কেৰিয়াৰ সজাগতা সভা সম্পন্ন

0 58

তেজপুৰ ডেকাৰগাঁওস্থিত গিৰিজানন্দ চৌধুৰী ইনষ্টিটিউট অৱ মেনেজমেণ্ট এণ্ড টেকন’লজী চমুকৈ জি আই এম টি তেজপুৰৰ সামাজিক কল্যাণকামী ক্লাব ‘সহযোগ’ৰ উদ্যোগত ৩ জুন তাৰিখে হলেশ্বৰ উচ্চ মাধ্যমিক বিদ্যালয়ত এখনি বিনামূলীয়া কেৰিয়াৰ সজাগতা সভাৰ অনুষ্ঠিত হয়। দিনৰ ১ বজাৰ পৰা আয়োজিত অনুষ্ঠানটোত কেৰিয়াৰ সম্পৰ্কীয় দিহা-পৰামৰ্শ আগবঢ়ায় ৰাজ্যখনৰ আগশাৰীৰ কেৰিয়াৰ পৰামৰ্শদাতা তথা জি আই এম টি, তেজপুৰৰ অধ্যক্ষ ড° বুলজিৎ বুঢ়াগোহাঁয়ে ৷ অনুষ্ঠানটোত কেৰিয়াৰ পৰামৰ্শদাতা গৰাকীয়ে ছাত্ৰ-ছাত্ৰী তথা অভিভাৱক সকলৰ বিভিন্ন প্ৰশ্নৰ সমিধান আগবঢ়ায় লগতে প্ৰতি শনিবাৰে বিয়লি ৬বজাৰৰ পৰা ৯বজালৈ ফোনযোগে আগবঢ়োৱা তেওঁৰ কেৰিয়াৰ পৰামৰ্শৰ বিষয়েও অৱগত কৰে । হাইস্কুল শিক্ষান্ত পৰীক্ষাত উত্তীৰ্ণ হোৱাৰ পিছত ছাত্র-ছাত্রীসকলে উচ্চতৰ মাধ্যমিকৰ কলা, বিজ্ঞান , বাণিজ্য শাখা বা বৃত্তিমুখী (vocational) যিকোনো শাখাতে শিক্ষা গ্ৰহণ কৰি নিজৰ দক্ষতা প্রকাশ কৰিব পাৰিলে ছাত্র বা ছাত্রীগৰাকীয়ে সুন্দৰ কেৰিয়াৰ গঢ়াৰ সুবিধা লাভ কৰিব পাৰে সেই বিষয়েও তেওঁ বিশদ বাখ্যা আগবঢ়ায়। কেৰিয়াৰ সজাগতা সভাখনত হলেশ্বৰ উচ্চ মাধ্যমিক বিদ্যালয়ৰ নৱম আৰু দশম ছাত্ৰ-ছাত্ৰীসকলৰ লগতে বিদ্যালয়ৰ প্ৰধান শিক্ষক তথা আন শিক্ষক-শিক্ষয়ত্ৰীসকল উপস্থিত থাকে৷

Leave A Reply

Your email address will not be published.