গুৱাহাটীৰ পশ্চিম প্ৰান্তৰ এক নং ৱাৰ্ডস্থিত আৰু শতিকা পুৰণি পশ্চিম জালুকবাৰী খানামুখ খেলবাসীৰ খানামুখ ৰাজহুৱা নামঘৰটো সম্প্ৰতি ব্যৱহাৰৰ অনুপযোগী হোৱা বাবে খেলবাসীয়ে দান বৰঙনি আৰু শুভাকাংখী ব্যক্তিয়ে আগবঢ়োৱা ধনেৰে পুনঃ নিৰ্মাণ কৰি নতুন ৰূপ দিযাৰ বাবে সিদ্ধান্ত গ্ৰহণ কৰিছে । ইয়াৰ অংশ হিচাপে আজি পুৱা পশ্চিম জালুকবাৰী খানামুখ ৰাজহুৱা নামঘৰৰ পুনঃ নিৰ্মাণৰ ভূমি পূজন আৰু আধাৰশিলা স্থাপন কৰা হয় । উপস্থিত আয়তীৰ উৰুলি আৰু মাংগলিক কাৰ্যৰ মাজেৰে পুনঃ নিৰ্মাণৰ আধাৰশিলা স্থাপন কৰে স্থানীয় বিধায়ক ৰমেন্দ্ৰ নাৰায়ণ কলিতাই । এই উপলক্ষে নামঘৰ পৰিচালনা কমিটিৰ মুখ্য সাধাৰণ সম্পাদক চন্দন কলিতাই আঁত ধৰা চমু অনুষ্ঠানত বিধায়ক ৰমেন্দ্ৰ নাৰায়ণ কলিতাই কয় – অসমীয়া জাতিৰ জনক স্বৰূপ মহাপুৰুষ শ্ৰীমন্ত শংকৰদেৱৰ অনবদ্য সৃষ্টি হল নামঘৰ সমূহ । এই নামঘৰ সমূহে অসমৰ সমাজ জীৱনত গুৰুত্বপূৰ্ণ ভূমিকা গ্ৰহণ কৰি আহিছে আৰু ৰাইজৰ মাজত শান্তি, সম্প্ৰতি,একতাৰ ভাব বৃদ্ধি কৰি সমাজখনক শৃংখলিত কৰি ৰাখিছে । আনহাতে নামঘৰ পৰিচালনা কমিটিৰ সভাপতি যাদৱ চন্দ্ৰ কলিতাৰ আদৰণি ভাষণৰে শুভাৰম্ভ হোৱা অনুষ্ঠানত বিশিষ্ট উদ্যোগপতি তথা মহেশ্বৰী ইণ্ডাষ্ট্ৰীৰ স্বত্বাধিকাৰী নন্দ কিশোৰ মহেশ্বৰী , এছ টি ডি ব্ৰিকছৰ স্বত্বাধিকাৰী বিকি দাস ,খানামুখ শ্ৰী শ্ৰীলক্ষ্মী মন্দিৰ পৰিচালনা কমিটিৰ সভাপতি বলেন্দ্ৰ চন্দ্ৰ ঠাকুৰীয়া,উপ সভাপতি কমলা কলিতা , খানামুখ ৰূপকোঁৱৰ হাউছিং কমপ্লেক্স কমিটিৰ সভাপতি কমলাকান্ত দাস ,সাধাৰণ সম্পাদক অমিয় কলিতা,খানামুখ কেহেৰুৱাৰী খেলৰ সভাপতি কনক চন্দ্ৰ বৈশ্য , জ্যেষ্ঠ নাগৰিক শাৰদা কলিতা , নামঘৰ নিৰ্মাণ কমিটিৰ সম্পাদক সনাতন বৰুৱাকে ধৰি কেবাজনো কৰ্মকৰ্তা আৰু পুৰুষ – মহিলা নিৰ্বিশেষে শতাধিক লোক উপস্থিত থাকে । উল্লেখযোগ্য যে নামঘৰৰ পুনঃ নিৰ্মাণৰ বাবে বিধায়ক ৰমেন্দ্ৰ নাৰায়ণ কলিতাই বিধায়কৰ স্থানীয় এলেকা উন্নয়ন পুঁজিৰ পৰা ২.৫০ লাখ টকা আগবঢ়াইছে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন