কামৰূপ জিলাৰ বঙৰাৰ কৈটাসিদ্ধিত বৃহত্তৰ অঞ্চলটোৰ বিশিষ্ট শিক্ষাবিদ, প্ৰবন্ধকাৰ, শ্ৰীশংকৰদেৱ উচ্চ মাধ্যমিক বিদ্যালয়ৰ অৱসৰপ্ৰাপ্ত প্ৰধান শিক্ষক গৌৰীকান্ত নাথৰ দ্বাৰা ৰচিত তথা “পৰাগজ্যোতি প্ৰকাশন”ৰ দ্বাৰা প্ৰকাশিত আজি “বৰঝাৰ বিমান বন্দৰৰ আদি আৰু আজি” শুভ উন্মোচন কৰা হয়। গ্ৰন্থখনি উন্মোচন কৰি অসম লোক নিৰ্মাণ বিভাগৰ অৱসৰপ্ৰাপ্ত অভিযন্তা তথা বঙৰা আঞ্চলিক সাহিত্য মঞ্চৰ সম্পাদক ধৰণীধৰ নাথে কয় – বৰঝাৰ বিমান বন্দৰ বিষয়ক গ্ৰন্থখনি এক মাইলৰ খুটি হিচাপে বিবেচিত হ’ব। গ্ৰন্থখনিয়ে নতুন প্রজন্মক চকু মেল খুৱাব। অতিথি পৌৰ নিগমৰ অৱসৰপ্ৰাপ্ত উপ অনুজ্ঞাপন বিষয়া গজেন চন্দ্র দাসে কয়-বৰঝাৰ বিষয়ক ইতিহাস সম্পর্কীয় গ্ৰন্থখনিয়ে ছাত্র-ছাত্ৰী, সমাজৰ সকলো স্তৰৰ লোকৰ বাবে এক আপুৰুগীয়া দলিল হ’ব। বহুভাষিক সাহিত্য মঞ্চ, অসমৰ চমুকৈ প্ৰধান সম্পাদক তথা সাংবাদিক, লেখক দীপক শৰ্মাই কয়- এখন গ্ৰন্থই এটি সভ্যতা ধৰি ৰাখিব পাৰে। গ্ৰন্থ এখনৰ জন্ম বেদনা আৰু এটি সন্তানৰ জন্ম বেদনা একে। এগৰাকী মাতৃয়েহে বুজে সন্তানৰ জন্মৰ আনন্দ। লেখক- লেখিকাই বুজে গ্ৰন্থৰ জন্মৰ আনন্দ। গৌৰীকান্ত নাথৰ গ্ৰন্থখনিয়ে এখন বহল ইতিহাস। এই গ্ৰন্থখনিয়ে অসম, ভাৰত, বিশ্বৰ বাবে আপুৰুগীয়া গ্ৰন্থ। উত্তৰ পূব ভাৰতৰ দুৱাৰমুখ স্বৰূপ বৰঝাৰ বিমান বন্দৰৰ ইতিহাস এই গ্ৰন্থখনিয়ে দাঙি ধৰিছে। সকলো ধৰণৰ ইতিহাস সম্পর্কীয় ছাত্র-ছাত্ৰী, শিক্ষক-শিক্ষয়িত্ৰী, গৱেষক, সাহিত্যিক, সাংবাদিক সকলৰ বাবে এখনি সংৰক্ষণ কৰিবলগীয়া গ্রন্থ। সভাত কৈটাসিদ্ধি ৰাইজ গয়ৰহৰ সভাপতি প্ৰদীপ নাথ, দক্ষিণ কামৰূপ সচেতন মঞ্চৰ অধ্যক্ষ তথা প্ৰাক্তন ছাত্র নেতা মদন দাস, ৰাষ্ট্ৰীয় স্বয়ং স্বেৱক সংঘৰ গুৱাহাটী মহানগৰৰ সহ: গ্ৰাম বিকাশ প্ৰমুখ সীমান্ত দাস, শ্ৰমিক সেনাৰ সভাপতি তথা কবি শিৰষ দাস, কৈটাসিদ্ধি প্ৰাথমিক বিদ্যালয়ৰ প্ৰধান শিক্ষয়িত্ৰী বিমলা দেৱী নাথ প্ৰভৃতিয়ে বক্তব্য দাঙি ধৰি গ্ৰন্থ অধ্যয়ন লগতে গ্ৰন্থৰে জনপ্রিয় হোৱাৰ গুণ আদিৰ ওপৰত গভীৰ ভাৱে আলোচনা কৰে। সভাত লেখক গৌৰীকান্ত নাথেও বক্তব্য দাঙি ধৰে।
Trending
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ
- এণ্ড্ৰিউ ইউল এণ্ড কোম্পানীৰ অধীনস্থ চাহ বাগিচাৰ অচল অৱস্থা দূৰীকৰণৰ বাবে ৰাজ্য চৰকাৰৰ প্ৰচেষ্টা
- Teachers’ Day Celebration in Chirang District Highlights Educational Advancements and Achievements
- ই পি মিডিয়া ফ’ৰাম চাউথ কামৰূপৰ প্ৰতষ্ঠা দিৱস উদযাপন
- এইচডিএফচি বেংকে গ্ৰাহক অভিজ্ঞতা উন্নত কৰিবলৈ নতুন বৈশিষ্ট্যৰে ইউপি আই আৰু চি বি ডি চি উন্মোচন কৰে
- 31st Annual General Meeting of Numaligarh Refinery Limited held
- পবাক বন্যপ্ৰাণী অভয়াৰণ্যৰূপে গঢ়ি তোলা হ’ব – বিধানসভাত মন্ত্ৰী চন্দ্ৰমোহন পাটোৱাৰী
- ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ