এন চি চিৰ বায়ু শাখাৰ উত্তৰ পূব মণ্ডলৰ বাৰদিনীয়া এয়াৰফৰ্চ এটাছমেণ্ট শিবিৰৰ সামৰণি

0 188

ৰাষ্ট্ৰীয় শিক্ষাৰ্থী বাহিনী চমুকৈ এন চি চিৰ বায়ু শাখাৰ অতি সন্মানীয় শিবিৰ হিচাপে স্বীকৃতি লাভ কৰা এয়াৰফৰ্চ এটাছমেণ্ট শিবিৰত উত্তৰ পূব মণ্ডলৰ কেবাখনো ৰাজ্যৰ পৰা ছিনিয়ৰ ডিভিজনৰ ১২ জন কেডেট নিৰ্বাচিত হৈছিল। এই নিৰ্বাচিত কেডেট সকলৰ বাবে এন চি চিৰ বায়ু শাখাৰ গুৱাহাটীস্থিত ৫০ আসাম এয়াৰ স্কোৱাদ্ৰণ এন চি চি ইউনিটৰ উদ্যোগত বৰঝাৰস্থিত ভাৰতীয় বায়ু সেনা ষ্টেছনত ২৫ ছেপ্টেম্বৰৰ পৰা অনুষ্ঠিত বাৰদিনীয়া শিবিৰৰ ৬ অক্টোবৰত সামৰণি পৰে। ৫০ আসাম এয়াৰ স্কোৱাদ্রণ এন চি চি ইউনিটৰ কমাণ্ডিং অফিচাৰ উয়ং কমাণ্ডাৰ এইছ উপাধ্যায়ৰ নেতৃত্বত অনুষ্ঠিত শিবিৰত ভাৰতীয় বায়ু সেনাৰ বিষয়া সকলে কেডেট সকলক যুদ্ধত শত্ৰুক পৰাজিত কৰাৰ কৌশল , মেপ ৰিডিং, বন্দুক চালনা, পেৰা ট্ৰূপিং, ড্ৰিল , শাৰীৰিক অনুশীলন, এৰো মডেলিং, পেৰা গ্লাইদিং, পেৰাছুটিং , আদিৰ প্ৰশিক্ষণ প্ৰদান কৰা হয়। তেনেদৰে দেশৰ সশস্ৰ বাহিনী সমূহত কিদৰে ভৰ্তি হৈ দেশমাতৃক সেৱা কৰিব পাৰি তাৰো প্ৰশিক্ষণ দিয়া হয় । আনকি কেডেট সকলক হেলিকপ্টাৰ , যুদ্ধ বিমান আদিৰ সহায়ত যুদ্ধৰ সময়ত শত্ৰুৰ বিৰুদ্ধে গ্ৰহণ কৰিবলগীয়া ব্যৱস্থা সমুহৰ বিষয়েও প্ৰশিক্ষণ দিয়া হৈছিল।

Leave A Reply

Your email address will not be published.