সুদীৰ্ঘকাল বিভিন্ন আলোচনী-সাহিত্য মূলক গ্ৰন্থ আদিত লেখা-মেলা কৰি অসমীয়া সাহিত্য জীপাল কৰি অহা শোণিতপুৰ জিলাৰ জামুগুৰিহাটৰ শ’লগুৰি গাঁৱৰ নিৱাসী অবসৰী শিক্ষক, কবি খগেন হাজৰিকাক গহপুৰৰ কবি কানন ৰূপহী পাৰৰ কৱিতা গোষ্ঠীয়ে সম্বৰ্ধনা জ্ঞাপন কৰে৷ অসম সাহিত্য সভা,সদৌ অসম কবি সন্মিলন,সদৌ গ্ৰাম্য পুথিভৰাল,বাৰেচহৰীয়া ভাওনা সমিতি,ছাঁ সাহিত্য গোষ্ঠীৰ লগত জৰিত প্ৰবীন কবি গৰাকীক আজি আনুষ্ঠানিকভাৱে তেওঁৰ বাস গৃহত এই সম্বৰ্দ্ধনা জ্ঞাপন কৰা হয় ৷ এই উদ্দেশ্যৰে খগেন হাজৰিকাৰ বাসগৃহত ৰাষ্ট্ৰীয় শিক্ষকৰ বঁটা প্ৰাপক অবসৰী শিক্ষক মহেশ্বৰ বৰাৰ সঞ্চালনাত অনুষ্ঠিত এক গাম্ভীৰ্য্য পূৰ্ণ সভাত খগেন হাজৰিকাক তেওঁ সাহিত্য ক্ষেত্ৰলৈ আগবঢ়োৱা অৱদান তথা ৰূপহী পাৰৰ কবিতা আলোচনীৰ নিষ্ঠাৰে আঞ্চলিক সম্পাদকৰ দায়িত্ব বহন কৰা বাৱে চেলেং,গামোছা,মানপত্ৰ আৰু কিতাপৰ টোপোলাৰে সম্বৰ্দ্ধনা জ্ঞাপন কৰা হয় ৷ ৮৫ বছৰ গৰকা প্ৰবীন কবি গৰাকীৰ সম্বৰ্দ্ধনা অনুষ্ঠানত অংশ গ্ৰহণ কৰি খগেন হাজৰিকাৰ সাহিত্য কৰ্মৰ ওপৰত বক্তৱ্য প্ৰদান কৰে- গহপুৰৰ কবি, সাহিত্যিক ,নগেন কোঁৱৰ,গহপুৰ কবি কাননৰ সভানেত্ৰী নিকুঞ্জ কোঞৰ মহন্ত,ৰূপহী পাৰৰ কবিতাৰ সম্পাদিকা সৱিতা কোঁৱৰ,জামুগুৰি সাহিত্য সভাৰ সম্পাদক নাৰায়ন শইকীয়া,নদুৱাৰ প্ৰেছ ক্লাৱৰ সভাপতি ফণীন্দ্ৰ বৰুৱা,জামুগুৰিহাটৰ বিশিষ্ট সমাজকৰ্মী যোগেন বৰুৱা,গহপুৰৰ বিশিষ্ট কবি ,সাহিত্যিক অনন্ত বৰাই ৷ সভাখনিত বিভিন্নজনে কবিতা আবৃত্তিৰেও কবি খগেন হাজৰিকাক অভিনন্দন জ্ঞাপন কৰে ৷ অসমীয়া ভাষা-সাহিত্য-সংস্কৃতিক প্ৰাণৱন্ত কৰি তোলা খগেন হাজৰিকাই ঝংকাৰ,আহক এজাক সেউজীয়া বৰষুণ,একাজলি কৱিতাৰ সুৱাস,কাব্য সংকলনৰ লগতে শোণিতপুৰীয়া শব্দ সমলয়,নামৰ এখন কাব্য সংকলনো সম্পাদনা কৰে ৷ সভাৰ অন্তত খগেন হাজৰিকাৰ পৰিয়াল বৰ্গৰ হৈ বিষয় শিক্ষক বিপুল বৰা আৰু গহপুৰ কবি কাননৰ হৈ শলাগৰ শৰাই আগবঢ়ায় নিকুঞ্জ কোৱঁৰ মহন্তই৷গাম্ভীৰ্য্যপূৰ্ণ সভাখনিত কনমানি শিশু আইলিন হাজৰিকাই কবিতা আবৃত্তিৰে দৰ্শক ৰাইজক আপ্লুত কৰে৷
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে