মণিপুৰৰ ননী জিলাৰ টুপুলত সংঘটিত ভয়াৱহ ভূমিস্খলনত নিহত মৰিগাঁও জিলাৰ লাহৰীঘাটৰ হৰমোহন ডেকাৰ পত্নীয়ে লাভ কৰা নাছিল চৰকাৰে মৃত শ্ৰমিক সকলৰ বাবে প্ৰদান কৰা কোনো ধৰণৰ সাহাৰ্য।অৱশেষত কালি মৃত হৰমোহনৰ পত্নী প্ৰণীতা কৌৱৰ ডেকাই অসম চৰকাৰে আগবঢ়োৱা আৰ্থিক সাহাৰ্য লাভ কৰিবলৈ সক্ষম হয়। উল্লেখযোগ্য যে যোৱা ২৯ জুনৰ নিশা মণিপুৰৰ টুপুলত সংঘটিত ভূমিস্খলনত মৰিগাঁও জিলাৰ কুশতলি অঞ্চলৰ ১৬ গৰাকীকৈ শ্ৰমিকৰ অকাল মৃত্যু ঘটাৰ লগতে আন ৫ গৰাকী শ্ৰমিক আহত হৈছিল।মৃত শ্ৰমিক সকলৰ ভিতৰত আছিল অঞ্চলটোৰ লাউভূৰুঙ্গা গাঁৱৰ হৰমোহন ডেকা নামৰ এগৰাকী শ্ৰমিকো।মৃত শ্ৰমিক হৰমোহনৰ আছে পত্নী আৰু প্ৰায় ৯ বছৰীয়া এটা পুত্ৰ সন্তান। ইফালে মৃত আৰু আহত শ্ৰমিক সকলক মণিপুৰৰ চৰকাৰৰ উপৰিও অসম চৰকাৰে মৃত শ্ৰমিক সকলৰ বাবে ২ লাখ আৰু আহত সকলৰ বাবে ২৫ হাজাৰকৈ টকা সাহাৰ্য প্ৰদান কৰিছে।ইতিমধ্যে অসম চৰকাৰৰ হৈ মন্ত্ৰী পীয়ুষ হাজৰিকা আৰু চন্দ্ৰমোহন পাটোৱাৰীয়ে কুশতলি অঞ্চলৰ খোৰাগোসাঁই বড়িত আনুষ্ঠানিক ভাৱে অসম চৰকাৰে প্ৰদান কৰা সাহাৰ্যৰ চেক সমূহ প্ৰদান কৰে যদিও পাৰিবাৰিক কন্দলৰ বাবে মৃত হৰমোহনৰ পত্নী প্ৰণীতা কৌৱৰ ডেকাই সেই সাহাৰ্য লাভৰ পৰা বঞ্চিত হৈছিল।প্ৰণিধানযোগ্য যে মৃত হৰমোহনৰ বিধৱা পত্নী প্ৰণীতাৰ বিৰুদ্ধে শাহুৰ লগতে ভনীজোঁঁৱাই আৰু হৰমোহনৰ জ্যেষ্ঠ ভাতৃৰ পত্নীয়ে ধনৰ লালসাত প্ৰশাসনৰ ওচৰত ভুৱা অভিযোগ দাখিল কৰি সাহাৰ্য পোৱাৰ পৰা বঞ্চিত কৰি আহিছিল।পিছত স্থানীয় প্ৰশাসনৰ প্ৰচেষ্টাত সকলো তদন্ত কৰি অৱশেষত আজি মৰিগাঁও জিলা উপায়ুক্ত কাৰ্যালয়ত মৃত হৰমোহনৰ পত্নী প্ৰণীতা কৌৱৰ ডেকাক অসম চৰকাৰে প্ৰদান কৰা ২ লাখ টকীয়া আৰ্থিক সাহাৰ্যৰ চেক প্ৰদান কৰে।উল্লেখযোগ্য যে মৃত হৰমোহনৰ বিধৱা পত্নীৰ ন্যায়ৰ বাবে স্থানীয় লোকেও দাবী জনাই আহিছিল আৰু সেই অনুসৰি প্ৰশাসনে তদন্তৰ মৰ্মে বিধৱা প্ৰণীতা কৌৱৰ ডেকাক অসম চৰকাৰৰ সাহাৰ্যৰ চেক প্ৰদান কৰা কাৰ্যত প্ৰশাসনক কৃতজ্ঞতা জনাইছে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন