ব্ৰহ্মপুত্ৰৰ বিধ্বংসী বান খহনীয়াৰ কৰাল গ্ৰাসত পৰি ১৯৯৮ চনৰ পৰাই ভূমিহাৰা ,গৃহহাৰা হোৱা মাতমৰা আৰু খেৰকটা পঞ্চায়তবাসীৰ নাৰ্য প্ৰাপ্য বিচাৰি বিগত ২০০৭ চনৰ পৰাই অবিৰাম গণ সংগ্ৰাম চলাই অহা খেৰকটা মাতমৰা নৈপৰীয়া পুনৰ সংস্থাপন দাবী সমিতিৰ এখন ৰাজহুৱা সভা মঙ্গলবাৰে অনুষ্ঠিত হয়। বিগত প্ৰায় ১৪ বছৰ ধৰি ব্ৰহ্মপুত্ৰৰ বুকুত সৰ্বস্ব সপি দি সৰ্বশ্ৰান্ত হোৱা দুই পঞ্চায়তৰ ডেৰ শতাধিক ভুক্তভোগী পৰিয়ালৰ প্ৰতিনিধিৰ উপস্থিতিত বাহিৰ টেকেলিফুটা গাঁওত এই সভাখন অনুষ্ঠিত হয়। বিশিষ্ট নাগৰিক গুঞ্জ লাল দলেৰ সভাপতিত্বত অনুষ্ঠিত সভাত উদ্দেশ্য ব্যাখ্যা কৰে কক পেগুৱে। বান খহনীয়া পীড়িত নদীপৰিয়া মাতমৰা খেৰকটা পঞ্চায়তৰ ৭ শতাধিক দৰিদ্ৰ পৰিয়ালৰ পুনঃসংস্থাপন বিচৰা সংগ্ৰামখনক অধিক গতিশীল কৰি তুলিবলৈ এখন নতুন শক্তিশালী সমিতি গঠন কৰাত গুৰুত্ব আৰোপ কৰি পেগুৱে আৰু ১৪খন গাঁওৰ ভুক্তভোগী পৰিয়াল উপস্থিত থকা সভাত নাৰ্য প্ৰাপ্য বিচৰা বিষয়টো বিস্তৃত আলোচনা কৰাৰ আহ্বান জনায়। সভাত পূৰ্ণকান্ত দলে , অমৰজিত দলে , দেবানন্দ দলে, অভিৰাম পেগু , বীৰেন পেগু আদি বিভিন্ন বক্তাই বিগত ১৪ বছৰ ধৰি এই সমিতিখনে ভুক্তভোগী ৰাইজৰ হৈ অব্যাহত ৰখা নিঃস্বাৰ্থ সংগ্ৰামী স্থিতিৰ শলাগ লৈ অনাগত সময়ত অধিক সক্ৰিয়তাৰে পুনৰ সংস্থাপনৰ বিষয়টো আগুৱাই নিয়াৰ বাবে এখন নতুন সমিতি গঠনৰ পোষকতা কৰে। লগতে এক মুনাফা লোভী চক্ৰই মুষ্টিমেয় গাঁওৰ সদস্যক লৈ সমান্তৰাল ভাৱে অন্য এখন সমিতি গঠন কৰা কাৰ্যক তীব্ৰ সমালোচনা কৰে সভাত। উপস্থিত ৰাইজেও ভবেশ দলেক সভাপতি আৰু ৰমেন পেগুক সম্পাদক হিচাবে লৈ গঠন কৰা একে নামৰ সমিতিখন অবৈধ বুলি ঘোষণা কৰাৰ আহ্বান জনায় সভাত । সভাতেই উপস্থিত ১৪ খন গাঁওৰ প্ৰতিনিধিৰ মতামত আৰু পৰামৰ্শৰ ভিত্তিত দেবানন্দ দলেক সভাপতি , ৰনোজ পাতিৰক সম্পাদক , ফুল কুমাৰ লাগাচু , লেনিন পেগু , কক পেগু , যতীন পেগুক উপ সভাপতি , অমৰজিৎ দলে , প্ৰসেনজিত পেগু , মনোজ পেগু , ভবেন্দ্ৰ পেগুক সহকাৰী সম্পাদক , বীৰেন পেগু আৰু টিকেন্দ্ৰ দলেক কোষাধ্যক্ষ হিচাপে লৈ এখন ৩১ জনীয়া সমিতি গঠন কৰা হয় । নবগঠিত সমিতিখনে ২০০৭ চনৰ পৰা অব্যাহত ৰখা নাৰ্য প্ৰাপ্য বিচৰা গণতান্ত্ৰিক সংগ্ৰামখনক অধিক তীব্রতৰ কৰি তোলাৰ সিদ্ধান্ত ব্যক্ত কৰে । সভাত নদীপৰীয়া দৰিদ্ৰ সৰ্বশ্ৰান্ত ৭৪৬টা পৰিয়ালৰ প্ৰাপ্য আদায়ৰ স্বাৰ্থত শীঘ্ৰেই মুখ্যমন্ত্ৰী হিমন্ত বিশ্ব শৰ্মা, ৰাজহ মন্ত্ৰী যোগেন মহন , শিক্ষা মন্ত্ৰী ডাঃ ৰনোজ পেগু আৰু অভিভাৱক মন্ত্ৰী সঞ্জয় কৃষাণক লগ ধৰি ৰাইজৰ অভাৱ সমস্যাৰ স্থ্যয়ী সমাধান কৰিবলৈ এটা সঁজাতি দল যোৱাৰো প্ৰস্তাৱ গ্ৰহণ কৰে। বাতৰি যুগুতালে অমৃত পৱন বৰাই।
Trending
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ
- এণ্ড্ৰিউ ইউল এণ্ড কোম্পানীৰ অধীনস্থ চাহ বাগিচাৰ অচল অৱস্থা দূৰীকৰণৰ বাবে ৰাজ্য চৰকাৰৰ প্ৰচেষ্টা
- Teachers’ Day Celebration in Chirang District Highlights Educational Advancements and Achievements
- ই পি মিডিয়া ফ’ৰাম চাউথ কামৰূপৰ প্ৰতষ্ঠা দিৱস উদযাপন
- এইচডিএফচি বেংকে গ্ৰাহক অভিজ্ঞতা উন্নত কৰিবলৈ নতুন বৈশিষ্ট্যৰে ইউপি আই আৰু চি বি ডি চি উন্মোচন কৰে
- 31st Annual General Meeting of Numaligarh Refinery Limited held
- পবাক বন্যপ্ৰাণী অভয়াৰণ্যৰূপে গঢ়ি তোলা হ’ব – বিধানসভাত মন্ত্ৰী চন্দ্ৰমোহন পাটোৱাৰী
- ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ