মহানগৰীৰ পাৰ্শ্বৱৰ্তী তথা অসম মেঘালয় সীমান্তৰ পশ্চিম গুৱাহাটীৰ উমচুৰত কমলা খেতিৰ লগত জড়িত কৃষকসকলক বিজ্ঞানসন্মত কৌশল-পদ্ধতি প্ৰদান কৰি কিদৰে উৎপাদন বৃদ্ধিৰে আৰ্থিকভাৱে লাভৱান হ’ব পাৰি তাৰ বাবে আজাৰা কাঁহিকুছিস্থিত কৃষি বিজ্ঞান কেন্দ্র,কামৰূপে বিশেষ পদক্ষেপ গ্ৰহণ কৰিছে।সেই পদক্ষেপৰ অংশ হিচাপে ১১ ডিচেম্বৰত কৃষি বিজ্ঞান কেন্দ্র কামৰূপৰ উদ্যোগত আৰু উমচুৰৰ অগ্ৰণী সামাজিক,সাংস্কৃতিক আৰু ক্ৰীড়া সংগঠন চছিয়েল কালচাৰেল অৰগেনাইজেচন এণ্ড স্পৰ্টছ্ ক্লাব’ৰ সহযোগত ক্লাবত এদিনীয়াকৈ কৃষক প্ৰশিক্ষণ শিবিৰ অনুষ্ঠিত হয়।এই উপলক্ষে ক্লাবৰ সভাপতি ৰজত ৰাভাৰ আদৰণি ভাষণেৰে শুভাৰম্ভ হোৱা শিবিৰত মুখ্য অতিথি হিচাপে ভাগ লৈ কৃষি বিজ্ঞান কেন্দ্রৰ মুৰব্বী ডঃ ধীৰেন্দ্ৰ নাথ কলিতাই ভাষণ প্ৰসঙ্গত পৰম্পৰাগত খেতি হ’লেও অলপমান বিজ্ঞানসন্মত পদ্ধতি অৱলম্বন কৰি কিদৰে কমলাৰ উৎপাদন বৃদ্ধি কৰি আৰ্থিকভাৱে লাভৱান হ’ব পাৰি তাৰ বাখ্যা দাঙি ধৰে।আনহাতে শিবিৰত সমল ব্যক্তি হিচাপে ভাগ লৈ কেন্দ্ৰৰ বিজ্ঞানী দৰদী প্ৰিয়ম দুৱৰাই পুলি ৰোপন কৰাৰ পৰা আৰম্ভ কৰি গছত কমলা ফুলা আৰু পূৰঠ হোৱালৈকে কমলা টেঙা গছৰ ল’বলগীয়া যতন,প্ৰতিপালন,ৰোগৰ প্ৰতিকাৰ আদিৰ কৌশলসমূহ বুজাই দিয়ে।শিবিৰত ক্লাবৰ কৰ্মকৰ্তা ধ্ৰুৱজ্যোতি দলৈ,প্ৰতাপ দলৈ,হিতেশ দলৈ,বিপিন ৰামকে ধৰি কেইবাজনেও প্ৰথমবাৰৰ বাবে কৃষি বিজ্ঞানীৰ দল অনুষ্ঠানটোত পদাৰ্পণ কৰি কৃষকসকলক উৎসাহিত কৰাৰ বাবে কেন্দ্ৰৰ শলাগ লয়।শেষত শিবিৰত উপস্থিত থকা ৩০ গৰাকীৰো অধিক কৃষকৰ সৈতে কেন্দ্ৰৰ দুজনীয়া বিজ্ঞানীৰ দলে কমলা খেতিৰ বাগান পৰিদৰ্শন কৰি কৃষকসকলক গছৰ ৰোগসমূহৰ বিষয়ে বুজাই দিয়ে।
Trending
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে
- NECTAR Launches Organic Agriculture Project in Arunachal Under PM-DevINE Scheme
- পৰিৱেশ কৰ্মী, জেষ্ঠ সাংবাদিক উত্তম শইকীয়ালৈ অসম চৰকাৰৰ পৰিৱেশ মিত্ৰ সন্মান
- বিশ্ব পৰিবেশ দিবসত আই এ এছ এছ টিত চাৰিগৰাকী বিশিষ্ট পৰিবেশকৰ্মীক পৰিবেশ মিত্ৰ বঁটা প্ৰদান