰে । ইয়াৰ উপৰি কাৰ্যালয় চৌহদৰ সভাগৃহত গ্রুপ কমাণ্ডাৰ ব্ৰিগেদিয়াৰ যোগেশ চন্দ্ৰ তালুকদাৰৰ সঞ্চালনাত অনুষ্ঠিত এখন পৰ্যবেক্ষণ বৈঠকত ভাগ লয় জেনেৰেল ভাস্কৰ কলিতাই । বৈঠকত গুৱাহাটী গ্রুপৰ অধীনৰ ১ আসাম এন চি চি বেটেলিয়ান , ৩০ আসাম ইঞ্জিনীয়াৰিং এন চি চি কোম্পানী , ৪৮ আসাম নেভেল এন চি চি ইউনিট , ৫০ আসাম এয়াৰ স্কোৱাদ্ৰোণ ফ্লায়িং এন চি চি ইউনিট আৰু ৬০ আসাম গাৰ্লছ এন চি চি বেটেলিয়ানৰ কমাণ্ডিং অফিচাৰ সকল উপস্থিত থাকে । আনহাতে বৈঠকত জেনেৰেল কলিতাই গুৱাহাটী গ্রুপৰ অধীনত থকা শিক্ষানুষ্ঠান সমূহৰ এন চি চিৰ শেহতীয়া স্থিতিৰ বুজ লয় । তেনেদৰে প্রধানমন্ত্ৰী নৰেন্দ্ৰ মোদীয়ে বিগত বৰ্ষত স্বাধীনতা দিৱসত জনোৱা আহ্বান অনুসৰি আন্তঃৰাষ্ট্ৰীয় সীমান্তত থকা শিক্ষানুষ্ঠান সমূহত এন চি চি কেডেটৰ ভৰ্ত্তি অভিযান ক্ষিপ্ৰতৰ কৰি তুলিবলৈ আহ্বান জনায় । বিশেষকৈ ক’ভিড পৰিস্থিতিৰ প্ৰতি লক্ষ্য ৰাখি ৰাজ্য চৰকাৰে শিক্ষানুষ্ঠানত যি পাঠদান প্ৰক্ৰিয়া আৰম্ভ কৰিছে তাৰ লগত ৰজিতা খুৱাই সংলিষ্ট শিক্ষানুষ্ঠানৰ এছোচিয়েট এন চি চি অফিচাৰ সকলৰ সৈতে তাল মিল কৰি এন চি চিক কিদৰে পুনৰ সক্ৰিয় কৰিব পাৰি সেই সম্পৰ্কেও বৈঠকত পৰ্যালোচনা কৰা হয় ।
Trending
- বৈদেশিক পৰিক্ৰমা আৰু বস্ত্ৰ বিভাগৰ ৰাজ্যিক মন্ত্ৰী পৱিত্ৰ মাৰ্ঘেৰিটাৰ ত্ৰিপুৰা ভ্ৰমণ
- শক্তি পীঠ কামাখ্যা মন্দিৰত হাৰিয়ানাৰ মুখ্যমন্ত্ৰীৰ পূজা – অৰ্চনা – দুপৰীয়া খানামুখত বিজেপি নেতা ফণীন্দ্ৰ নাথ শৰ্মাৰ ঘৰত আহাৰ গ্ৰহণ , মুখ্যমন্ত্ৰী আৰু ফণীন্দ্ৰ নাথ শৰ্মাৰ সাংগঠনিক দক্ষতাক ভূয়সী প্ৰশংসা
- ৰাজ্যজুৰি অগপৰ ৪০ সংখ্যক প্ৰতিষ্ঠা দিৱস পালন
- ৰাণীৰ বিক্ৰমপুৰত শঙ্কৰদেৱৰ জন্ম জয়ন্তী উৎসৱ পালন
- ২৭ সংখ্যক সৰ্বভাৰতীয় বন ক্ৰীড়া সমাৰোহলৈ অসমৰ ৭১ জনীয়া দল
- ৫৭৬ তম গুৰু জন্ম জয়ন্তী উৎসৱত হৰি নামৰে মুখৰিত বটদ্ৰৱা আকাশ বতাহ
- নুন মাটি অঞ্চলৰ আর্থিকভাৱে পিছপৰা ৫০জন অনাথ শিক্ষাৰ্থীৰ মাজত শিক্ষণ সামগ্ৰী আৰু খাদ্য সামগ্ৰী প্ৰদান
- বি এছ এফৰ গুৱাহাটী ফ্ৰন্টিয়াৰৰ মহা পৰিদৰ্শক হিচাপে সঞ্জয় গৌৰৰ দায়িত্বভাৰ গ্ৰহণ
- প্ৰথমবাৰৰ বাবে গৃহ নিৰ্মাণ আৰু নগৰ পৰিক্ৰমা বিভাগৰ সম্পূৰ্ণ ৱেবভিত্তিক আৰু কাগজবিহীন পৰ্যালোচনা মন্ত্ৰী অশোক সিংহলৰ
- আই এ এছ এছ টিৰ সঞ্চালক অধ্যাপক আশীষ কুমাৰ মুখাৰ্জীলৈ দুটাকৈ ৰাষ্ট্ৰীয় সন্মান