গুৱাহাটী বিশ্ববিদ্যালয়ৰ স্নাতকোত্তৰ ছাত্ৰ সন্থাৰ উদ্যোগত অনুষ্ঠিত গুৱাহাটী বিশ্ববিদ্যালয় সপ্তাহ ২০মাৰ্চত সামৰণি পৰে।২০ মাৰ্চত বিশ্ববিদ্যালয়ৰ সামৰণি অনুষ্ঠানৰ লগত সংগতি ৰাখি অনুষ্ঠিত হোৱা বাৰেৰহণীয়া সাংস্কৃতিক শোভাযাত্ৰা মুকলি কৰে সদৌ অসম ছাত্ৰ সন্থাৰ সভাপতি দীপাংকৰ কুমাৰ নাথে ।শোভাযাত্ৰাত ভাগ লোৱা ছাত্ৰ ছাত্ৰী সকলে অসমৰ বিভিন্ন জনগোষ্ঠীৰ পৰম্পৰাগত কৃষ্টি সংস্কৃতি প্ৰদৰ্শন কৰি সকলোকে আপ্লুত কৰে।ইয়াৰ উপৰিও বিয়লি বিৰিঞ্চি কুমাৰ বৰুৱাৰ প্ৰেক্ষাগৃহত বঁটা বিতৰণী সভা অনুষ্ঠিত হয় ।স্নাতকোত্তৰ ছাত্ৰ সন্থাৰ সভাপতি লাকীমণি বৰুৱাৰ আদৰণি ভাষণৰে আৰম্ভ হোৱা সভাৰ আঁত ধৰে সাধাৰণ সম্পাদক নৱজ্যোতি গগৈয়ে।সভাত গুৱাহাটী বিশ্ববিদ্যালয়ৰ উপাচাৰ্য ডক্টৰ মৃদুল হাজৰিকা,শ্ৰেণী সমূহৰ সচিব হেমন্ত কুমাৰ নাথ ,ছাত্ৰ কল্যাণ সঞ্চালক ডক্টৰ ৰঞ্জন কাকতি,সদৌ অসম ছাত্ৰ সন্থাৰ মুখ্য উপদেষ্টা ডক্টৰ সমুজ্জ্বল কুমাৰ ভট্টাচাৰ্য ,সাদিন কাকতৰ সম্পাদক অনুৰাধা শৰ্মা পূজাৰীয়ে বিশ্ববিদ্যালয় প্ৰতিযোগিতাত বিজয়ী সকলক বঁটা প্ৰদান কৰে।উল্লেখযোগ্য যে এইবাৰ বিশ্ববিদ্যালয়ৰ সপ্তাহত শ্ৰেষ্ঠ গায়ক, জ্যোতিষ্মান মৰাণ আৰু হিমাদ্ৰী শৰ্মাই মিষ্টাৰ ইউনিভাৰচিটি, জ্যোতিময় দেউৰজাই শ্ৰেষ্ঠ অভিনেতা, জুৰি কাশ্যপে শ্ৰেষ্ঠ অভিনেত্ৰী ,শ্ৰেষ্ঠ নাট্যদলৰ অসম আৰ্হিৰ নং ছাত্ৰাবাসে, অৰ্চনা শৰ্মাই শ্ৰেষ্ঠ মূকাভিনেতা আৰু নিৰাজ পাডুলে শ্ৰেষ্ঠ খেলুৱৈৰ সন্মান লাভ কৰে।নিশাভাগত অনুষ্ঠিত হোৱা সাংস্কৃতিক অনুষ্ঠানে বিশ্ববিদ্যালয়ৰ সপ্তাহৰ সামৰণি পৰে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন