অসম চৰকাৰৰ পৰিবহণ বিভাগৰ গুৱাহাটীৰ বেতকুছিস্থিত কামৰূপ মহানগৰ জিলা( পঞ্জীয়ন আৰু অনুজ্ঞা ) পৰিবহণ বিষয়াৰ কার্যালয়ে মুখ্যমন্ত্ৰী ডঃ হিমন্ত বিশ্ব শৰ্মাৰ সদিচ্ছা আৰু পৰিবহণ মন্ত্ৰী চন্দ্রমোহন পাটোৱাৰীৰ নিৰ্দেশত ক’ভিডৰ বিৰুদ্ধে যুঁজ দি অহা প্ৰথম শ্ৰেণীৰ যোদ্ধা হিচাপে চিকিৎসকৰ বাবে অহা ১১ আগষ্টৰ পৰা থিতাতে বাহন চালনাৰ অনুজ্ঞাপত্ৰ প্ৰদানৰ বাবে ব্যৱস্থা গ্ৰহণ কৰিবলৈ সিদ্ধান্ত গ্ৰহণ কৰিছে । ইয়াৰ বাবে আবেদন গ্ৰহণ প্ৰক্ৰিয়া সৰল আৰু তৰাম্বিত কৰাৰ বাবে কামৰূপ মহানগৰ জিলাৰ জিলা পৰিবহণ বিষয়া ( পঞ্জীয়ন আৰু অনুজ্ঞা ) গৌতম দাসৰ বিশেষ বিশেষ তৎপৰতা আৰু গুৱাহাটী চিকিৎসা মহাবিদ্যালয় হস্পিতালৰ ( জি এম চি এইছ ) অধীক্ষক ডাঃ অভিজিৎ শৰ্মাৰ সহযোগত অধীক্ষকৰ কাৰ্যালয়ত বাহন চালনাৰ আবেদন প্ৰক্ৰিয়াৰ সহায়ক হোৱাকৈ এটা অনলাইন সেৱা কেন্দ্ৰ স্থাপন কৰা হৈছে । আজি এই সেৱা কেন্দ্ৰটো মুকলি কৰে জি এম চি এইছৰ কনিষ্ঠ চিকিৎসক সন্থাৰ সাধাৰণ সম্পাদক ডাঃ অচিন্ত্য পেগুৱে । এই উপলক্ষে সন্থাৰ কৰ্মকর্তা ডাঃ দুৰ্লভ গগৈয়ে আঁত ধৰা চমু অনুষ্ঠানত ডাঃ অচিন্ত্য পেগুৱে ভাষণত চিকিৎসক সমাজৰ বাবে বাহন চালনাৰ অনুজ্ঞাপত্ৰ প্ৰদান কৰাৰ বাবে শেহতীয়াকৈ কামৰূপ মহানগৰ জিলাৰ জিলা পৰিবহণ বিষয়া গৌতম দাসে যি পদক্ষেপ গ্ৰহণ কৰিছে সেয়া তুলনাবিহীন বুলি ব্যক্ত কৰে আৰু ইয়াৰ বাবে চিকিৎসক সমাজে পৰিবহণ বিভাগক সকলো ধৰণৰ সহায় সহযোগিতা আগবঢ়াই যাব বুলি সদৰি কৰে । সভাত জি এম চি এইছৰ উপ অধীক্ষক সন্দ্বীপ দাস , কনিষ্ঠ চিকিৎসক সন্থাৰ সভাপতি ডাঃ বিশাল সাহা , কৰ্মকর্তা ক্ৰমে ডাঃ ৰঞ্জিত ৰাউত , ডাঃ দ্বীপশিখা মেচ , ডাঃ ইজাজ আহমেদ উপস্থাপন থাকে । আনহাতে আজি প্ৰথম দিনটোতে ব্যাপক সঁহাৰি লাভৰে সেৱা কেন্দ্ৰত প্ৰায় ৩০ জন চিকিৎসকে বাহন চালনাৰ অনুজ্ঞাপত্ৰ লাভৰ বাবে আবেদন কৰিছে বুলি ডাঃ অচিন্ত্য পেগুৱে জানিবলৈ দিছে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন