ক’ভিড-১৯ মহামাৰীৰ সংক্ৰমণ ৰোধৰ বাবে দেশৰ আন কেবাখনো ৰাজ্যৰ লগতে অসমতো বিগত প্ৰায় দুমাহ ধৰি লকডাউন কেন্দ্ৰীক পৰিস্থিতি চলি আছে। কিন্তু এনে পৰিস্থিতি স্বত্বেও ৰাজ্যৰ আন কেবাখনো জিলাৰ লগতে কামৰূপ মহানগৰ জিলাৰ বিভিন্ন প্ৰান্তত ৰাষ্ট্ৰীয় ঘাইপথত সংঘটিত পথ দুৰ্ঘটনাই সচেতন লোকৰ লগতে চৰকাৰকো চিন্তিত কৰি তুলিছে। বিশেষকৈ ক্ষেত্ৰী, সোণাপুৰকে ধৰি ৰাষ্ট্ৰীয় ঘাইপথৰ বিভিন্ন প্ৰান্তত বিগত দিনকেইটাত সংঘটিত কেবাটাও দুৰ্ঘটনাত ভালে কেইজন লোক আঁহত – নিহত হৈছে। ইয়াৰ পৰিপ্ৰেক্ষিতত পথ দুৰ্ঘটনা ৰোধ আৰু চালক- পৰিচালককে ধৰি পথ ব্যৱহাৰকাৰী সকলৰ মাজত সজাগতা সৃষ্টিৰ বাবে পৰিবহন-যান বাহন খণ্ডৰ লগত জড়িত অংশীদাৰী সকলক সকলৰ উপস্থিতিত কামৰূপ মহানগৰ জিলা পথ সুৰক্ষা সমিতিৰ উদ্যোগত এখন এখন জৰুৰী সভা অনুষ্ঠিত হব। সমিতিৰ সদস্য- সচিব আৰু কামৰূপৰ মহানগৰ জিলাৰ জিলা পৰিবহন বিষয়া গৌতম দাসে জানিবলৈ দিয়া মতে অহা ২৫ জুনত দিনৰ ১১ বজাত উপায়ুক্ত কাৰ্যালয়ৰ সভাগৃহত অনুষ্ঠিত হ’বলগীয়া সভাখনত সভাপতিত্ব কৰিব উপায়ুক্ত তথা কমিটিৰ সভাপতি বিশ্বজিৎ পেগুয়ে। সভাত গুৱাহাটী মহানগৰ আৰক্ষীৰ যান বাহন শাখা, ৰাষ্ট্ৰীয় ঘাইপথ প্ৰাধিকৰণ, গুৱাহাটী পৌৰ নিগম, গুৱাহাটী মহানগৰ উন্নয়ন প্ৰাধিকৰণ, লোক নিৰ্মাণ বিভাগ, আঞ্চলিক পৰিবহন প্ৰাধিকৰণ, কামৰূপ মহানগৰ জিলাৰ জিলা পৰিবহন (প্ৰৱৰ্তক) বিষয়া, কামৰূপ মহানগৰ জিলাৰ বিদ্যালয় সমূহৰ পৰিদৰ্শকৰ কাৰ্যালয়ৰ দায়িত্ববাহী বিষয়া-প্ৰতিনিধিয়ে আদিয়ে ভাগ লব। সভাত ঘাইকৈ চালক-ৰাইজৰ মাজত সজাগতা সৃষ্টিৰে কিদৰে পথ দুৰ্ঘটনাৰ সংখ্যা হ্ৰাস কৰিব পাৰি তাৰ বিষয়ে মতামত গ্ৰহণ কৰা হ’ব।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন