মহাবীৰ লাচিত বৰফুকনৰ জীৱন আৰু কর্মৰাজিৰ ওপৰত ভিত্তি কৰি নির্মাণ কৰা ছবি ‘লাচিত : দ্য ৱাৰিয়ৰ য়ে পুনৰ সুখ্যাতি কঢ়িয়াই আনিবলৈ সক্ষম হৈছে৷ দিল্লী আন্তঃৰাষ্ট্রীয় চুটি ছবি মহোৎসৱৰ দ্বাদশ সংস্কৰণত শ্রেষ্ঠ এনিমেচন ছবিৰ সন্মান লাভ কৰিছে ‘লাচিত : দ্য ৱাৰিয়ৰয়ে৷ এই ছবিখন অসম আৰক্ষীৰ বিশেষ টাস্ক ফ’ৰ্চৰ উপ–মহাপৰিদর্শক পার্থসাৰথি মহন্তই পৰিচালনা কৰিছে৷ ছবিখন প্রযোজনা কৰিছে মীনা মহন্ত আৰু ইন্দ্রাণী বৰুৱাই৷ বিশিষ্ট সাহিত্যিক ড০ অমৰজ্যোতি চৌধুৰীয়ে ছবিখনৰ ধাৰাভাষ্য প্রদান কৰিছে৷ উল্লেখ্য যে লাচিত বৰফুকনৰ ৪০০ বছৰীয়া জন্মজয়ন্তী উপলক্ষে নতুন দিল্লীত আয়োজন কৰা কার্যসূচীৰ সময়তে বিগত বর্ষৰ ২৫ নৱেম্বৰত ছবিখন প্রদর্শন কৰা হৈছিল৷ ইতিমধ্যে এই ছবিখনে কেইবাখনো আন্তঃৰাষ্ট্রীয় আৰু ৰাষ্ট্রীয় ছবি মহোৎসৱত সন্মান লাভ কৰিবলৈ সক্ষম হৈছে৷ শেহতীয়াকৈ ইণ্ডিয়ান পেনোৰামালৈও পার্থসাৰথি মহন্ত পৰিচালিত ছবিখন মনোনীত হৈছে৷ চুটি ছবি আৰু তথ্যচিত্রৰ প্রচাৰ আৰু প্রসাৰৰ বাবে দিল্লী আন্তঃৰাষ্ট্রীয় চুটি ছবি মহোৎসৱ অনুষ্ঠিত কৰি অহা হৈছে৷ ২০১২ বর্ষত দিল্লী আন্তঃৰাষ্ট্রীয় চুটি ছবি মহোৎসৱৰ প্রথম সংস্কৰণ অনুষ্ঠিত হৈছে৷
Trending
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ
- এণ্ড্ৰিউ ইউল এণ্ড কোম্পানীৰ অধীনস্থ চাহ বাগিচাৰ অচল অৱস্থা দূৰীকৰণৰ বাবে ৰাজ্য চৰকাৰৰ প্ৰচেষ্টা
- Teachers’ Day Celebration in Chirang District Highlights Educational Advancements and Achievements
- ই পি মিডিয়া ফ’ৰাম চাউথ কামৰূপৰ প্ৰতষ্ঠা দিৱস উদযাপন
- এইচডিএফচি বেংকে গ্ৰাহক অভিজ্ঞতা উন্নত কৰিবলৈ নতুন বৈশিষ্ট্যৰে ইউপি আই আৰু চি বি ডি চি উন্মোচন কৰে
- 31st Annual General Meeting of Numaligarh Refinery Limited held
- পবাক বন্যপ্ৰাণী অভয়াৰণ্যৰূপে গঢ়ি তোলা হ’ব – বিধানসভাত মন্ত্ৰী চন্দ্ৰমোহন পাটোৱাৰী
- ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ