কামৰূপ কৃষি বিজ্ঞান কেন্দ্ৰৰ আই চি এ আৰ প্ৰতিষ্ঠা দিৱস উদযাপন

সমগ্ৰ ভাৰতবৰ্ষত ১৬ জুলাইত ভাৰতীয় কৃষি অনুসন্ধান পৰিষদ আই চি এ আৰৰ প্ৰতিষ্ঠা দিৱস হিচাপে উদযাপন কৰিছে। এই উপলক্ষে কামৰূপ কৃষি বিজ্ঞান কেন্দ্ৰৰ চৌহদত মূৰব্বী তথা প্ৰধান বিজ্ঞানী ড০ ধীৰেন্দ্ৰ নাথ কলিতাৰ সৱল নেতৃত্বত ৯৪তম আই.চি.এ.আৰ প্ৰতিষ্ঠা দিৱস উদযাপন কৰে। কেন্দ্ৰীয় কৃষি আৰু কৃষক কল্যাণ মন্ত্ৰালয়ৰ সৌজন্যত কেন্দ্ৰীয়ভাৱে ভাৰ্চুৱেল অনুষ্ঠান কামৰূপ কৃষক ৰাইজৰ বাবে কৃষি বিজ্ঞান কেন্দ্ৰৰ জৰিয়তে অনুষ্ঠিত হয়। বিশেষকৈ কৃষকৰ আয় দুগুনীকৰণ (DFI)ৰ আঁচনিৰ অন্তৰ্ভুক্ত কষক যুৱক-যুৱতীসকল এই অনুষ্ঠানত অংশ গ্ৰহণ কৰে। ভাৰ্চুৱেল যোগে কেন্দ্ৰীয়ভাৱে জলবায়ু সহিষ্ণু খেতি, ভূমি সংৰক্ষণ, প্ৰাকৃতিক খেতি উদ্যান শস্য আদি কৃষি সম্বন্ধীয় বিষয়ৰ ওপৰত সম্প্ৰচাৰ কৰে। কেন্দ্ৰীয় কৃষি মন্ত্ৰী নৰেন্দ্ৰ সিং টোমৰে বহুতো কেন্দ্ৰীয় মন্ত্ৰীৰ উপস্থিতিত কৃষক ৰাইজৰ লগত মতবিনিময় কৰে। কামৰূপ কৃষি বিজ্ঞান কেন্দ্ৰৰ বিশেষজ্ঞ আৰু কৰ্মকৰ্তাসকলৰ সহযোগিতাত ২০০ জনৰো অধিক কৃষক, যুৱক-যুৱতী, মহিলাৰ উপস্থিতিত সফলতাভাৱে এই প্ৰতিষ্ঠা দিৱস কৰে।