অসম চৰকাৰে ৰাজ্যৰ হস্ততাঁত আৰু বস্ত্ৰশিল্পক শক্তিশালী কৰি এই খণ্ডটোৰ লগত জড়িত শিপিনী , শিল্পী সকলে যাতে নিজৰ দক্ষতা বৃদ্ধি কৰি ইয়াক জীৱন জীৱিকাৰ উপায় হিচাপে গ্ৰহণ কৰিব পাৰে তাৰ ওপৰত গুৰুত্ব আৰোপ কৰিছে । আমাৰ মিত্ৰজোঁটৰ চৰকাৰে সেইবাবেই হস্ততাঁত আৰু বস্ত্ৰশিল্পৰ লগত জড়িত শিপিনী , শিল্পী সকলৰ দক্ষতা বৃদ্ধিৰ বাবে অসম ৰাজ্যিক গ্ৰামীণ জীৱিকা মিছন চমুকৈ এ এছ আৰ এল এমৰ জৰিয়তে কেন্দ্ৰীয় চৰকাৰৰ হস্ততাঁত আৰু বস্ত্ৰশিল্প মন্ত্ৰণালয়ৰ অধীনৰ সমৰ্থ আঁচনিৰ নিৰ্বাচিত শিপিনীক দক্ষতা বৃদ্ধিৰ প্ৰশিক্ষণ দিয়া কাম আৰম্ভ কৰিছে । এই মন্তব্য পশ্চিম গুৱাহাটীৰ বিধায়ক ৰমেন্দ্ৰ নাৰায়ণ কলিতাৰ । কালি বিয়লি কাঁহিকুছি গাঁও পঞ্চায়তৰ অধীনৰ মাটিয়া পাহাৰত হস্ততাঁত আৰু বস্ত্ৰশিল্পৰ বিকাশৰ বাবে কেবা বছৰ পূৰ্বে আভা ফাউণ্ডেশ্যনৰ উদ্যোগত স্থাপন আভা ক্ৰিয়েছনত দক্ষতা বৃদ্ধিৰ প্ৰশিক্ষণ গ্ৰহণ কৰা ১৯ গৰাকী শিপিনীক মানপত্ৰ বিতৰণ কৰি এই মন্তব্য কৰে বিধায়ক ৰমেন্দ্ৰ নাৰায়ণ কলিতাই । বিধায়ক কলিতাই কয় অসমৰ শিল্পী – শিপিনীয়ে প্ৰস্তুত কৰা সামগ্ৰীৰ দেশ – বিদেশত বিশেষ সুনাম আছে ।আনহাতে এইক্ষেত্ৰত আভা ক্ৰিয়েছনৰ অধ্যক্ষ অনু মণ্ডলে বস্ত্ৰশিল্পটোত নতুন প্ৰযুক্তিৰ সমাহাৰ ঘটায় তাক আকৰ্ষণীয় কৰাৰ বাবে গ্ৰহণ কৰা প্ৰচেষ্টাৰ শলাগ লৈ কলিতাই শিপিনী সকলৰ উত্তৰোত্তৰ উন্নতি কামনা কৰে । আনহাতে আভা ক্ৰিয়েছনৰ অধ্যক্ষ অনু মণ্ডলৰ আদৰণি ভাষণৰে শুভাৰম্ভ হোৱা অনুষ্ঠানত ভাৰত চৰকাৰৰ হস্ততাঁত আৰু বস্ত্ৰশিল্প মন্ত্ৰণালয়ৰ গুৱাহাটী আঞ্চলিক কাৰ্যালয়ৰ সঞ্চালক এছ বন্দ্যোপাধ্যায় , অসম চৰকাৰৰ এ এছ আৰ এল এমৰ ৰাজ্যিক মিছন সঞ্চালক কৃষ্ণা বৰুৱা , মুখ্য অপাৰেটিং বিষয়া ডঃ হিমাদ্রি কোঁচ , ৰাজ্যিক প্ৰকল্প প্ৰবন্ধক ধ্ৰুৱজ্যোতি গগৈ , কাঁহিকুছি গাঁও পঞ্চায়তৰ সভাপতি জগন্নাথ ঠাকুৰীয়া , অগপৰ পশ্চিম গুৱাহাটী বিধান পৰিষদৰ সাধাৰণ সম্পাদক ৰবীন দৈমাৰীকে ধৰি কেবাজনো বিশিষ্ট লোক উপস্থিত থাকে ।
Trending
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে
- NECTAR Launches Organic Agriculture Project in Arunachal Under PM-DevINE Scheme