ব্ৰহ্মপুত্ৰৰ স্বচ্ছতা আৰু সৃজনীশীলতা প্ৰতি লক্ষ্য ৰাখি প্ৰত্যেক বছৰৰ দৰে এইবাৰো অনুষ্ঠিত হ’ল জীৱন চিলা উৎসৱ। মহানগৰী ব্ৰহ্মপুত্ৰৰ পাৰত অনুষ্ঠিত হোৱা উৎসৱটিত বিভিন্ন ধৰণৰ দু:সাহসিক ক্ৰীড়া নৌকাবিহাৰ পুতলা নাচ প্ৰদৰ্শিত হয়। ইয়াৰ সমান্তৰালকে চিত্ৰাংকন প্ৰতিযোগিতা ফটোগ্ৰাফী প্ৰতিযোগিতা, ব্ৰহ্মপুত্ৰক লৈ ৰচিত গানৰ প্ৰতিযোগিতা, লোকসংগীত প্ৰতিযোগিতাকে আদি কৰি বহুকেইটা প্ৰতিযোগিতা অনুষ্ঠিত হয়।
উল্লেখযোগ্য যে জীৱন চিলা উৎসৱৰ লগত সংগতি ৰাখি সাংস্কৃতিক সন্ধিয়া অনুষ্ঠিত হয়। ৪ জানুৱাৰীৰ পৰা ৮ জানুৱাৰীলৈ অনুষ্ঠিত হোৱা উৎসৱটোত ব্ৰহ্মপুত্ৰৰ সম্পৰ্কে বিভিন্ন বিশেষজ্ঞৰ উপস্থিতিত এখন আলোচনা চক্ৰ অনুষ্ঠিত হয়।
জানিব পৰা মতে বহুকেইটা ইতিবাচক দিশৰ সম্পৰ্কে আলোচনাচক্ৰত বিভিন্নজনে মন্তব্য ৰাখে। আৰু সেইবোৰ বিভাগীয় কৰ্তৃপক্ষক শীঘ্ৰে অৱগত কৰা হ’ব বুলি আয়োজক সুৰেশ ৰঞ্জন গুদুকাই জানিবলৈ দিয়ে।
