ৰাষ্ট্ৰীয় দুৰ্যোগ সঁহাৰি বাহিনী চমুকৈ এন ডি আৰ এফৰ গুৱাহাটীৰ আজাৰা পাটগাঁওস্থিত প্ৰথম বেটেলিয়ানৰ মুখ্য কাৰ্যালয় চৌহদত ৩০ ডিচেম্বৰৰ পৰা আৰম্ভ হৈছে দুৰ্যোগ ব্যৱস্থাপনা বিষয়ক প্ৰশিক্ষণ শিবিৰ।প্ৰথমখন ডি আৰ এফ বেটেলিয়ানৰ কমাণ্ডেণ্ট ৰণধীৰ সিং গীলৰ তত্বাৱধানত অনুষ্ঠিত শিবিৰত বানপানী,ভূমিস্খলন,ভূমিকম্প,দুৰ্ঘটনা,ধুমুহাকে ধৰি যিকোনো প্ৰাকৃতিক আৰু মানৱসৃষ্ট দুৰ্যোগৰ পাছত আক্রান্ত লোকক উদ্ধাৰ কৰা,আহতক প্ৰাথমিক চিকিৎসা প্ৰদান,আহত লোকক নিৰাপদে সুৰক্ষিত স্থানলৈ স্থানান্তৰ কৰা,উদ্ধাৰকাৰী বাহিনী সমূহক দুৰ্যোগ প্ৰৱন অঞ্চলত সহযোগিতা আগবঢ়োৱা আদিৰ প্ৰশিক্ষণ প্ৰদান কৰিছে।এই সন্দৰ্ভত প্ৰথম এন ডি আৰ এফৰ কমাণ্ডেণ্ট ৰণধীৰ সিং গীলে জানিবলৈ দিয়া মতে কেন্দ্রীয় চৰকাৰৰ নিৰ্দেশনা অনুসৰি যোৱা আগষ্ট মাহৰ পৰা এন কে ওৱাই এছৰ স্বেচ্ছাসেৱকক দুৰ্যোগ প্ৰশমন আৰু দুৰ্যোগ ব্যৱস্থাপনাৰ প্ৰশিক্ষণ প্ৰদান কৰি অহা হৈছে।এই পৰ্যন্ত ধুবুৰী জিলাৰ ৪৫০ জন স্বেচ্ছাসেৱকে প্ৰথম এন ডি আৰ এফএফ মুখ্য কাৰ্যালয় চৌহদত অনুষ্ঠিত ৯ টা শিবিৰত প্ৰশিক্ষণ গ্ৰহণ কৰিছে।এই প্ৰশিক্ষণৰ মূল লক্ষ্য হৈছে যিকোনো দুৰ্যোগৰ পাছত স্বেচ্ছাসেৱকসকলে নিজ নিজ অঞ্চলত যাতে তৎকালে দুৰ্যোগত আক্রান্ত লোকসকলক সহায়ৰ হাত আগবঢ়াব পাৰে।
Trending
- খাদী আৰু গ্ৰামোদ্যোগ ব’ৰ্ডত গান্ধী জয়ন্তী উদযাপন
- সদৌ অসম খণ্ড সমল ব্যক্তি ফৰামৰ সভা
- নগাঁৱত আন্তজাতিক অহিংস দিৱস উদযাপন
- স্বচ্ছতাক দৈনন্দিন জীৱনশৈলীৰ অংশ কৰি তুলিলে দেশৰ উন্নয়ন ত্বৰান্বিত হ’ব – কেশৱ মহন্ত
- আয়ুস্মান ভৱ অভিযানৰ অধীনত পৰিবহণ বিষয়াৰ কাৰ্যালয়ত বিনামূলীয়া স্বাস্থ্য পৰীক্ষা শিবিৰ
- স্কুলীয়া ছাত্ৰ-ছাত্ৰীৰ লগতে বিভিন্ন স্তৰৰ লোকৰ অংশগ্ৰহণেৰ স্বচ্ছতাই সেৱা কাৰ্যসূচীলৈ অসমৰ উৎসাহজনক সঁহাৰি
- ঢকুৱাখনা চেইণ্ট থমাছ স্কুলত অমৃত মহোৎসৱৰ কাৰ্যসূচী
- গুৱাহাটীৰ কৃত্ৰিম বানৰ সমস্যা সমাধানৰ দিশত উল্লেখযোগ্য পদক্ষেপ
- সহকাৰী পৰিবহণ আয়ুক্ত গৌতম দাস আৰু পৰিবহণ বিষয়া হিমাংশু কুমাৰ দাসলৈ দিল্লীৰ সৰ্বভাৰতীয় সংস্থাৰ বিশেষ বঁটা
- ছেফৰ চতুৰ্বিংশতিতম সন্মিলন সম্পন্ন